၉၉
၁ ထႃႇဝရႃႉၽြႃးၼင်ႈႁၢင်ႈၼင်ႈႁေႃယူႇဢေႃႈ။ႁႂ်ႈၵူၼ်းတင်းလၢႆမီး တၢင်းဢၼ်သၼ်ႇဢၼ်ဝႆသေၵမ်းလူၺ်ႈ။မၼ်းၸဝ်ႈၵိင်းဝၢပ်ႈယူႇၵႃႈၼိူဝ် ၶေႇရူႉၽိမ်ႇ ဢေႃႈ။
၂ ႁႂ်ႈလိၼ်မိူင်း မီးတၢင်းဢၼ်တူင်ႉဢၼ်ၼိုင်သေၵမ်းလူၺ်ႈ။ထႃႇဝရႃႉၽြႃးယႂ်ႇမျၢတ်ႈၼႃႇၵႃႈၼိူဝ်လွႆၸိဢုၼ်ႇ လႄႈမၼ်းၸဝ်ႈမီးတၢင်းဢၼ်ယုၵ်ႉယွင်ႈ ၵႃႈၼိူဝ်ၵူၼ်းတင်းသဵင်ႈတင်းလူင်ဢေႃႈ။
၃ ႁႂ်ႈၶဝ်ယွင်ႈယေႃး ၼႃႇမႃႉၸိုဝ်ႈသဵင်ၸဝ်ႈႁဝ်း ဢၼ်ယႂ်ႇမျၢတ်ႈၼႃႇၼၼ်ႉလႄႈ ထုၵ်ႇလီရူဝ်ႇသေႇၵူဝ်ယမ်ၼၼ်ႉသေၵမ်းလူၺ်ႈ။လွင်ႈမၼ်းၸမ်းမၼ်းၸဝ်ႈပဵၼ်ဢၼ်မူတ်းၸၢင်ႇဢေႃႈ။
၄ ႁႅင်းတၼ်းၶူဝ်းၶုၼ်ႁေႃၶမ်းၸိုင်ထုၵ်ႇၸႂ်ၵျိူၵ်ႈၸႂ်တၢင်းဢၼ်ၸီႇယၢင်ႇၸွမ်းၼင်ႇတြႃးဢေႃႈ။ၸဝ်ႈႁဝ်း ႁႂ်ႈတၢင်းဢၼ်သိုဝ်ႈလီယူဝ်းလီ တႄႇယူႇလႄႈ ၸဝ်ႈႁဝ်းႁဵတ်းတၢင်းဢၼ်ၸီႇယၢင်ႇၸွမ်းၼင်ႇတြႃး ဢိၵ်ႇတင်းတၢင်းဢၼ်တႅပ်းတတ်းသိုဝ်ႈသိုဝ်ႈ တေႃႇတေႃႇၵႃႈၼႂ်းမဵဝ်းယႃႇၵုပ်ႉဢေႃႈ။
၅ ဢွၼ်ၵၼ်ယွင်ႈယေႃးထႃႇဝရႃႉၽြႃး ၽြႃးပဵၼ်ၸဝ်ႈႁဝ်းတႃႉ။ဢွၼ်ၵၼ်ၵူဝ်းၵႂၢႆႇမၼ်းၸဝ်ႈ ၵႃႈတီႈၶူင်ႇတီႈတၢင်ႇတိၼ်မၼ်းၸဝ်ႈၼၼ်ႉတႃႉ။လွင်ႈမၼ်းၸမ်းမၼ်းၸဝ်ႈ ပဵၼ်ဢၼ်မူတ်းၸၢင်ႇဢေႃႈ။
၆ ၵႃႈၼႂ်းယိတ်ႉပရေႃးႁိၵ်ႈတင်းလၢႆၸမ်း မုဝ်းသေႇဢိၵ်ႇတင်းဢႃႇရုၼ်ႇ၊ ၵႃႈၼႂ်းၶဝ်ၸိူဝ်းဢၼ်ႁဵတ်းပထၼႃႇတီႈ ၼႃႇမႃႉၸိုဝ်သဵင်မၼ်းၸဝ်ႈၸမ်းသမူၺ်ႇလ ၶဝ်ၸိူဝ်းၼႆႉႁဵတ်းပထၼႃႇတီႈထႃႇဝရႃႉၽြႃးလႄႈ မၼ်းၸဝ်ႈၶိုၼ်းဢိူဝ်ႈဢေႃႈ။
၇ မၼ်းၸဝ်ႈယူႇၵႃႈၼႂ်းသဝ်မွၵ်ႇၵုမ်ႈသေလႄႈ မီးဢမိင်ႉတီႈၶဝ်ဢေႃႈ။ၶဝ်ၵေႃႈဢွၼ်ၵၼ်ပႂ်ႉၵမ်ပႂ်ႉၸွမ်းလွင်ႈတၢင်းဢၼ်မၼ်းၸဝ်ႈၶၢမ်ႇသၢၵ်ႈသေႇတင်းလၢႆ ဢိၵ်ႇတင်းထုင်းၾိင်ႈတြႃး ဢၼ်မၼ်းၸဝ်ႈၸီႇယၢင်ႇဝႆႉ ၼၼ်ႉဢေႃႈ။
၈ ထႃႇဝရႃႉၽြႃးၽြႃးပဵၼ်ၸဝ်ႈႁဝ်းတီႈၶႃႈ၊ၸဝ်ႈႁဝ်းၶိုၼ်းဢိူဝ်ႈၶဝ်ၼၼ်ႉတီႈၶႃႈဢေႃႈ။ပဵၵ်ႉသမ်ႉ ၸဝ်ႈႁဝ်းပၼ်ဢပျႅတ်ႈၵွပ်ႈပိူဝ်ႈဢမူႉၶဝ်ၸိူဝ်းၼၼ်ႉသေၵေႃႈ ၸဝ်ႈႁဝ်း ပဵၼ်ၽြႃးဢၼ်ယိူၼ်ႉၶၢမ်ႇၶဝ်ယူႇ တီႈၶႃႈဢေႃႈ။
၉ ဢွၼ်ၵၼ်ယွင်ႈယေႃးထႃႇဝရႃႉၽြႃးၽြႃးပဵၼ်ၸဝ်ႈႁဝ်းလႄႈ ၵူဝ်းၵႂၢႆႇၵႃႈတီႈလွႆမၼ်းၸဝ်ႈ ဢၼ်မူတ်းၸၢင်ႇၼၼ်ႉတႃႉ။ထႃႇဝရႃႉၽြႃးၽြႃးပဵၼ်ၸဝ်ႈႁဝ်းပဵၼ်ဢၼ်မူတ်းၸၢင်ႇဢေႃႈ။