၁၁၅
၁ တီႈၶႃႈၸဝ်ႈႁဝ်းၶဝ်ဢမ်ႇၸႂ်ႈၶႃႈ။ထႃႇဝရႃႉၽြႃးတီႈၶႃႈ၊ ဢမ်ႇၸႂ်ႈတီႈၶႃႈၸဝ်ႈႁဝ်းၶဝ်ၶႃႈ။တီႈၼႃႇမႃႉၸိုဝ်သဵင်ၸဝ်ႈႁဝ်းၼၼ်ႉၵူၺ်း ႁႂ်ႈမီးမုၼ်မီးၽုင်းၵွပ်ႈပိူဝ်ႈၵရူႉၼႃႇၸဝ်ႈႁဝ်းဢိၵ်ႇတင်း သႅတ်ႈၸႃႇၸဝ်ႈႁဝ်း ၼၼ်ႉသေၵမ်းလူၺ်ႈ။
၂ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႆႈ ဢွၼ်ၵၼ်လၢတ်ႈလႄႈဝႃႈ၊-ၽြႃးပဵၼ်ၸဝ်ႈၶဝ်ၼၼ်ႉမီးၵႃႈ လႂ်ဝႃႈၼင်ႇ ၼႆတီႈၶႃႈ။
၃ ၽြႃးပဵၼ်ၸဝ်ႈႁဝ်းမီးယူႇၵႃႈၼိူဝ်ၽုင်ႇၵၢင်ႁၢဝ်ဢေႃႈ။မၼ်းၸဝ်ႈႁဵတ်းၸွမ်းၵႃႈၼင်ႇဢၼ်ဢ လူဝ်ႇမၼ်းၸဝ်ႈမီးၼၼ်ႉဢေႃႈ။
၄ ရူၵ်ႈထူႉၶဝ်ၸိူဝ်းၼၼ်ႉၸမ်းပဵၼ်ငိုၼ်းပဵၼ်ၶမ်းဢေႃႈ။ပဵၼ်ၶိူင်ႈပိူင်ဢၼ်ၵူၼ်း ဢဝ်မိုဝ်းႁဵတ်းဢေႃႈ။
၅ ၶဝ်မီးသူပ်းသေၵေႃႈဢမ်ႇၸၢင်ႊလၢတ်ႈၵႂၢမ်း။ၶဝ်မီးမၢၵ်ႇတႃသေၵေႃႈဢမ်ႇၸၢင်ႊ တူၺ်းၸၢင်ႊႁၼ်။
၆ ၶဝ်မီးႁူသေၵေႃႈဢမ်ႇၸၢင်ႊထွမ်ႇၸၢင်ႊငိၼ်း။ၶဝ်မီးၶူႈလင်သေၵေႃႈ ဢမ်ႇၸၢင်ႊသုတ်ႇ ၸၢင်ႊၼူမ်ႈ။
၇ ၶဝ်မီးမိုဝ်းသေၵေႃႈဢမ်ႇၸၢင်ႊယိပ်းၸၢင်ႊၵမ်။ၶဝ်မီးတိၼ်သေၵေႃႈဢမ်ႇၸၢင်ႊၵႂႃႇၸၢင်ႊပႆ။ၶဝ်ဢမ်ႇၸၢင်ႊႁဵတ်းသဵင်ၵႃႈတီႈၵူင်ၶေႃးၶဝ်လူင် ပေႇ။
၈ ၶဝ်ၸိူဝ်းဢၼ်ႁဵတ်းၸိူဝ်းၼၼ်ႉတၵ်းမိူၼ်ၸိူဝ်ႉၼင်ႇၸိူဝ်းၼၼ်ႉလႄႈ ၶဝ်ၸိူဝ်းဢၼ်ဢိင်ပိုင်ႈၸိူဝ်းၼၼ်ႉၵေႃႈ တၵ်းမိူၼ်ၸိူဝ်ႉၼင်ႇၸိူဝ်းၼၼ်ႉဢေႃႈ။
၉ မဵဝ်းဢိသရေႇလဢိူၺ်း ဢိင်ပိုင်ႈထႃႇဝရႃႉၽြႃးယူႇတႃႉ။မၼ်းၸဝ်ႈပဵၼ်လွင်ႈတၢင်းဢၼ်ၸွႆႈဢၼ်ထႅမ်ၶဝ်ဢိၵ်ႇတင်း ၶိူင်ႈဢၼ်ႁႄႉလၢၵ်ႈၼၢၵ်ႈၶဝ်ဢေႃႈ။
၁၀ ၸိူဝ်ႉၶိူဝ်းဢႃႇရုၼ်ႇဢိူၺ်း၊ ဢိင်ပိုင်ႈထႃႇဝရႃႉၽြႃးယူႇတႃႉ။မၼ်းၸဝ်ႈပဵၼ်လွင်ႈတၢင်းဢၼ်ၸွႆႈဢၼ်ထႅမ် ၶဝ်ဢိၵ်ႇတင်းၶိူင်ႈႁႄႉလၢၵ်ႈၼၢၵ်ႈၶဝ်ဢေႃႈ။
၁၁ ၵူၼ်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်ဢိင်ပိုင်ႈထႃႇဝရႃႉၽြႃးယူႇတႃႉ။မၼ်းၸဝ်ႈပဵၼ်လွင်ႈတၢင်းဢၼ်ၸွႆႈဢၼ်ထႅမ်ၶဝ်ဢိၵ်ႇတင်းၶိူင်ႈ ႁႄႉလၢၵ်ႈၼၢၵ်ႈၶဝ်ဢေႃႈ။
၁၂ ထႃႇဝရႃႉၽြႃးၶုၵ်းၸႂ်လႆႈၶႆႈၸႂ်ထူပ်းႁဝ်းလႄႈ တၵ်းပၼ်တၢင်းလီတီႈႁဝ်းဢေႃႈ။မၼ်းၸဝ်ႈတၵ်းပၼ်တၢင်းလီတီႈ မဵဝ်းဢိသရေႇလလႄႈ တၵ်းပၼ်တၢင်းလီတီႈၸိူဝ်ႉၶိူဝ်းဢႃႇရုၼ်ႇဢေႃႈ။
၁၃ မၼ်းၸဝ်ႈတၵ်းပၼ်တၢင်းလီတီႈ ၶဝ်ၸိူဝ်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃး ၸဵမ်လဵၵ်ႉၸဵမ်ယႂ်ႇဢေႃႈ။
၁၄ ႁႂ်ႈထႃႇဝရႃႉၽြႃး ႁႂ်ႈသူ ဢိၵ်ႇတင်း လုၵ်ႈလၢင်းသူ ယႂ်ႇၽႄတူဝ်းတွၼ်းမႃးသေၵမ်းလူၺ်ႈ။
၁၅ သူၼႆႉပဵၼ်ၵေႃႉဢၼ်ထႃႇဝရႃႉၽြႃးဢၼ်ႁဵတ်းပဵၼ် ၵၢင်ႁၢဝ်တင်း လိၼ်မိူင်းၼၼ်ႉပၼ်တၢင်းလီဢေႃႈ။
၁၆ ၵၢင်ႁၢဝ်ၸမ်းပဵၼ်ၵၢင်ႁၢဝ်ထႃႇဝရႃႉၽြႃးဢေႃႈ။လိၼ်မိူင်းၸမ်းမၼ်း ၸဝ်ႈပၼ်တီႈလုၵ်ႈၵူၼ်းတင်းလၢႆယဝ်ႉ။
၁၇ ၵေႃႉဢၼ်တၢႆၵႂႃႇယဝ်ႉ ၵေႃႉဢၼ်လူင်းၵႂႃႇၵႃႈၼႂ်း တီႈဢၼ်တဵတ်ႇဢၼ်ယဵၼ်ယဝ်ႉ ၵႃႈမီးၸိူဝ်းၼၼ်ႉ ဢမ်ႇယွင်ႈဢမ်ႇ ယေႃးထႃႇဝရႃႉၽြႃး။
၁၈ ႁဝ်းၸမ်းတၵ်းဢွၼ်ၵၼ်ပၼ်တၢင်းလီတီႈထႃႇဝရႃႉၽြႃး ၸႃႉၸဵမ်မိူဝ်ႈလဵဝ်ၼႆႉၵႂႃႇသိုပ်ႇသိုပ်ႇတၢမ်ႈတၢမ်ႈဢေႃႈ။ႁႃႇလေႇလုယႃႇ။