၆၂
၁ ဝိၺိၺ်ႇၵဝ် ၸၢင်ႊယူႇတဵတ်ႇတဵတ်ႇယဵၼ်ယဵၼ်ၵႃႈတီႈၽြႃးပဵၼ်ၸဝ်ႈၵူၺ်းလႄႈ လွင်ႈတၢင်းဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉလႆႈလုၵ်ႉသေၵႃႈတီႈမၼ်း ၸဝ်ႈမႃးဢေႃႈ။
၂ မၼ်းၸဝ်ႈပဵၼ်မၢၵ်ႇႁိၼ်မၢၵ်ႇၽႃၵဝ်တၢင်းဢၼ်ၵႄႇသႄႇၶျွတ်ႈဢဝ်ၵဝ် တီႈဢၼ်မၼ်ႈၶိူင်ႇၵဝ်လႄႈတၢင်းဢၼ်သၼ်ႇဝႆၼႃႇလူင်လၢင်ၼၼ်ႉ တၵ်းဢမ်ႇမီးတီႈၵဝ်။
၃ သူၵႃႈမီးတင်းသဵင်ႈတင်းလူင်တၵ်းဢွၼ်ၵၼ်တိုၵ်းတေႃးၵူၼ်းၵေႃႉၼိုင်ႈ ႁႂ်ႈလႆႈဢဝ်မၼ်းတၢႆလႄႈ မၢတ်ႈမၼ်းပဵၼ်ၸိူဝ်ႉၼင်ႇၽႃဢၼ်ၸၢႆႉဢၼ်လူမ်ႉဢိၵ်ႇတင်း လမ်းဢုတ်ႇဢၼ်ၼိုင်ဢၼ် ၶွၼ်းၼၼ်ႉယူႇၶိင်ႇၵႃႇလႃႉႁိုင်ၵႃႈႁိုဝ်။
၄ ၶဝ်ၵျၢမ်ႇပွင်ႁႂ်ႈလႆႈဢဝ်မၼ်းလူမ်ႉတူၵ်းသေ ၵႃႈတီႈဢၼ်မျၢတ်ႈဢၼ်သုင်မၼ်းၼၼ်ႉဢေႃႈ။ၶဝ်ထုၵ်ႇၸႂ်ၵျိူၵ်ႈၸႂ်မူႉသႃႇလႄႈၸၢင်ႊဢဝ်ႁူဝ်ၸႂ်ၶဝ် ႁဵတ်းတၢင်းဢၼ်ၵိၼ်ႇလႃႇဢေႃႈ။
၅ ဝိၺိၺ်ႇၵဝ်ဢိူၺ်း၊ မႂ်းယူႇတဵတ်ႇတဵတ်ႇယဵၼ်ယဵၼ်ယူႇတီႈၽြႃးပဵၼ်ၸဝ်ႈၵူၺ်းတႃႉ။လွင်ႈတၢင်းဢၼ်ၵဝ်မုင်ထႃႈမွင်းထႃႈၼၼ်ႉ လႆႈလုၵ်ႉသေၵႃႈတီႈမၼ်း ၸဝ်ႈၼၼ်ႉမႃးဢေႃႈ။
၆ မၼ်းၸဝ်ႈပဵၼ်မၢၵ်ႇႁိၼ်မၢၵ်ႇၽႃၵဝ် တၢင်းဢၼ်ၵႄႇသႄႇၶျွတ်ႈဢဝ်ၵဝ်တီႈဢၼ်မၼ်ႈၶိူင်ႇၵဝ်လႄႈ ၵႃႈတီႈၵဝ်ၼႆႉတၢင်းဢၼ်သၼ်ႇဢၼ်ဝႆၼႃႇလူင်လၢင်ၼၼ်ႉတၵ်းဢမ်ႇမီးတီႈၵဝ်။
၇ လွင်ႈတၢင်းဢၼ်ၵႄႇသႄႇၶျွတ်ႈဢဝ်ၵဝ် ဢိၵ်ႇတင်းမုၼ်ၽုင်းၵဝ်ၼၼ်ႉၸမ်း မီးတီႈၽြႃးပဵၼ်ၸဝ်ႈလႄႈမၢၵ်ႇႁိၼ်မၢၵ်ႇၽႃ ဢၼ်ပၼ်ႁႅင်းတီႈၵဝ် တီႈဢၼ်ၵဝ်သွၼ်ႈပိုင်ႈၼၼ်ႉၸမ်း မီးတီႈၽြႃးပဵၼ်ၸဝ်ႈဢေႃႈ။
၈ ၵူၼ်းတင်းလၢႆၶဝ်ဢိူၺ်း၊ ဢွၼ်ၵၼ်ဢိင်ပိုင်ႈယူႇတီႈမၼ်းၸဝ်ႈၵူႈၶိင်ႇၵူႈၶႃႇလႄႈ ဢဝ်ႁူဝ်ၸႂ်သူထွၵ်ႇႁိုဝ်ႈၵႃႈတီႈၽၢႆႇၼႃႈမၼ်းၸဝ်ႈတႃႉ။ၽြႃးပဵၼ်ၸဝ်ႈပဵၼ်တီႈဢၼ်ႁဝ်းသွၼ်ႈပိုင်ႈယူႇဢေႃႈ။ၸေႇလႃႇ။
၉ ၶဝ်ၸိူဝ်းဢၼ်တႅမ်ႇဢၼ်ယေႃႈၼၼ်ႉ ပဵၼ်ဢၼၢတ်ႉတႃႉလႄႈ ၶဝ်ၸိူဝ်းဢၼ်သုင်ဢၼ်ၶိူၵ်ႈၼၼ်ႉပဵၼ်မူႉသႃႇဢေႃႈ။ၶဝ်တၵ်းယုၵ်ႉၶိုၼ်ႈၵႃႈၼႂ်းယႃႇၸူႇၽၢင်ယွႆးၼၼ်ႉၵႂႃႇၵမ်းလဵဝ်လႄႈ ၶဝ်ၵႃႈမီးတင်းသဵင်ႈတင်းလူင်ၼၼ်ႉယင်းမဝ်ၼႃႇသေဢၼၢတ်ႉတႃႉဢေႃႈ။
၁၀ ယႃႇပေဢိင်ပိုင်ႈ တၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉ။ယႃႇပေဢုပ်ႇဢၢတ်ႇမူင်မႅၼ်ၼႂ်းတၢင်းဢၼ်ႁဵတ်းပႄႉႁဵတ်းၼႅင်ႇႁိမ်ဢဝ်ႁူင်ႇဢဝ်လႄႈလႆႈမႃး ၼၼ်ႉ။
၁၁ ပေႃးဢုၵ်ႉၸႃႇမီးတၢင်းဢၼ်ယႂ်ႇၽႄတိူဝ်းတွၼ်းမႃးၸိုင်ယႃႇပေမီးၸႂ်ဢၼ်ၸပ်းၸွႆးၸိူဝ်းၼၼ်ႉယူႇ။ၽြႃးပဵၼ်ၸဝ်ႈပၼ်ပျႃႇတိၵ်ႈၸဝ်ႈပွၵ်ႈၼိုင်ႈယဝ်ႉ။ပျႃႇတိၵ်ႈဢၼ် ၵဝ်သမ်ႉလႆႈငိၼ်းထူၼ်ႈထိုင်သွင်ပွၵ်ႈၼၼ်ႉၸမ်း တၼ်းၶူဝ်းမီးတီႈၽြႃးပဵၼ် ၸဝ်ႈဢေႃႈ။
၁၂ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းတဵမ်ဝႆႉတင်းၵရူႉၼႃႇယူႇတီႈၶႃႈဢေႃႈ။ၸဝ်ႈႁဝ်းတွပ်ႇတႅၼ်းပၼ်ဢၵျူဝ်းဢပျႅတ်ႈတီႈၵူၼ်း ႁင်းၽႂ်ႁင်းမၼ်းၸွမ်းလူၺ်ႈတၢင်းၵမ်တၢင်းၵျၢင်ႉ တၢင်းႁဵတ်းတၢင်းသၢင်ႈၶဝ်ၼၼ်ႉ တီႈၶႃႈဢေႃႈ။