၁၄၀
၁ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၵႄႇသႄႇၼုၵ်ႈဢဝ်ၶႃႈၸဝ်ႈသေ ၵႃႈၼႂ်းမိုဝ်းၵေႃႉဢၼ်ႁၢႆႉၼၼ်ႉသေၵမ်းတီႈၶႃႈ။ၶႅၼ်းတေႃႈႁႄႉၵင်ႈပႂ်ႉၸွႆႈပႂ်ႉထႅမ်ၶႃႈၸဝ်ႈယူႇသေ ၵႃႈၼႂ်းမိုဝ်းၵေႃႉဢၼ်ႁၢဝ်ႈၵျၢမ်းၼႃႇၼၼ်ႉသေ ၵမ်းတီႈၶႃႈ။
၂ ၶဝ်ၼၼ်ႉမီးတၢင်းၵျၢမ်ႇတၢင်းပွင်ဢၼ်ဢမ်ႇလီဢမ်ႇငၢမ်းၵႃႈၼႂ်းႁူဝ်ၸႂ်ၶဝ်လႄႈ ဢွၼ်ၵၼ်တိုၵ်းယူင်းဢမူႉသိုၵ်းယူႇ ၵူႈဝၼ်းဢမ်ႇထၢတ်ႇတီႈၶႃႈ ဢေႃႈ။
၃ ၶဝ်ၼၼ်ႉၸၢင်ႊလပ်ႉၸၢင်ႊသူၺ်းလိၼ်ႉၶဝ်ယူႇ၊မိူၼ်ၸိူဝ်ႉၼင်ႇငူးၼၼ်ႉတီႈၶႃႈဢေႃႈ။ၵႃႈၼႂ်းသီႇသူပ်းၶဝ်ၼၼ်ႉမီးၵွင်ႉမီးယၢင်ႊငူးႁၢႆႉတီႈၶႃႈဢေႃႈ။ၸေႇလႃႇ။
၄ ထႃႇဝရႃႉၽြႃးတီႈၶႃႈ၊ၶႅၼ်းတေႃႈႁႄႉၵင်ႈႁႄႉလပ်ႉၶႃႈၸဝ်ႈယူႇသေၵႃႈၼႂ်းမိုဝ်းၵေႃႉဢၼ်ဢမ်ႇတြႃးၼၼ်ႉသေၵမ်းတီႈၶႃႈ။ၶႅၼ်းတေႃႈပႂ်ႉၸွႆႈပႂ်ႉထႅမ်ၶႃႈၸဝ်ႈယူႇသေၵႃႈၼႂ်းမိုဝ်း ၵေႃႉဢၼ်ႁၢဝ်ႈၵျၢမ်းၼႃႇၼၼ်ႉသေၵမ်းတီႈၶႃႈ။ၶဝ်ၼၼ်ႉၵျၢမ်ႇပွင် ႁႂ်ႈတၢင်းဢၼ်ၶႃႈၸဝ်ႈယၢင်ႈတိၼ်ၵႂႃႇၸိူဝ်းၼၼ်ႉ လူမ်ႉတီႈ ၶႃႈဢေႃႈ။
၅ ၶဝ်ၸိူဝ်းဢၼ်မႃႇၼႃႉယႂ်ႇၼၼ်ႉ ဢွၼ်ၵၼ်ဢဝ်တူင်ႇႁဵဝ်ႉ ဢိၵ်ႇတင်းလိူၵ်ႇဢွၼ်ႇတင်းလၢႆ သိူင်ႇမႅပ်းဝႆႉပုၼ်ႈၶႃႈၸဝ်ႈတီႈၶႃႈဢေႃႈ။
၆ ၶႃႈၸဝ်ႈလဝ်ႈလၢတ်ႈဝႆႉတီႈထႃႇဝရႃႉၽြႃးလႄႈဝႃႈ၊- ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈတီႈၶႃႈဢေႃႈ၊ ဝႃႈၼင်ႇၼႆတီႈၶႃႈဢေႃႈ။ထႃႇဝရႃႉၽြႃးတီႈၶႃႈၶႅၼ်းတေႃႈဝၢႆႇႁူႁေႈႁူၸူး ၵႂၢမ်းဢၼ်ၶႃႈၸဝ်ႈလဝ်ႈယွၼ်းၼၼ်ႉသေၵမ်း တီႈၶႃႈ။
၇ ၸဝ်ႈၽြႃးထႃႇဝရႃႉႁႅင်းတၼ်းၶူဝ်းတၢင်းဢၼ် ၵႄႇသႄႇၶျွတ်ႈဢဝ်ၶႃႈၸဝ်ႈၼၼ်ႉ တီႈၶႃႈ၊ၸဝ်ႈႁဝ်းႁူမ်ႇငမ်းႁူဝ်ၶႃႈၸဝ်ႈဝႆႉ ၵႃႈၼႂ်းမိူဝ်ႉဝၼ်းဢၼ် တိုၵ်းသိုၵ်းၼၼ်ႉတီႈၶႃႈဢေႃႈ။
၈ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈယႃႇပေပၼ်ဢၶႂၢင်ႉႁႂ်ႈဢလူဝ်ႇၵေႃႉဢၼ်ဢမ်ႇတြႃးၼၼ်ႉလႆႈတဵမ်ထူၼ်ႈ သေၵမ်းတီႈၶႃႈ။လွင်ႈၼင်ႇႁိုဝ်ၶဝ်တၵ်းဢမ်ႇလႆႈယုၵ်ႉယွင်ႈတူဝ်ၶဝ် ၶိုၼ်ႈၵႃႈတီႈဢၼ်သုင်ၸိုင်၊ၶႅၼ်းတေႃႈယႃႇပေပၼ်ႁႂ်ႈတၢင်းၵျၢမ်ႇတၢင်းပွင်ၶဝ် လႆႈတဵမ်ထူၼ်ႈသေၵမ်းတီႈၶႃႈ။
၉ မိူဝ်ႈဢၼ် ၶဝ်ၸိူဝ်းဢၼ်လွမ်ႉႁွပ်ႈၶႃႈၸဝ်ႈယူႇၼၼ်ႉယုၵ်ႉယွင်ႈႁူဝ်ၶဝ်ၼၼ်ႉၸိုင်ႁႂ်ႈတၢင်းဢၼ်ဢမ်ႇလီဢမ်ႇငၢမ်းဢၼ်ဢွၵ်ႇသူပ်းၶဝ်ၼၼ်ႉ ႁူမ်ႇသုမ်ႇၶဝ်ဝႆႉသေ ၵမ်းလူၺ်ႈ။
၁၀ ႁႂ်ႈထၢၼ်ႇၽႆးတင်းလၢႆတူၵ်းသႂ်ႇၵႃႈၼိူဝ်ၶဝ်ၼၼ်ႉသေၵမ်းလူၺ်ႈ။ႁႂ်ႈၶဝ်တူၵ်းၵႃႈၼႂ်းၽႆးဢိၵ်ႇတင်းၵႃႈၼႂ်းၶုမ်ႁူးဢၼ်လိုၵ်ႉၼၼ်ႉထၼ်ႈပေႃး ဢမ်ႇ လႆႈၶိုၼ်းလုၵ်ႉသေၵမ်းလူၺ်ႈ။
၁၁ ၵေႃႉဢၼ်သူပ်းႁုၵ်ႉသူပ်းႁၢႆႉၼၼ်ႉ ဢမ်ႇလႆႈတူၵ်းတီႈတူၵ်းလႅၼ်ယူႇၵႃႈၼိူဝ်လိၼ်မိူင်းမၼ်ႈမၼ်ႈၶိူင်ႇၶိူင်ႇ။ၽေးဢူးပၢတ်ႈတၵ်းလိုပ်ႈၸွမ်းလမ်းၸွမ်း ၵေႃႉဢၼ်ႁၢဝ်ႈၵျၢမ်းၼႃႇၼၼ်ႉတေႃႇထိုင်ႁွတ်ႈထၼ်ႈပေႃးယႃႉမၼ်းပႅတ်ႈဢေႃႈ။
၁၂ ၵဝ်ႁူႉ လွင်ႈဢၼ်ထႃႇဝရႃႉၽြႃးတၵ်းပႂ်ႉဢမူႉ ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉလႄႈ ၸီႇယၢင်ႇတြႃးၽၢႆႇၵေႃႉဢၼ်ၸုတ်ႈဢၼ်လုတ်ႈၼၼ်ႉယူႇဢေႃႈ။
၁၃ ၶဝ်ၸိူဝ်းဢၼ်တြႃးၼၼ်ႉ တၵ်းဢွၼ်ၵၼ်ယွင်ႈယေႃးၼႃႇမႃႉၸိုဝ်ႈသဵင်ၸဝ်ႈႁဝ်းလႄႈၶဝ်ၸိူဝ်းဢၼ်ၸႂ်သိုဝ်ႈၸႂ်ယူဝ်းၼၼ်ႉ တၵ်းလႆႈဢွၼ်ၵၼ်ယူႇၵႃႈတီႈၸဝ်ႈႁဝ်းတီႈၶႃႈဢေႃႈ။