၁၁၆
၁ ၵဝ်ႁၵ်ႉထႃႇဝရႃႉၽြႃး ၵွပ်ႈပိူဝ်ႈဢၼ်မၼ်းၸဝ်ႈထွမ်ႇဢဝ်သဵင်ၵဝ်ဢိၵ်ႇတင်း တၢင်းဢၼ်ၵဝ်လဝ်ယွၼ်း ၼၼ်ႉဢေႃႈ။
၂ ၵွပ်ႈပိူဝ်ႈမၼ်းၸဝ်ႈႁေႈႁူမၼ်းၸဝ်ႈၸူးတီႈၵဝ်လႄႈ ၵဝ်တၵ်းႁဵတ်းပထၼႃႇတီႈမၼ်းၸဝ်ႈယူႇၸူဝ်ႈဢၼ်ဢသၢၵ်ႈၵဝ်ယင်းယိုၼ်းယၢဝ်းယူႇ ၼႆႉ ဢေႃႈ။
၃ သဵၼ်ႈၸိူၵ်ႈတၢင်းတၢႆတင်းလၢႆလွမ်ႉႁွပ်ႈၵဝ်ဝႆႉ သေလႄႈမိူင်းမႃႇရၼႃႉတီႉလႆႈၵဝ်ဢေႃႈ။
၄ ၵဝ်လႆႈႁူပ်ႉထူပ်းတုၵ်ႉၶႃႉဝူၺ်ႇတၼႃႇတၢင်းၽၢၼ်ဢေႃႈ။မိူဝ်ႈၼၼ်ႉၵဝ်ႁဵတ်းပထၼႃႇတီႈ ၼႃႇမႃႉၸိုဝ်သဵင်ထႃႇဝရႃႉၽြႃးလႄႈဝႃႈ၊-ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၵႄႇသႄႇ ဢဝ်ဢသၢၵ်ႈၶႃႈၸဝ်ႈလွတ်ႈသေၵမ်းတီႈ ၶႃႈ၊ဝႃႈၼင်ႇၼႆဢေႃႈ။
၅ ထႃႇဝရႃႉၽြႃးမီးၸႂ်ဢၼ်ၸၢင်ႊႁဵတ်းၵျေးၸူး ဢိၵ်ႇတင်းၸႂ်ဢၼ်သိုဝ်ႈတေႃႇလႄႈ ၽြႃးပဵၼ်ၸဝ်ႈႁဝ်းၼၼ်ႉမီးၸႂ်ၵရူႉၼႃႇဢေႃႈ။
၆ ထႃႇဝရႃႉၽြႃး ပႂ်ႉၸွႆႈပႂ်ႉထႅမ်ၶဝ်ၸိူဝ်းမီးၸႂ်သိုဝ်ႈယူဝ်းၼၼ်ႉယူႇဢေႃႈ။ၵဝ်မီးတၢင်းဢၼ်ၶျႃးတူၵ်းတီႈတႅမ်ႇလႄႈမၼ်းၸဝ်ႈၵႄႇသႄႇၶျွတ်ႈဢဝ်ၵဝ်ဢေႃႈ။
၇ ဝိၺိၺ်ႇၵဝ်ဢိူၺ်း၊ ၶိုၼ်းမိူဝ်းၵႂႃႇတီႈဢၼ်မႂ်းယူႇၼိမ်ၼိမ်လီလီၼၼ်ႉတႃႉ။ထႃႇဝရႃႉၽြႃးႁဵတ်းၵျေးၸူးတီႈ မႂ်းယဝ်ႉ။
၈ ၸဝ်ႈႁဝ်းၵႄႇသႄႇတိုတ်ႉၸၼ်ဢဝ်ဢသၢၵ်ႈၶႃႈၸဝ်ႈသေၵႃႈၼႂ်းတၢင်းတၢႆ ဢိၵ်ႇတင်းမၢၵ်ႇတႃၶႃႈၸဝ်ႈသေ ၵႃႈၼႂ်းတၢင်းဢၼ်ၶီႈလိုတ်းလႄႈလူမ်ႉ ၼၼ်ႉတီႈၶႃႈယဝ်ႉ။
၉ ပိူဝ်ႈၼႆလႄႈၶႃႈၸဝ်ႈတၵ်းၵႂႃႇမႃးၵႃႈတီႈၽၢႆႇၼႃႈထႃႇဝရႃႉၽြႃး ၵႃႈၼႂ်းတီႈယူႇၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉတီႈၶႃႈဢေႃႈ။
၁၀ ၵွပ်ႈပိူဝ်ႈဢၼ် ၵဝ်ယုမ်ႇမၢတ်ႈလႄႈ ၵဝ်မွၵ်ႇလၢတ်ႈဢေႃႈ။ၵဝ်လႆႈၶၢမ်ႇတုၵ်ႉၶႃႉတၢင်းဢၼ်ယၢၵ်ႈဢၼ်ၽၢၼ်ၼႃႇလူင်လၢင်ဢေႃႈ။
၁၁ ၵဝ်ယင်းဢမ်ႇဝႆႉသတိလႄႈလၢတ်ႈမႅၼ်ႈလႄႈဝႃႈ၊- ၵူၼ်းတင်းသဵင်ႈတင်းလူင်ၸၢင်ႊသုင်းမူႉသႃႇဢေႃႈ၊ ဝႃႈၼင်ႇၼႆဢေႃႈ။
၁၂ ၵဝ်တၵ်းတွပ်ႇတႅၼ်းၶိုၼ်းၵျေးၸူးဢၼ်ထႃႇဝရႃႉၽြႃးႁဵတ်းတီႈၵဝ် ၵူႈၸိူဝ်ႉၵူႈပိူင်ၼၼ်ႉလႆႈ ၸိူဝ်ႉၼင်ႇႁိုဝ်။
၁၃ ၵဝ်တၵ်းယိပ်းဢဝ်ၵွၵ်း တၢင်းဢၼ်ၵႄႇသႄႇၶျွတ်ႈဢဝ်ၼၼ်ႉသေလႄႈႁဵတ်းပထၼႃႇတီႈ ၼႃႇမႃႉၸိုဝ်သဵင်ထႃႇဝရႃႉၽြႃးဢေႃႈ။
၁၄ ၵဝ်တၵ်းၽေႇဝၢတ်ႈၵတိသႅတ်ႈၸႃႇ ဢၼ်ၵဝ်ႁဵတ်းတီႈထႃႇဝရႃႉၽြႃးၼၼ်ႉၵႃႈတီႈၽၢႆႇၼႃႈၵူၼ်းမၼ်းၸဝ်ႈတင်းသဵင်ႈတင်း လူင်ဢေႃႈ။
၁၅ တၢင်းဢၼ်ၶဝ်ၸိူဝ်းဢၼ်မၼ်းၸဝ်ႈႁၵ်ႉပႅင်း တၢႆၼၼ်ႉထိူၵ်ႈၵႃႊထိူၵ်ႈၶၼ်ၼႃႇလူင်လၢင် ၵႃႈတီႈၽၢႆႇထႃႇဝရႃႉၽြႃးဢေႃႈ။
၁၆ ထႃႇဝရႃႉၽြႃးတီႈၶႃႈ၊ ၶႃႈၸဝ်ႈပဵၼ်ၶႃႈၸဝ်ႈႁဝ်းဢမၢၼ်ႇၶၼ်ပဵၼ်တီႈၶႃႈဢေႃႈ။ၶႃႈၸဝ်ႈပဵၼ်ၶႃႈၸဝ်ႈႁဝ်းဢၼ်ဝႃႈ လုၵ်ႈၸၢႆးမေႈယိင်းၶႃႈၸဝ်ႈႁဝ်းၼၼ်ႉတီႈၶႃႈဢေႃႈ။ၸဝ်ႈႁဝ်းၵႄႈလိတ်ႈတၢင်းဢၼ်မတ်ႉဢၼ်ၽုၵ်ႇ တီႈၶႃႈၸဝ်ႈၼၼ်ႉပႅတ်ႈတီႈၶႃႈယဝ်ႉ။
၁၇ ၶႃႈၸဝ်ႈတၵ်းပုၵ်ႉၸေႃႇယိၸ်ႉ တၢင်းဢၼ်ယွင်ႈယေႃးၵျေးၸူးၸဝ်ႈႁဝ်းၼၼ်ႉတီႈၸဝ်ႈႁဝ်းလႄႈ ႁဵတ်းပထၼႃႇတီႈၼႃႇမႃႉၸိုဝ်သဵင် ထႃႇဝရႃႉၽြႃးတီႈၶႃႈဢေႃႈ။
၁၈ ၵဝ်တၵ်းၽေႇဝၢတ်ႈၵတိသႅတ်ႈၸႃႇဢၼ်ၵဝ်ႁဵတ်းတီႈထႃႇဝရႃႉၽြႃးၼၼ်ႉ ၵႃႈတီႈၽၢႆႇၼႃႈၵူၼ်းမၼ်းၸဝ်ႈတင်းသဵင်ႈ တင်းလူင်
၁၉ ၵႃႈၼႂ်းတမ်ႇတိူင်းႁိူၼ်းထႃႇဝရႃႉၽြႃးၵႃႈတီႈၼႂ်းၵၢင်မႂ်းၼၼ်ႉဢေႃႈ။ဝဵင်းယေႇရုသလႅမ်ႇဢိူၺ်း၊ႁႃႇလေႇလုယႃႇ။