၅၅
၁ ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈထွမ်ႇဢဝ်ၵႂၢမ်းဢၼ်ၶႃႈၸဝ်ႈသူးတွင်းၼၼ်ႉ သေၵမ်းတီႈၶႃႈ။ယႃႇပတေဵတ်ႇမႅပ်းယူႇသေ ၵႃႈတီႈတၢင်းဢၼ်ၶႃႈၸဝ်ႈ လဝ်ႈယွၼ်းၼၼ်ႉသေၵမ်းတီႈၶႃႈ။
၂ ၶႅၼ်းတေႃႈလူႈတူၺ်းလႄႈ ၶိုၼ်းဢိူဝ်ႉၶႃႈၸဝ်ႈသေၵမ်းတီႈၶႃႈ။ၶႃႈၸဝ်ႈလႆႈ မီးၸႂ်ဢၼ်လဵၵ်ႉဢၼ်ဢူၼ်ႈၼႂ်းတၢင်းၶႃႈၸဝ်ႈတမ်ႇၼွႆႉမွင်ၸႂ်ၼၼ်ႉလႄႈ ၶင်းၶီၶင်းၽၢၼ်ယူႇ တီႈၶႃႈဢေႃႈ။
၃ ၵွပ်ႈပိူဝ်ႈသဵင်ၵႂၢမ်းရၢၼ်ႇသူႇဢိၵ်ႇတင်းၵွပ်ႈပိူဝ်ႈ တၢင်းဢၼ်ၶဝ်ၸိူဝ်းဢၼ်ဢမ်ႇတြႃးၼိၵ်ႈၸၢၵ်ႈငႅၼ်းသေးၼၼ်ႉလႄႈ ၶဝ်ၼၼ်ႉႁႂ်ႈဢပျႅတ်ႈတူၵ်းႁွတ်ႈၵႃႈၼိူဝ်ၶႃႈၸဝ်ႈလႄႈ ပႃးတင်းၸႂ်တေႃးသႃႉယႃႉ ယူၵ်ႉၶႃႈၸဝ်ႈတီႈၶႃႈဢေႃႈ။
၄ ႁူဝ်ၸႂ်ၶႃႈၸဝ်ႈသၼ်ဝႆယူႇၵႃႈၼႂ်းတူဝ်ၶႃႈၸဝ်ႈလႄႈ တၢင်းဢၼ်ၵူဝ်ဢၼ်ႁႄၽေးတၢင်းတၢႆၼၼ်ႉ တူၵ်းႁွတ်ႈၵႃႈၼိူဝ်ၶႃႈၸဝ်ႈ တီႈၶႃႈဢေႃႈ။
၅ တၢင်းဢၼ်ၵူဝ်ဢၼ်ႁႄဢိၵ်ႇတင်းတၢင်းဢၼ်သၼ်ႇဢၼ်ဝႆၼၼ်ႉႁွတ်ႈထိုင်တီႈၶႃႈၸဝ်ႈလႄႈ တၢင်းဢၼ်တူၵ်းၸႂ်ၼႃႇလူင်လၢင်ၼၼ်ႉ ႁူမ်ႇသုမ်ႇၶႃႈၸဝ်ႈဝႆႉတီႈၶႃႈဢေႃႈ။
၆ ၶႃႈၸဝ်ႈလႆႈလၢတ်ႈလႄႈဝႃႈ၊- ႁႂ်ႈၵဝ်လႆႈမီးပိၵ်ႇ မိူၼ်ၸိူဝ်ႉၼင်ႇၼူၵ်ႉတူႈၼၼ်ႉသေၵမ်းလူၺ်ႈ။သင်ၼၼ်ၵဝ်တၵ်းမိၼ်ၵႂႃႇတၢင်ႇတီႈတၢင်ႇလႅၼ်သေလႄႈ ယူႇၼိမ်ၼိမ်လီလီဢေႃႈ။
၇ ၵဝ်တၵ်းၵႂႃႇၵႃႈတီႈဢၼ်ၵႆၼၼ်ႉလႄႈ တူၵ်းတီႈယူႇတီႈသဝ်းၵႃႈၼႂ်းထိူၼ်ႇပုၼ်ႉဢေႃႈ။ၸေႇလႃႇ။
၈ ၵဝ်တၵ်းႁိပ်ႈၼႅတ်ႈပႆၸူး ၵႃႈတီႈဢၼ်ၵၢင်းလွတ်ႈတင်း ၽူၼ်လူင်လူမ်းလူင် ဢၼ်ႁႅင်းယႂ်ႇၼႃႇလူင်လၢင်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
၉ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈ ဢိုၼ်ၶဝ်ပႅတ်ႈလႄႈ ႁႂ်ႈလိၼ်ႉၶဝ်ၵႂၢမ်းၶဝ်ၽၢတ်ႇၽႄၵၼ်သေၵမ်းတီႈၶႃႈ။ၶႃႈၸဝ်ႈလႆႈႁၼ် တၢင်းဢၼ်ႁဵတ်းပႄႉႁဵတ်းၼႅင်ႇဢိၵ်ႇတင်း တၢင်းဢၼ်ႁိမ်ႁူင်ႇဢဝ်ၼၼ်ႉၵႃႈၼႂ်း ဝဵင်းတီႈၶႃႈယဝ်ႉ။
၁၀ ၶဝ်တႆႇၸွမ်းလဵပ်ႈၸွမ်းယူႇၵႃႈၼိူဝ်လမ်းဝဵင်းၼၼ်ႉ ဢမ်ႇထၢတ်ႇသဝေၼ်းသေၶိုၼ်းလႄႈတၢင်းဢၼ်ႁၢႆႉဢၼ်ယုတ်ႈ ဢိၵ်ႇတင်းတၢင်းဢၼ်ယႃႉဢၼ်ယူၵ်ႉၼၼ်ႉ မီးယူႇၵႃႈၼႂ်းဝဵင်းၼၼ်ႉ တီႈၶႃႈ ဢေႃႈ။
၁၁ ဢႃႉထမ်ႇမႃႉတြႃးမီးယူႇၵႃႈၼႂ်းဝဵင်းမၼ်းလႄႈ တၢင်းဢၼ်ၼိၵ်ႈၸၢၵ်ႈငႅၼ်းသေး ဢိၵ်ႇတင်းတၢင်းဢၼ်ပႅတ်ႉဢၼ်လႅၼ်ၼၼ်ႉ တူၵ်းတီႈယူႇတီႈသဝ်း ၵႃႈၼႂ်းတၢင်းမၼ်းတီႈၶႃႈဢေႃႈ။
၁၂ ပေႃးရၢၼ်ႇသူႇၵဝ်သေႉသွမ်းၵဝ်ၸိုင်ၵဝ်ယိူၼ်ႉၶၢမ်ႇလႆႈယူႇဢေႃႈ။ပေႃးၵေႃႉဢၼ်ယူႇ ၽၢႆႇၼိုင်ႈတင်းၵဝ်ၼၼ်ႉ ႁဵတ်းတူဝ်တေႃးၵဝ်ၸိုင် ၵဝ်ငိူင်ႉဝေႈပႅတ်ႈသေၵေႃႉၼၼ်ႉလႆႈယူႇ ဢေႃႈ။
၁၃ ၵူၺ်းၵႃႈပဵၼ်မႂ်းဢၼ်ပဵၼ်ၵေႃႉဢၼ်ၽၢၵ်ႈၵၼ်တင်းၵဝ် ၵေႃႉသေႈၵဝ် ၵေႃႉဢၼ်မိုတ်ႈၵိုဝ်းၵၼ် တင်းၵဝ်ၼၼ်ႉဢေႃႈ။
၁၄ ႁဝ်းၶႃႈၼင်ႇၵၼ်ၵၼ်တိူင်ႇပၢင်ႇတွင်ႈထၢမ်ၵၼ်ဝၢၼ်ဝၢၼ်မၼ်းမၼ်းလႄႈ ၵႂႃႇၵႃႈတီႈႁိူၼ်းၽြႃးပဵၼ်ၸဝ်ႈ ႁူမ်ႈလူၺ်ႈၵၼ်တင်းမုၵ်ႉၵူၼ်း ၸိူဝ်းၵူၼ်းတင်းလၢႆယဝ်ႉ။
၁၅ ႁႂ်ႈတၢင်းတၢႆၶီႉၶႃႉႁွတ်ႈထိုင်တီႈၶဝ်ၵမ်းလဵဝ်သေၵမ်းလူၺ်ႈ။ႁႂ်ႈၶဝ်ဢသၢၵ်ႈလိပ်းယူႇသေလႄႈ လူင်းၵႂႃႇၵႃႈတီႈမိူင်းမႃႇရၼႃႉ သေၵမ်းလူၺ်ႈ။လွင်ႈမၼ်းၸမ်းတူႉၸရိူၵ်ႈမီးယူႇၵႃႈၼႂ်းတီႈ ယူႇၶဝ်ၵႃႈၼႂ်းတူဝ်ၶဝ်ၼၼ်ႉဢေႃႈ။
၁၆ ၵဝ်ၸမ်းတၵ်းႁွင်ႉႁႃၽြႃးပဵၼ်ၸဝ်ႈလႄႈ ထႃႇဝရႃႉၽြႃးတၵ်းၵႄႇသႄႇ ၶျွတ်ႈဢဝ်ၵဝ်ဢေႃႈ။
၁၇ ၶိင်ႇႁူဝ်ၶမ်ႈၶဵင်ႇႁူဝ်ၼႂ်ၶိင်ႇၵၢင်ဝၼ်းတဵင်ၵဝ်တမ်ႇၼွႆႉမွင်ၸႂ်လႄႈ ၶင်းၶီၶင်းၽၢၼ်ယူႇ လႄႈမၼ်းၸဝ်ႈငိၼ်းသဵင်ၵဝ်ဢေႃႈ။
၁၈ မၼ်းၸဝ်ႈထူတ်ႇၼုၵ်ႈဢဝ်ဢသၢၵ်ႈၵဝ်သေလႄႈ ပၼ်ၵတ်းယဵၼ်ၶျၢမ်းသႃႇ ၼႂ်းမိူဝ်ႈဢၼ်ၶဝ်ယင်းတိုၵ်ႉတိုၵ်းသိုၵ်းၵၼ်တင်းၵဝ်ယူႇၼၼ်ႉဢေႃႈ။ၶဝ်ၸိူဝ်းဢၼ်ယူႇၽၢႆႇၵၼ်တင်း ၵဝ်ၼၼ်ႉမီးၼမ်ၼႃႇဢေႃႈ။
၁၉ ၽြႃးပဵၼ်ၸဝ်ႈဢၼ်ၼင်ႈႁၢင်ႈၼင်ႈႁေႃယူႇ ၸႃႉၸဵမ်မိူဝ်ႈၵွၼ်ႇမိူဝ်ႈမိုၼ်ႉၼၼ်ႉတၵ်းထွမ်ႇဢဝ်လႄႈ ၶိုၼ်းတွပ်ႇၶိုၼ်းလၢတ်ႈတီႈၶဝ်ၸိူဝ်းဢၼ်ဢမ်ႇမီးတၢင်းဢၼ်ၶၢႆႉပုတ်ႈ ဢမ်ႇရူဝ်ႇသေႇၵူဝ်ယမ်ၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။ၸေႇလႃႇ။
၂၀ ၵူၼ်းၸိူဝ်ႉၼင်ႇၼၼ်ၼၼ်ႉၸၢင်ႊယိုၼ်းမိုဝ်းတိူဝ်ႉထုၵ်ႇသႂ်ႇ ၵႃႈၼိူဝ်ၶဝ်ၸိူဝ်းဢၼ်ယူႇၼိမ်ၼိမ်လီလီလူၺ်ႈၵၼ်တင်းမၼ်းၼၼ်ႉလႄႈယႃႉပတိၺိၺ်ႇမၼ်းပႅတ်ႈဢေႃႈ။
၂၁ ပဵၵ်ႉသမ်ႉသူပ်းမၼ်းၼၼ်ႉမိုၼ်ႈၼႃႇသေထေႃးပၢတ်ႈသေၵေႃႈ ႁူဝ်ၸႂ်မၼ်းၵျၢမ်ႇပွင်တၢင်းဢၼ်တိုၵ်းသိုၵ်းယူႇဢေႃႈ။ပဵၵ်ႉသမ်ႉၵႂၢမ်းမၼ်းၼၼ်ႉပိူဝ်ႉၼႃႇသေၼမ်ႉမၼ်းသေၵေႃႈ ပဵၼ်လၢပ်ႇပဵၼ်လႅဝ်းဢၼ်ထွတ်ႇဝႆႉၼၼ်ႉဢေႃႈ။
၂၂ ဢဝ်ၶူဝ်းဢၼ်ၼၵ်းဢၼ်ၼႃမႂ်းၼၼ်ႉ ဢၢပ်ႈပၼ်ၶျႃးပၼ်တီႈထႃႇဝရႃႉၽြႃးတႃႉ။မၼ်းၸဝ်ႈတၵ်းၵမ်ႉထွၵ်ႈၸွႆႈထႅမ်မႂ်းဢေႃႈ။မၼ်းၸဝ်ႈတၵ်းဢမ်ႇပၼ်ႁႂ်ႈၵူၼ်းဢၼ်သိုဝ်ႈတေႃႇၼၼ်ႉ လႆႈသၼ်ႇလႆႈဝႆသေပွၵ်ႈ။
၂၃ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းတၵ်းဢဝ်ၶဝ်ၶျႃးတူၵ်းသႂ်ႇၵႃႈၼႂ်းၶုမ်ၼႂ်းႁူးတီႈဢၼ်လူႉဢၼ်လႅဝ်ၼၼ်ႉတီႈၶႃႈဢေႃႈ။ၶဝ်ၸိူဝ်းဢၼ်ထွၵ်ႇလိူတ်ႈၵူၼ်းပႅတ်ႈဢိၵ်ႇတင်း ၶဝ်ၸိူဝ်းဢၼ်သႅတ်ႈၸႃႇလူႉၼၼ်ႉဢမ်ႇလႆႈဢသၢၵ်ႈလိပ်း ၼႂ်းၸူဝ်ႈတႃႇဢသၢၵ်ႈၶဝ်ၼၼ်ႉသေၶိုင်ႈၼိုင်ႈ။ၶႃႈၸဝ်ႈၸမ်းဢိင်ပိုင်ႈၸဝ်ႈႁဝ်းယူႇတီႈၶႃႈဢေႃႈ။