၂၉
၁ ဢွၼ်ၵၼ်ႁပ်ႉတုင်းဢဝ် ၽြႃးပဵၼ်ၸဝ်ႈတႃႉ။လုၵ်ႈၽြႃးပဵၼ်ၸဝ်ႈၶဝ်ဢိူၺ်း၊ဢွၼ်ၵၼ်ႁပ်ႉတုင်းဢဝ်လွင်ႈဢၼ်ထႃႇဝရႃႉၽြႃး မုၼ်ၽုင်းတၼ်းၶူဝ်းယႂ်ႇ ၼႃႇၼၼ်ႉတႃႉ။
၂ ဢွၼ်ၵၼ်ႁပ်ႉတုင်းဢဝ်လွင်ႈဢၼ်ၼႃႇမႃႉၸိုဝ်ႈသဵင်ထႃႇဝရႃႉၽြႃး မုၼ်ၽုင်းယႂ်ႇၼႃႇၼၼ်ႉလႄႈ ဢဝ်ၶိူင်ႈပိူင်ဢၼ်မူတ်းၸၢင်ႇႁၢင်ႈၶိူင်ႈသေလႄႈၵူဝ်းၵႂၢႆႇထႃႇဝရႃႉၽြႃးတႃႉ။
၃ သဵင်ထႃႇဝရႃႉၽြႃး မီးယူႇၵႃႈၼိူဝ်ၼမ်ႉသမ်ႇမုၵ်ႉတြႃႇလႄႈ ၽြႃးပဵၼ်ၸဝ်ႈဢၼ်မုၼ်ၽုင်းယႂ်ႇၼႃႇၼၼ်ႉၽႃႉလင်ႊယူႇဢေႃႈ။ထႃႇဝရႃႉၽြႃးၽႃႉလင်ႊယူႇၵႃႈ ၼိူဝ်ၼမ်ႉဢေႃႈ။
၄ သဵင်ထႃႇဝရႃႉၽြႃးၼၼ်ႉတဵမ်ထူၼ်းဝႆႉတင်းတၼ်းၶူဝ်းလႄႈ သဵင်ထႃႇဝရႃႉၽြႃးၼၼ်ႉတဵမ်ထူၼ်းဝႆႉတင်းမုၼ်ဢႃႇၼူ့ၽေႃႇဢေႃႈ။
၅ သဵင်ႈထႃႇဝရႃႉၽြႃးၼၼ်ႉ ႁၵ်းႁိၵ်းတူၼ်ႈဢႃႇရိတ်ႉတင်းလၢႆလႄႈ ထႃႇဝရႃႉၽြႃး ႁၵ်းတူၼ်ႈဢႃႇရိတ်ႉ လေႇပၼုၼ်ႇတင်းလၢႆပႅတ်ႈဢေႃႈ။
၆ မၼ်းၸဝ်ႈႁႂ်ႈၶဝ်ဝႅၼ်ၵျွၵ်းမိူၼ်ၼင်ႇဝူဝ်းဢွၼ်ႇၼၼ်ႉလႄႈ ႁႂ်ႈလွႆလေႇပၼုၼ်ႇ တင်း လွႆၸိရိဢုၼ်ႇ ဝႅၼ်ၵျွၵ်းမိူၼ်ၼင်ႇ ဝူဝ်းထိူၼ်ႇၼၼ်ႉဢေႃႈ။
၇ သဵင်ထႃႇဝရႃႉၽြႃးၼၼ်ႉဢဝ်မုၵ်ႈၽႆးပိဝ်ၽႆးလႄႈၽႃႇဢေႃႈ။
၈ သဵင်ထႃႇဝရႃႉၽြႃးၼၼ်ႉႁႂ်ႈထိူၼ်ႇတူင်ႉဝႆၶွၼ်းၶဝ်ႇလႄႈ ထႃႇဝရႃႉၽြႃး ႁႂ်ႈႁၢတ်ႇသၢႆးၵႃႇတေႇသႃႉတူင်ႉ ဝႆၶွၼ်းၶဝ်ႇဢေႃႈ။
၉ သဵင်ထႃႇဝရႃႉၽြႃးၼၼ်ႉႁႂ်ႈၵႂၢင်မေႈတင်းလၢႆၵိူတ်ႇလဵင်ႉလုၵ်ႈလႄႈၽဵဝ်ႈပႃႇမႆႉပႃႇတွၵ်ႇတင်းလၢႆၵဵင်ႈမူတ်းပႅတ်ႈဢေႃႈ။ၵႃႈဢၼ်မီးၵႃႈၼႂ်းပိၵ်ႉမၢၼ်ႇမၼ်းၸဝ်ႈ တင်းသဵင်ႈတင်းလူင်ၼၼ်ႉ ဢွၼ်ၵၼ်ႁွင်ႉပၢဝ်ႇလႄႈဝႃႈ၊-မုၼ်ၽုင်းၸဝ်ႈ၊ ဝႃႈၼင်ႇၼႆ ဢေႃႈ။
၁၀ ထႃႇဝရႃႉၽြႃးလႆႈၼင်ႈယူႇၵႃႈၼိူဝ်တၢင်းဢၼ်ၼမ်ႉထုမ်ႈလိၼ်မိူင်းၼၼ်ႉမႃးယဝ်ႉ။ထႃႇဝရႃႉၽြႃး မီးတင်းဢရႃႇၶုၼ်ႁေႃၶမ်းသေလႄႈ ၼင်ႈယူႇ တႃႇသေႇဢမ်ႇထၢတ်ႇဢေႃႈ။
၁၁ ထႃႇဝရႃႉၽြႃးတၵ်းပၼ်ႁႅင်းတီႈၵူၼ်းမၼ်းၸဝ်ႈတင်းလၢႆလႄႈ ထႃႇဝရႃႉၽြႃးတၵ်းဢဝ်ပၼ်ဢၼ်တႄႇဢၼ်ၼိမ် ပၼ်တၢင်းလီမင်ႇၵလႃႇတီႈၵူၼ်းမၼ်းၸဝ်ႈတင်းလၢႆဢေႃႈ။