၂၀
၁ ႁႂ်ႈ ထႃႇဝရႃႉၽြႃးဢိူဝ်ႉၸဝ်ႈႁဝ်း၊ ၼႂ်းမိူဝ်ႈဝၼ်းဢၼ်ၽေးဢၢၼ်ႇတရႄႇႁွတ်ႈထိုင်ၼၼ်ႉလႄႈ ႁႂ်ႈၼႃႇမႃႉၸိုဝ်ႈသဵင်ၽြႃးပဵၼ်ၸဝ်ႈ ယႃႇၵုပ်ႉ ၼၼ်ႉယုၵ်ႉယွင်ႈ ၸဝ်ႈႁဝ်းသေၵမ်းလူၺ်ႈ။
၂ ႁႂ်ႈမၼ်းၸဝ်ႈပွႆႇတၢင်းဢၼ်ၸွႆႈဢၼ်ထႅမ် ၵႃႈတီႈၼႂ်းထႃႇၼႃႉတီႈမူတ်းၸၢင်ႇၸဝ်ႈၼၼ်ႉမႃးတီႈၸဝ်ႈႁဝ်းလႄႈ ႁႂ်ႈဢဝ်ၵႃႈတီႈၼိူဝ်လွႆၸိဢုၼ်ႇၼၼ်ႉ ထွၵ်ႈၵမ်ႉၸဝ်ႈႁဝ်းသေၵမ်းလူၺ်ႈ။
၃ ႁႂ်ႈမၼ်းၸဝ်ႈ ၶုၵ်းၸႂ်လႆႈၶႆႈၸႂ်ထူပ်းၶိူင်ႈတၢင်းပုၵ်ႉၸေႃႇၸဝ်ႈႁဝ်းၵူႈၸိူဝ်ႉၵူႈပိူင်ၼၼ်ႉလႄႈႁႂ်ႈႁပ်ႉတုင်းဢဝ်ယိၸ်ႉဢၼ်တုတ်ႇၽႆးၸဝ်ႈႁဝ်းၸိူဝ်းၼၼ်ႉ သေၵမ်း လူၺ်ႈ။
၄ ႁႂ်ႈမၼ်းၸဝ်ႈဢိတ်းလူပၼ်ၸွမ်းၵႃႈၼင်ႇဢၼ်ဢလူဝ်ႇၸႂ်ၸဝ်ႈႁဝ်းမီးၼၼ်ႉလႄႈႁႂ်ႈတၢင်းၵျၢမ်ႇတၢင်းပွင်ၸဝ်ႈႁဝ်းၵႃႈမီးၼၼ်ႉ တဵမ်ထူၼ်ႈသေ ၵမ်းလူၺ်ႈ။
၅ ႁဝ်းၶႃႈသိူဝ်းပျေႃႇၼႂ်းတၢင်းဢၼ်ၵႄႇသႄႇၶျွတ်ႈဢဝ်ၸဝ်ႈႁဝ်းၼၼ်ႉလႄႈ တၵ်းဢိင်ၼႃႇမႃႉၸိုဝ်ႈသဵင်ၽြႃးပဵၼ်ၸဝ်ႈႁဝ်းၶႃႈၼၼ်ႉ သေလႄႈပူၵ်းလၢမ်ႇဢေႃႈ။ႁႂ်ႈထႃႇဝရႃႉၽြႃးႁႂ်ႈၵႃႈဢၼ်ၸဝ်ႈႁဝ်းသူးတွင်းတင်းသဵင်ႈတင်းလူင်ၼၼ်ႉ တဵမ်ထူၼ်ႈသေ ၵမ်းလူၺ်ႈ။
၆ မိူဝ်ႈလဵဝ်ၼႆႉၵဝ်ႁူႉလွင်ႈဢၼ်ဝႃႈထႃႇဝရႃႉၽြႃးၵႄႇသႄႇၶျွတ်ႈဢဝ် ၵေႃႉဢၼ်လႆႈၶၢမ်ႇၽိၵ်ႉသိၵ်ႈမၼ်းၸဝ်ႈၼၼ်ႉယူႇဢေႃႈ။မၼ်းၸဝ်ႈတၵ်းပႃးတင်းတၢင်းၵတ်ႉတၢင်းၶၼ် တၢင်းဢၼ်မၼ်းၸဝ်ႈဢဝ်မိုဝ်းၶွၼ်ၶႂႃမၼ်းၸဝ်ႈ ၵႄႇသႄႇၶျွတ်ႈဢဝ်ၼၼ်ႉသေလႄႈယူႇၵႃႈၼိူဝ်ၽုင်ႇၵၢင်ႁၢဝ် ဢၼ်မူတ်းၸၢင်ႇမၼ်းၸဝ်ႈ ၼၼ်ႉသေယဝ်ႉဢိူဝ်ႈၵေႃႉၼၼ်ႉဢေႃႈ။
၇ ၵမ်ႈၽွင်ႈၸၢင်ႊယွင်ႈယေႃးလေႃႉရထႃးတင်းလၢႆလႄႈ ၵမ်ႈၽွင်ႈၸၢင်ႊယွင်ႈယေႃးမႃႉတင်းလၢႆဢေႃႈ။ႁဝ်းၸမ်းတၵ်းယွင်ႈယေႃးၼႃႇမႃႉၸိုဝ်ႈသဵင်ထႃႇဝရႃႉၽြႃး ၽြႃးပဵၼ်ၸဝ်ႈ ႁဝ်းဢေႃႈ။
၈ ၶဝ်ၼၼ်ႉၵူမ်ႈမူပ်ႇလႄႈလူမ်ႉတူၵ်းယူႇဢေႃႈ။ႁဝ်းၸမ်းလုၵ်ႉလႄႈၸုၵ်းယူႇဢေႃႈ။ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၵႄႇသႄႇၶျွတ်ႈဢဝ်သေၵမ်းတီႈၶႃႈ။
၉ ၶႅၼ်းတေႃႈႁႂ်ႈၶုၼ်လူင်ဢိူဝ်ႉၶႃႈၸဝ်ႈႁဝ်းၶဝ်ၼႂ်းမိူဝ်ႈဢၼ်ၶႃႈၸဝ်ႈႁဝ်းၶဝ်ႁွင်ႉၼၼ်ႉ သေၵမ်းတီႈၶႃႈ။