၆၄
၁ ၽြႃးပဵၼ်ၸဝ်ႈတီႈၶႃႈ၊ၶႅၼ်းတေႃႈထွမ်ႇဢဝ်သဵင်ၵႂၢမ်းၶႃႈၸဝ်ႈၼႂ်းတၢင်းဢၼ်ၶႃႈၸဝ်ႈၸႂ်လဵၵ်ႉၸႂ်ဢူၼ်ႈၼၼ်ႉလႄႈ ႁႄႉၵင်ႈပႂ်ႉၸွႆႈပႂ်ႉထႅမ် ဢသၢၵ်ႈၶႃႈၸဝ်ႈၵႃႈၼႂ်းၽေးရၢၼ်ႇတင်းလၢႆၼၼ်ႉ သေၵမ်းတီႈ ၶႃႈ။
၂ ၶႅၼ်းတေႃႈႁႄႉၵင်ႈႁႄႉလပ်ႉၶႃႈၸဝ်ႈဝႆႉသေၵႃႈတီႈတၢင်းဢၼ်ၵူၼ်းႁၢႆႉၵူၼ်းမိူၵ်ႈ တိူင်ႇပၢင်ႇလၢတ်ႈၸႃၵၼ်ၼၼ်ႉဢိၵ်ႇတင်း ၵႃႈၼႂ်းတီႈၸူႉတီႈတုမ်ၶဝ်ၸိူဝ်းဢၼ်ၸၢင်ႊႁဵတ်းတူႉၸရိူၵ်ႈၼၼ်ႉသေၵမ်းတီႈၶႃႈ။
၃ ၶဝ်ၼၼ်ႉၸၢင်ႊလပ်ႉလိၼ်ႉၸဝ်ႈၵဝ်ႇယူႇ မိူၼ်ၸိူဝ်ႉၼင်ႇလၢပ်ႇလႅဝ်းၼၼ်ႉလႄႈ ၸၢင်ႊဢဝ်ပိုၼ်ၶဝ်ဢၼ်ဝႃႈၵႂၢမ်းဢၼ်ၶူမ်ဢၼ်ၶၼ်းၼၼ်ႉ ငႃၸူးယိူင်းၸူးႁႂ်ႈလႆႈယိုဝ်းသႂ်ႇ ၵေႃႉဢၼ်ၸေးၸုမ်ႇၼၼ်ႉ ၼႂ်းတီႈဢၼ် ဢမ်ႇထၢင်ႇဢမ်ႇသႃးၼၼ်ႉဢေႃႈ။
၄ ၶဝ်ၶီႉၶႃႉယိုဝ်းသႂ်ႇ မၼ်းလႄႈဢမ်ႇမီးတၢင်းဢၼ်ၵူဝ်ဢၼ်ႁႄ။
၅ ၶဝ်ၵေႃႉၼိုင်ႈလႄႈၵေႃႉၼိုင်ႈ ၸၢင်ႊတိုၵ်းယူင်းၸူဝ်းဢဝ်ၵၼ်ၵႂႃႇၵႃႈၼႂ်း လွင်ႈတၢင်းဢၼ်ဢမ်ႇလီဢမ်ႇငၢမ်းၼၼ်ႉလႄႈ ၸၢင်ႊတိူင်ႇပၢင်ႇလၢတ်ႈၸႃၵၼ်လူၺ်ႈလွင်ႈဢၼ် တၵ်းလႆႈၵၢင်တူင်ႇႁဵဝ်ႉတူင်ႇၶိုမ်းဝႆႉၼၼ်ႉလႄႈ ဝႃႈ၊-
၆ ၽူႈ လႂ်တၵ်းႁၼ်၊ ဝႃႈၼင်ႇၼႆဢေႃႈ။ၶဝ်ၼၼ်ႉၸၢင်ႊၸႅတ်ႈတူၺ်းႁႃဢဝ် ဢမူႉဢၼ်ဢမ်ႇတြႃးၸိူဝ်းၼၼ်ႉလႄႈ ႁႂ်ႈလွင်ႈတၢင်းဢၼ်ၸၢင်ႊၸႅတ်ႈတူၺ်းႁႃဢဝ်ၼၼ်ႉ လႆႈၸေးၸုမ်ႇ တင်းသဵင်ႈတင်းမူတ်းဢေႃႈ။တီႈၼႂ်းတူဝ်ၶဝ်ဢိၵ်ႇတင်းႁူဝ်ၸႂ်ၶဝ်ၼၼ်ႉ ပဵၼ် ဢၼ်လိုၵ်ႉဢၼ်လမ်ႇၼႃႇလူင်လၢင်ဢေႃႈ။
၇ ၵူၺ်းၵႃႈၽြႃးပဵၼ်ၸဝ်ႈတၵ်းယိုဝ်းၶဝ်ၼၼ်ႉလႄႈၶဝ်ၼၼ်ႉတၵ်းၶီႉၶႃႉၸဵပ်းမႃးသႅပ်ႇမႃး လူၺ်ႈပိုၼ်ၼၼ်ႉၵမ်းလဵဝ် ဢေႃႈ။
၈ ၼင်ႇၼၼ်လႄႈလိၼ်ႉၶဝ်တၵ်းယူႇၽၢႆႇၼိုင်ႈတင်းၶဝ်သေလႄႈႁႂ်ႈၶဝ်လႆႈၶီႈလိုတ်းလူမ်ႉလႄႈၶဝ်ၸိူဝ်းဢၼ်ႁၼ်ၶဝ်ၼၼ်ႉ တင်းသဵင်ႈတင်းလူင်တၵ်း ဢွၼ်ၵၼ်ဢွၵ်ႇပၢႆဢေႃႈ။
၉ ၵူၼ်းတင်းသဵင်ႈတင်းလူင်ၵေႃႈတၵ်းဢွၼ်ၵၼ်ရူဝ်ႇသေႇၵူဝ်ယမ်လႄႈဢဝ်ဢမူႉၽြႃးပဵၼ်ၸဝ်ႈမွၵ်ႇလၢတ်ႈလႄႈ ၶႆႈၸႂ်ဝူၼ်ႉၸႂ်လူၺ်ႈလွင်ႈတၢင်းဢၼ်မၼ်းၸဝ်ႈ ၸီႇယၢင်ႇႁဵတ်းဝႆႉၼၼ်ႉ သေႇၶျႃႇလီငၢမ်းဢေႃႈ။
၁၀ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းဢွၼ်ၵၼ်ၸူမ်းသိူဝ်းၼႂ်းထႃႇဝရႃႉၽြႃးသေလႄႈ ဢိင်ပိုင်ႈမၼ်းၸဝ်ႈယူႇလႄႈ ၶဝ်ၸိူဝ်းဢၼ်သၽေႃးသိုဝ်ႈယူဝ်းၼၼ်ႉ တၵ်းဢွၼ်ၵၼ်ဢုပ်ႇဝၢဝ်းဢေႃႈ။