၁၄၈
၁ ႁႃႇလေႇလုယႃႇ။ဢွၼ်ၵၼ်ယွင်ႈယေႃးထႃႇဝရႃႉၽြႃးၵႃႈၼိူဝ်ၽုင်ႇၵၢင်ႁၢဝ်တႃႉ။ဢွၼ်ၵၼ်ယွင်ႈယေႃးၵႃႈ ၼိူဝ်တီႈဢၼ်ပဵၼ်ၸိၵ်းပဵၼ်ၸွမ်ၼၼ်ႉတႃႉ။
၂ တမၢၼ်ႇၵၢင်ႁၢဝ်တင်းသဵင်ႈတင်းလူင်ၶဝ်ဢိူၺ်း၊ ဢွၼ်ၵၼ်ယွင်ႈယေႃးမၼ်းၸဝ်ႈတႃႉ။ပူဝ်ႇပႃႇၵၢင်ႁၢဝ်တင်းသဵင်ႈတင်းလူင်ၶဝ်ဢိူၺ်း၊ ဢွၼ်ၵၼ်ယွင်ႈယေႃးမၼ်းၸဝ်ႈ တႃႉ။
၃ ၵၢင်ဝၼ်းဢိၵ်ႇတင်းလိူၼ်ၶဝ်ဢိူၺ်း၊ဢွၼ်ၵၼ် ယွင်ႈယေႃးမၼ်းၸဝ်ႈတႃႉ။
၄ လၢဝ်ဢၼ်ႁိူဝ်ႈလႅင်းတင်းသဵင်ႈတင်းလူင်ၶဝ်ဢိူၺ်း၊ ဢွၼ်ၵၼ်ယွင်ႈယေႃးမၼ်းၸဝ်ႈတႃႉ။ၵၢင်ႁၢဝ်ဢၼ်ပဵၼ်ၸၼ်ႉပဵၼ်ထၢပ်ႈဢိၵ်ႇတင်းၼမ်ႉၵႃႈတီႈၼိူဝ်ၵၢင်ႁၢဝ်ၶဝ်ဢိူၺ်း၊ ဢွၼ်ၵၼ် ယွင်ႈယေႃးမၼ်းၸဝ်ႈတႃႉ။
၅ ႁႂ်ႈၶဝ်ၼၼ်ႉဢွၼ်ၵၼ်ယွင်ႈယေႃးၼႃႇမႃႉၸိုဝ်ႈသဵင် ထႃႇဝရႃႉၽြႃးၵွပ်ႈပိူဝ်ႈဢၼ်မၼ်းၸဝ်ႈမီးဢမိင်ႉလႄႈၶဝ်လႆႈၶၢမ်ႇတၢင်းဢၼ်မၼ်းၸဝ်ႈ ၽၢၼ်ႇသၢင်းႁဵတ်းပဵၼ်ၼၼ်ႉသေ ၵမ်းလူၺ်ႈ။
၆ မၼ်းၸဝ်ႈႁႂ်ႈၶဝ်တႄႇယူႇၶိင်ႇၵႃႇလႃႉသိုပ်ႇသိုပ်ႇတၢမ်ႈတၢမ်ႈလႄႈ ၸီႇယၢင်ႇထမ်ႇမတႃႇဢၼ်ဢမ်ႇလႆႈပူၼ်ႉလႆႈလိူဝ်ၼၼ်ႉဢေႃႈ။
၇ ဢွၼ်ၵၼ်ယွင်ႈယေႃးထႃႇဝရႃႉၽြႃး ၵႃႈတီႈလိၼ်မိူင်းၼႆႉတႃႉ။ပႃလူင်တင်းလၢႆတီႈဢၼ်လိုၵ်ႉဢၼ်လမ်ႇၵႃႈမီး၊ ၽႆးဢိၵ်ႇတင်းမၢၵ်ႇႁႅပ်း၊ မူၺ်ႁႃႇ ဢိၵ်ႇတင်းဢၢႆၵႂၼ်း၊ လူမ်းၽိဝ်ႁူင် ဢၼ်ထွမ်ႇဢဝ်ဢမိင်ႉမၼ်း ၸဝ်ႈ၊
၈ လွႆလူင်လွႆဢွၼ်ႇၵႃႈမီး၊တူၼ်ႈဢၼ်မၢၵ်ႇမၢၵ်ႇဢိၵ်ႇတင်း တူၼ်ႈဢႃႇရိတ်ႉ ၵႃႈမီး၊ တူဝ်ႁၢႆႉတူဝ်လိူင်း၊
၉ ဢိၵ်ႇတင်း တူဝ်ငႄႈတူဝ်လီၵႃႈမီး၊တရိၵ်ႈသၢၼ်ႇဢၼ်ၸၢင်ႊၵၢၼ်း ဢိၵ်ႇတင်း ၼူၵ်ႉဢၼ်ၸၢင်ႊမိၼ်၊
၁၀ ၶုၼ်ႁေႃၶမ်းလေႃးၵီႇဢိၵ်ႇတင်း ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် ၶုၼ်ဢိၵ်ႇတင်း ၵူၼ်းလူင်ဢၼ် ၸီႇယၢင်ႇတြႃးလေႃးၵီႇၵႃႈမီး၊
၁၁ ၽူႈမၢဝ်ႇဢိၵ်ႇတင်းၽူႈသၢဝ်တင်းလၢႆ၊ ၵူၼ်းထဝ်ႈဢိၵ်ႇတင်း လုၵ်ႈဢွၼ်ႇ တင်းလၢႆၶဝ်ဢိူၺ်း၊
၁၂ ဢွၼ်ၵၼ်ယွင်ႈယေႃးၼႃႇမႃႉၸိုဝ်ႈသဵင်ထႃႇဝရႃႉၽြႃး ၵွပ်ႈပိူဝ်ႈဢၼ်ၼႃႇမႃႉၸိုဝ်ႈ သဵင်မၼ်းၸဝ်ႈပႃးလဵဝ်ၵူၺ်း မျၢတ်ႈၼႃႇလႄႈ
၁၃ မုၼ်ၽုင်းမၼ်းၸဝ်ႈ မီးယူႇၵႃႈတီႈၼိူဝ်လိၼ်မိူင်းတင်း ၵၢင်ႁၢဝ်ၼၼ်ႉ သေၵမ်းလူၺ်ႈ။
၁၄ မၼ်းၸဝ်ႈယုၵ်ႉယွင်ႈၶဝ်လႅမ်ၵူၼ်းမၼ်းၸဝ်ႈတင်းလၢႆလႄႈ ပဵၼ်တီႈဢၼ်ၶဝ်ၸိူဝ်းဢၼ်မၼ်းၸဝ်ႈႁၵ်ႉပႅင်း တင်းသဵင်ႈတင်းလူင်ဢၼ်ဝႃႈ ၵူၼ်းမဵဝ်းဢိသရေႇလ မုၵ်ႉၵူၼ်းၸိူဝ်းၵူၼ်းဢၼ်မီးယူႇၵႃႈတီႈႁိမ်းမၼ်းၸဝ်ႈၸိူဝ်းၼၼ်ႉ ယွင်ႈယေႃးဢေႃႈ။ႁႃႇလေႇလုယႃႇ