၁၃၇
၁ ႁဝ်းၼင်ႈၵႃႈတီႈႁိမ်း ၼမ်ႉႁွင်ႊၼမ်ႉၵႄးပႃႇပုလုၼ်ႇၸိူဝ်းၼၼ်ႉသေလႄႈ ၶုၵ်းၸႂ်လႆႈၶႆႈၸႂ်ထူပ်း ဝဵင်းၸိ ဢုၼ်ႇ ယူႇတႃႇသေႇလႄႈႁႆႈႁွင်ႉဢေႃႈ။
၂ တိင်ႇႁဝ်းတင်းလၢႆၵေႃႈႁဝ်းဢွၼ်ၵၼ်ဢဝ်ႁွႆႈဝႆႉ ၵႃႈတီႈတူၼ်ႈမူဝ်းမၶ ၵႃႈၼႂ်းတီႈၼၼ်ႉဢေႃႈ။
၃ လွင်ႈမၼ်းၸမ်းၵႃႈတီႈၼၼ်ႉၶဝ်ၸိူဝ်းဢၼ်သိမ်းဢဝ်ႁဝ်းၵႂႃႇၼၼ်ႉ ယွၼ်းဢဝ်သဵင်တၢင်းဢၼ်ႁဵတ်းၵႂၢမ်းလႄႈ ၶဝ်ၸိူဝ်းဢၼ်ၼိၵ်ႈၸၢၵ်ႈငႅၼ်းသေးႁဝ်းၼၼ်ႉယွၼ်းသဵင်တၢင်းဢၼ်သႂၢင်ႇသိူဝ်းတီႈႁဝ်းလႄႈဝႃႈ၊- ႁဵတ်းၵႂၢမ်းတၢင်းဢၼ်ႁဵတ်းၵႂၢမ်းၸိဢုၼ်ႇ သေပုၵ်ႈပုၵ်ႈတီႈႁဝ်းသေၵမ်း ဝႃႈၼင်ႇ ၼႆဢေႃႈ။
၄ ႁဝ်းတၵ်းႁဵတ်းၵႂၢမ်းထႃႇဝရႃႉၽြႃးတီႈတၢင်ႇဝၢၼ်ႈတၢင်ႇမိူင်းၼၼ်ႉလႆႈၸိူဝ်ႉၼင်ႇႁိုဝ်။
၅ ဝဵင်းယေႇရုသလႅမ်ႇဢိူၺ်း၊ ပေႃးၵဝ်လူင်ႈလိုမ်းမႂ်းၸိုင်ႁႂ်ႈမိုဝ်းၶွၼ်ၶႂႃၵဝ်လူင်ႈလိုမ်းတၢင်းဢၼ်မၼ်းမေႃ မၼ်းၸၢင်ႊၼၼ်ႉသေၵမ်းလူၺ်ႈ။
၆ ပေႃးၵဝ်ဢမ်ႇၶုၵ်ႈၸႂ်လႆႈၶႆႈၸႂ်ထူပ်းမႂ်း ပေႃးၵဝ်ဢမ်ႇဢဝ် ဝဵင်းယေႇရုသလႅမ်ႇ ဝႆႉတီႈဢၼ်မျၢတ်ႈလိူဝ်တွၼ်းၼႃႇသေ လွင်ႈတၢင်းဢၼ်ၵဝ်ၸူမ်းသိူဝ်း ဢၼ်မျၢတ်ႈၼႃႇသေပိူၼ်ႈၼၼ်ႉၸိုင် ႁႂ်ႈလိၼ်ႉၵဝ်ၼႆႉ ၸပ်းယူႇၵႃႈတီႈၵူင်ၶေႃးၵဝ်သေၵမ်းလူၺ်ႈ။
၇ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းမိူဝ်ႉဝၼ်းဢၼ် ဝဵင်းယေႇရုသလႅမ်ႇယူႇၽၢႆႇၼိုင်ႈတင်းၵူၼ်းမဵဝ်းဢေႇတုင်ႇ ဢၼ်လၢတ်ႈဝႃႈ၊- ၽဵဝ်ႈမၼ်းပႅတ်ႈသေ ၽဵဝ်ႈမၼ်းပႅတ်ႈထၼ်ႈပေႃးႁွတ်ႈထိုင်ငဝ်ႈႁၢၵ်ႈမၼ်းသေ၊ ဝႃႈၼင်ႇၼႆၼၼ်ႉသေၵမ်းတီႈၶႃႈ။
၈ လုၵ်ႈယိင်းပႃႇပုလုၼ်ႇဢၼ်လႆႈလူႉလႅဝ်ဢိူၺ်း၊ ၵေႃႉဢၼ်တွပ်ႇတႅၼ်းပၼ်ဢပျႅတ်ႈတီႈမႂ်း ၸွမ်းၵႃႈၼင်ႇ ဢၼ်မႂ်းႁဵတ်းတီႈႁဝ်းၼၼ်ႉမီးမင်ႇၵလႃႇဢေႃႈ။
၉ ၵေႃႉဢၼ် ယိပ်းၵမ်ဢဝ်လုၵ်ႈဢွၼ်ႇလၢင်းဢွၼ်ႇမႂ်းသေလႄႈ သွင်ႉသႂ်ႇၵႃႈၼိူဝ်မၢၵ်ႇႁိၼ်ၼၼ်ႉ မီးမင်ႇၵလႃႇဢေႃႈ။