၅၄
၁ ၽြႃးပဵၼ်ၸဝ်ႈတီႈၶႃႈ။ၶႅၼ်းတေႃႈဢဝ်ၼႃႇမႃႉၸိုဝ်သဵင်ၸဝ်ႈႁဝ်းလႄႈ ၵႄႇသႄႇၶျွတ်ႈဢဝ်ၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈဢဝ်တၼ်းၶူဝ်းၸဝ်ႈႁဝ်းလႄႈ ၸီႇယၢင်ႇတြႃးၽၢႆႇၶႃႈၸဝ်ႈသေၵမ်းတီႈၶႃႈ။
၂ ၽြႃးပဵၼ်ၸဝ်ႈတီႈၶႃႈ၊ၶႅၼ်းတေႃႈထွမ်ႇဢဝ် ၵႂၢမ်းသူးတွင်းပထၼႃႇၶႃႈၸဝ်ႈလႄႈ ဢဝ်ႁူထွမ်ႇငိၼ်းၵႂၢမ်းဢၼ် ဢွၵ်ႇသူပ်းၶႃႈၸဝ်ႈၼၼ်ႉသေၵမ်းတီႈၶႃႈ။
၃ လွင်ႈမၼ်းၸမ်း ၵူၼ်းတၢင်ႇဝၢၼ်ႈတၢင်ႇမိူင်း ဢွၼ်ၵၼ်လုၵ်ႉလႄႈယူႇၽၢႆႇၼိုင်ႈတင်းၶႃႈၸဝ်ႈလႄႈ ၶဝ်ၸိူဝ်းဢၼ်ႁၢဝ်ႈၵျၢမ်းၼၼ်ႉ ႁႃဢဝ်ဢသၢၵ်ႈၶႃႈၸဝ်ႈယူႇတီႈၶႃႈယဝ်ႉ။ၶဝ်ဢမ်ႇထွၵ်ႈလူၺ်ႈၼႃႈၽြႃးပဵၼ်ၸဝ်ႈတီႈၶႃႈ။
၄ တူၺ်းလူႊ၊ၽြႃးပဵၼ်ၸဝ်ႈၸွႆႈထႅမ်မႃႉၸႃႉၵဝ်ယူႇလႄႈ ၸဝ်ႈၽြႃး ၶဝ်ႈပႃးၼႂ်းၶဝ်ၸိူဝ်းဢၼ်ၵမ်ႉထွၵ်ႈဢသၢၵ်ႈၵဝ်ၼၼ်ႉယူႇဢေႃႈ။မၼ်းၸဝ်ႈတၵ်းတွပ်ႇတႅၼ်းပၼ်ဢၵျူဝ်း ဢၼ်ဢမ်ႇလီၼၼ်ႉတီႈရၢၼ်ႇသူႇ ၵဝ်ၸိူဝ်းၼၼ်ႉဢေႃႈ။
၅ ၶႅၼ်းတေႃႈပႄႇပႅတ်ႈၶဝ်ၸွမ်းၵႃႈၼင်ႇဢၼ်သႅတ်ႈၸႃႇၸဝ်ႈႁဝ်းမီးၼၼ်ႉ သေၵမ်းတီႈ ၶႃႈ။
၆ သင်ၼၼ်ၶႃႈၸဝ်ႈတၵ်းဢဝ်တၢင်းပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇၼၼ်ႉ ပုၵ်ႉၸေႃႇတီႈၸဝ်ႈႁဝ်းတီႈၶႃႈဢေႃႈ။ထႃႇဝရႃႉၽြႃးတီႈၶႃႈ၊ ၶႃႈၸဝ်ႈတၵ်းယွင်ႈယေႃး ၼႃႇမႃႉၸိုဝ်ႈသဵင်ၸဝ်ႈႁဝ်းၵွပ်ႈပိူဝ်ႈဢၼ်လွင်ႈတၢင်းၼၼ်ႉ ပဵၼ်ဢၼ်လီဢၼ်မျၢတ်ႈၼႃႇၼၼ်ႉတီႈၶႃႈဢေႃႈ။
၇ လွင်ႈမၼ်းၸမ်းမၼ်းၸဝ်ႈၵႄႇသႄႇၼုၵ်ႈဢဝ်ၶႃႈၸဝ်ႈ ဢွၵ်ႇသေၵႃႈၼႂ်းတုၵ်ႉၶႃႉတင်းသဵင်ႈတင်းလူင်လႄႈ မၢၵ်ႇတႃၶႃႈၸဝ်ႈလႆႈႁၼ်ၵႃႈဢၼ်ၶႃႈၸဝ်ႈမီးဢလူဝ်ႇ ၵႃႈၼိူဝ်ရၢၼ်ႇသူႇၶႃႈၸဝ်ႈၸိူဝ်းၼၼ်ႉ တီႈၶႃႈဢေႃႈ။