၉၈
၁ ဢွၼ်ၵၼ်ႁဵတ်းၵႂၢမ်းဢၼ်မႂ်ႇ တီႈထႃႇဝရႃႉၽြႃးတႃႉ။မၼ်းၸဝ်ႈႁဵတ်း လွင်ႈတၢင်းဢၼ်လီဢၢမ်းတင်းလၢႆယဝ်ႉယဝ်ႉ။မိုဝ်းၶွၼ်ၶႂႃမၼ်းၸဝ်ႈဢိၵ်ႇတင်းၶႅၼ်မၼ်းၸဝ်ႈဢၼ်မူတ်းၸၢင်ႇၼၼ်ႉ ႁဵတ်းလွင်ႈတၢင်းဢၼ်ၵႄႇသႄႇၶျွတ်ႈဢဝ်ပုၼ်ႈမၼ်းၸဝ်ႈယဝ်ႉယဝ်ႉ။
၂ ထႃႇဝရႃႉၽြႃး ႁႂ်ႈၵျေးၸူးတၢင်းဢၼ်မၼ်းၸဝ်ႈၵႄႇသႄႇၶျွတ်ႈဢဝ်ၼၼ်ႉ ထၢင်သႃးလႄႈ ၼႄပျႃးတြႃးတၢင်းဢၼ်မၼ်းၸဝ်ႈသိုဝ်ႈတေႃႇၼၼ်ႉ သိုဝ်ႈၼႃႈတႂ်ႈတႃ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆယဝ်ႉယဝ်ႉ။
၃ မၼ်းၸဝ်ႈ ၶုၵ်းၸႂ်လႆႈၶႆႈၸႂ်ထူပ်းၵရူႉၼႃႇၸဝ်ႈ ဢိၵ်ႇတင်းသႅတ်ႈၸႃႇမၼ်းၸဝ်ႈတီႈမဵဝ်းဢိသရေႇလ ယဝ်ႉယဝ်ႉ။တီႈသုတ်းလိၼ်မိူင်းတင်းသဵင်ႈတင်းလူင်လႆႈႁၼ်ၵျေးၸူးတၢင်းဢၼ် ၽြႃးပဵၼ်ၸဝ်ႈႁဝ်း ၵႄႇသႄႇ ၶျွတ်ႈဢဝ်ၼၼ်ႉယဝ်ႉယဝ်ႉ။
၄ လိၼ်မိူင်းတင်းသဵင်ႈတင်းမူတ်းၼႆႉဢိူၺ်း ဢဝ်တင်းသဵင်ဢၼ်ယႂ်ႇၼႃႇႁွင်ႉသႅၼ်ႇတီႈထႃႇဝရႃႉၽြႃးတႃႉ။ၵိဝ်သဵင်လင်ႊလင်ႊႁဵတ်းၵႂၢမ်းဢၼ်သႂၢင်ႇသိူဝ်းသေလႄႈ ႁဵတ်းသဵင်တူႇရီ့ယႃႇတႃႉ။
၅ လဵတ်းတိင်ႇသေလႄႈႁဵတ်းသဵင်တူႇရီ့ယႃႇတႃႉ။
၆ ပဝ်ႇၼႄးၶရႃႇသေလႄႈဢဝ်တင်းသဵင်ဢၼ်ယႂ်ႇၼႃႇႁွင်ႉသႅၼ်ႇၵႃႈတီႈၽၢႆႇၼႃႈ ထႃႇဝရႃႉၽြႃးဢၼ်ဝႃႈၶုၼ်ႁေႃၶမ်းၼၼ်ႉတႃႉ။
၇ ႁႂ်ႈပၢင်ႇလၢႆႇ ဢိၵ်ႇတင်းတၢင်းဢၼ်မီးတဵမ်ဝႆႉၵႃႈၼႂ်းမၼ်း၊လေႃးၵထၢတ်ႈ၊ ဢိၵ်ႇတင်းၶဝ်ၸိူဝ်းဢၼ်မီးယူႇၵႃႈၼႂ်းမၼ်းၼၼ်ႉ ဢွၼ်ၵၼ်ႁဵတ်းသဵင်လင်ႊလင်ႊ သေၵမ်းလူၺ်ႈ။
၈ ႁႂ်ႈမေႈၼမ်ႉတင်းလၢႆ၊ဢွၼ်ၵၼ်တူပ်းမိုဝ်းသေလႄႈ ႁႂ်ႈလွႆတင်းလၢႆၽွမ်ႉၵၼ်ႁဵတ်းၵႂၢမ်းသိူဝ်းသိူဝ်းသႂၢင်ႇသႂၢင်ႇ ၵႃႈတီႈၽၢႆႇၼႃႈထႃႇဝရႃႉၽြႃးသေ ၵမ်းလူၺ်ႈ။
၉ လွင်ႈမၼ်းၸမ်းမၼ်းၸဝ်ႈမႃးႁႂ်ႈလႆႈၸီႇယၢင်ႇတြႃးတီႈလိၼ်မိူင်းဢေႃႈ။မၼ်းၸဝ်ႈတၵ်းဢဝ်တြႃးတၢင်းသိုဝ်ႈတေႃႇလႄႈ ၸီႇယၢင်ႇတႅပ်းတတ်းလေႃးၵႃႉလႄႈ ဢဝ်တင်းသႅတ်ႈၸႃႇၸီႇယၢင်ႇတႅပ်းတတ်းၵူၼ်းတင်းလၢႆဢေႃႈ။