၇၆
၁ ၵႃႈၼႂ်းမိူင်းယုတ ၼၼ်ႉ ဢွၼ်ၵၼ်ႁူႉၽြႃးပဵၼ်ၸဝ်ႈဢေႃႈ။ၼႃႇမႃႉၸိုဝ်ႈသဵင်မၼ်းၸဝ်ႈယႂ်ႇမျၢတ်ႈၼႃႇၵႃႈၼႂ်းတိူင်းဢိသရေႇလၼၼ်ႉဢေႃႈ။
၂ ၵႃႈၼႂ်းဝဵင်းသႃႇလႅမ်ႇၼၼ်ႉမီးသုမ်ႉထဵင်မၼ်းၸဝ်ႈဢေႃႈ။ၵႃႈၼိူဝ်လွႆၸိဢုၼ်ႇၼၼ်ႉ မီးတီႈဢၼ်မၼ်းၸဝ်ႈၵိင်းဝၢပ်ႈယူႇ ဢေႃႈ။
၃ ၵႃႈတီႈၼၼ်ႉမၼ်းၸဝ်ႈႁၵ်းယႃႉလၢၵ်ႈၼၢၵ်ႈပိုၼ်ၵၢင်ႇ လႂ်၊ၶိူင်ႈဢၼ်ႁႄႉလၢၵ်ႈၼၢၵ်ႈ လႂ်၊ လၢပ်ႇလႅဝ်း လႂ်၊ဢိၵ်ႇတင်းပွႆးတိုၵ်းသိုၵ်း လႂ်ပႅတ်ႈဢေႃႈ။ၸေႇလႃႇ။
၄ ၸဝ်ႈႁဝ်းမီးမုၼ်မီးၽုင်းလႄႈ ယဵင်ႈၶႅၼ်းယႂ်ႇမျၢတ်ႈၼႃႇသေ လွႆဢၼ်မီးတူဝ်ထိူၼ်ႇႁၢႆႉ တင်းလၢႆၼၼ်ႉ ဢေႃႈ။
၅ ၶဝ်ၸိူဝ်းဢၼ်ၸႂ်ႁတ်းၸႂ်ႁၢၼ်ၼၼ်ႉလႆႈၶၢမ်ႇတၢင်းဢၼ်ႁိမ်ဢဝ်လႄႈ ၼွၼ်းလပ်းၵႂႃႇယဝ်ႉ။ၶဝ်ၸိူဝ်းဢၼ်ႁႅင်းယႂ်ႇၼၼ်ႉ ဢမ်ႇလႆႈထူပ်းႁၼ်မိုဝ်းၶဝ် သေၵေႃႉသေၵူၼ်း။
၆ ၽြႃးပဵၼ်ၸဝ်ႈမဵဝ်းယႃႇၵုပ်ႉတီႈၶႃႈၵွပ်ႈပိူဝ်ႈတၢင်းဢၼ် ၸဝ်ႈႁဝ်းသင်ႇသွၼ်သုင်းမႃႉၼၼ်ႉလႄႈ လေႃႉရထႃးတင်းမႃႉၸိူဝ်းၼၼ်ႉၼွၼ်းလပ်းၵႂႃႇၼႂ်းတၢင်းဢၼ်ၼွၼ်းလပ်း ဢၼ်ယႂ်ႇၼႃႇၼၼ်ႉတီႈၶႃႈဢေႃႈ။
၇ ၸဝ်ႈႁဝ်းသူႇလဵဝ်ပႃးလဵဝ်ၵူၺ်း၊ ပဵၼ်တီႈဢၼ်ထုၵ်ႇလီရူဝ်ႇသေႇၵူဝ်ယမ်တီႈၶႃႈဢေႃႈ။မိူဝ်ႈဢၼ်ၸဝ်ႈႁဝ်းၸႂ်မႆႈၶႆးၸႃႉၼၼ်ႉ ၽူႈ လႂ်တၵ်းၸုၵ်းၶၢမ်ႇယူႇၵႃႈတီႈၽၢႆႇ ၼႃႈၸဝ်ႈႁဝ်းလႆႈတီႈၶႃႈ။
၈ ၸဝ်ႈႁဝ်းပွႆႇသဵင်တၢင်းဢၼ်တႅပ်းတတ်းတြႃးၵႃႈၼိူဝ်ၵၢင်ႁၢဝ်ပုၼ်ႉမႃးလႄႈ လိၼ်မိူင်းရူဝ်ႇသေႇၵူဝ်ယမ်လႄႈယူႇတဵတ်ႇတဵတ်ႇယဵၼ် ယဵၼ်ယူႇၼႂ်းမိူဝ်ႈဢၼ်ၽြႃးပဵၼ်ႈၸဝ်ႈလုၵ်ႉလႄႈ
၉ ႁႂ်ႈလႆႈတႅပ်းတတ်းတြႃး ၵႄႇသႄႇၶျွတ်ႈဢဝ်ၵူၼ်းလိၼ်မိူင်းဢၼ်ယၢၵ်ႈဢၼ်ၽၢၼ်တင်းသဵင်ႈတင်းလူင်ၼၼ်ႉတီႈၶႃႈဢေႃႈ။ၸေႇလႃႇ။
၁၀ လွင်ႈမၼ်းၸမ်း တေႃးသႃႉၵူၼ်းတင်းလၢႆ တၵ်းယွင်ႈယေႃးၸဝ်ႈႁဝ်းလႄႈ တေႃးသႃႉဢၼ်ယင်းၵိုတ်းယင်းၵျၢၼ်ႇၵေႃႈ ၸဝ်ႈႁဝ်း တၵ်းဢဝ်ႁတ်ႉဢႅဝ်ဝႆႉတီႈၶႃႈ ဢေႃႈ။
၁၁ ဢွၼ်ၵၼ်ႁဵတ်းၵတိသႅတ်ႈၸႃႇလႄႈၽေႇဝၢတ်ႈသႅတ်ႈၸႃႇတီႈ ထႃႇဝရႃႉၽြႃးၽြႃးပဵၼ်ၸဝ်ႈသူတႃႉ။ႁႂ်ႈၶဝ်ၸိူဝ်းဢၼ်ယူႇလဵပ်ႈႁွပ်ႈၸဝ်ႈႁဝ်းတင်းသဵင်ႈတင်းလူင်ၼၼ်ႉ ဢွၼ်ၵၼ်ဢဝ်လၢၵ်ႈသွင်ႇမႃးၸူးၵႃႈတီႈမၼ်းၸဝ်ႈ ဢၼ်ထုၵ်ႇလီရူဝ်ႇသေႇၵူဝ်ယမ် ၼၼ်ႉသေၵမ်း။
၁၂ မၼ်းၸဝ်ႈတႅပ်းဢသၢၵ်ႈၶုၼ်တင်းလၢႆၶၢတ်ႇဢေႃႈ။မၼ်းၸဝ်ႈပဵၼ်တီႈဢၼ်ၶုၼ်ႁေႃၶမ်းလေႃးၵီႇတင်းလၢႆၵူဝ်ႁႄဢေႃႈ။