Chapter
၁
ရူႇပႃႇရုင်ဢေႃႇၵတိ
၁ ပျႃႇတိၵ်ႈရူႇပႃႇရုင်ႇဢေႃႇပတိဢေႃႈ။ၸဝ်ႈထႃႇဝရႃႉၽြႃးဢဝ်လွင်ႈမိူင်းဢေႇတုမ်ႇ မီးဢမိင်ႉၸမ်းႁဝ်းလႆႈငိၼ်းသဵင်ဢၼ်ထႃႇဝရႃႉၽြႃး ႁွင်ႉပၢဝ်ႇႁွင်ႉသေႃႇၼၼ်ႉဢေႃႈ။မၼ်းၸဝ်ႈပွႆႇသၢၼ်ႇတမၢၼ်ႇၵႂႃႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈလၢတ်ႈဝႃႈ၊-သူဢွၼ်ၵၼ်လုၵ်ႉလႄႈ ၶီႇသိုၵ်းႁႂ်ႈလႆႈတိုၵ်းတေႃးမိူင်း ၼၼ်ႉတႃႉ၊ဝႃႈၼင်ႇၼႆဢေႃႈ။
၂ တူၺ်းလူ။ၵဝ်ၸီႇယၢင်ႇႁႂ်ႈမႂ်းပဵၼ်ဢၼ်လဵၵ်ႉဢၼ်ဢွၼ်ႇၵႂႃႇ ၵႃၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ မႂ်းလႆႈၶၢမ်ႇတၢင်းဢၼ် ပိူၼ်ႈႁဵတ်းဢမ်ႇပေႃးၼင်ႇႁိုဝ်ဢေႃႈ။
၃ မႂ်းဢၼ်ယူႇၼႂ်းၵႄႈမၢၵ်ႇႁိၼ်မၢၵ်ႇၽႃတင်းလၢႆလႄႈ သွၼ်ႈပိုင်ႈယူႇၵႃႈတီႈဢၼ်သုင်၊ဢၼ်လၢတ်ႈၼႂ်းၸႂ်လႄႈဝႃႈ၊-ၽူႈ လႂ်တၵ်းၶျႃးၵဝ်တူၵ်းတီႈလိၼ်လႆႈ၊ ဝႃႈၼင်ႇၼႆၼၼ်ႉ ဢိူၺ်း။မႃႇၼႃႉၸႂ်သုင်မႂ်းၼၼ်ႉပႅတ်ႉလႅၼ်မႂ်းယဝ်ႉ။
၄ ပိၵ်ႉသမ်ႉမႂ်းယုၵ်ႉယွင်ႈတူဝ်မႂ်းၶိုၼ်ႈတီႈသုင်မိူၼ်ၸိူဝ်ႉၼင်ႇႁူင်ႉၶမ်းၼၼ်ႉလႄႈ ႁဵတ်းႁၢင်းမႂ်းယူႇၵႃႈတီႈလၢဝ်တင်းလၢႆသေၵေႃႈ ၵဝ်တၵ်းၶျႃးမႂ်းသေၵႃႈတီႈၼၼ်ႉ တူၵ်းတီႈတႅမ်ႇဢေႃႈ၊ဝႃႈၼင်ႇၼႆဢေႃႈ၊ ဝႃႈၼင်ႇထႃႇဝရႃႉ ၽြႃးမီးဢမိင်ႉဢေႃႈ။
၅ သင်ၽူႈလၵ်ႉမႃး၊သင်ၵူၼ်းၸူၼ်မႃးၸူးတီႈမႂ်းၶိင်ႇၵၢင်ၶိုၼ်းၸိုင်ၶဝ်တၵ်းလၵ်ႉဢဝ်ထၼ်ႈပေႃးႁႂ်ႈပျေႇၸႂ်ၶဝ်ၵူၺ်းဢမ်ႇၸႂ်ႈႁိုဝ်။သင်ၵူၼ်းဢၼ်ပိတ်းမၢၵ်ႇၸပိတ်ႈတင်းလၢႆ မႃးၸူးတီႈမႂ်းၸိုင်ၶဝ်တၵ်းႁႂ်ႈၵိုုတ်းၵျၢၼ်ႇဝႆႉ ပုၼ်ႈဢၼ်ပိူၼ်ႈတၵ်းၸွမ်းလႄႈ ပိတ်းဢဝ်ဢမ်ႇၸႂ်ႈႁိုဝ်။မႂ်းၼႆႉပဵၼ်ဢၼ်လူႉလႅဝ် ၼႃႇလူင်လၢင်ယဝ်ႉလူင်ပေႇ။
၆ ဢေးသေႃးၼၼ်ႉလႆႈၶၢမ်ႇတၢင်းဢၼ် ၸႅတ်ႈထၢမ်ၼႃႇလူင်လၢင်ယဝ်ႉလူင်ပေႇ။လႆႈၶၢမ်ႇတၢင်းဢၼ်ႁႃဢဝ်ဢုၵ်ႉၸႃႇ ဢၼ်မၼ်းသိူင်ႇဝႆႉမႅပ်းဝႆႉၸိူဝ်းၼၼ်ႉ ၼႃႇလူင်လၢင်ယဝ်ႉလူင်ပေႇ။
၇ ၶဝ်ၸိူဝ်းဢၼ်ႁဵတ်းမိၵ်ႉသႁႃႇယႃႉ လူၺ်ႈၵၼ်တင်းမႂ်းၼၼ်ႉ ႁေႃႈမႂ်းဢွၵ်ႇၸူးၵႃႈတီႈ ၶွပ်ႇၼမ်ႉလႅၼ်လိၼ်ယဝ်ႉယဝ်ႉ။ၶဝ်ၸိူဝ်းဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းမႂ်းၼၼ်ႉပႅတ်ႉလႅၼ်မႂ်းလႄႈ ပေႉၼႅင်ႇမႂ်းယဝ်ႉယဝ်ႉ။ၶဝ်ၸိူဝ်းဢၼ်ၵိၼ်ၶူပ်းတၢင်းၵိၼ်တၢင်းၶူပ်းၼၼ်ႉၵၢင်တူင်ႇႁဵဝ်ႉတူင်ႇၶိုမ်းဝႆႉၵႃႈတီႈမႂ်းယဝ်ႉယဝ်ႉ။မႂ်းဢမ်ႇမီးၺၢၼ်ႇပိင်ႇၺႃႇလႃးလႃး။
၈ ထႃႇဝရႃႉၽြႃးမီးဢမိင်ႉၸမ်း၊ ၼႂ်းမိူဝ်ႉဝၼ်းၼၼ်ႉၵဝ်တၵ်းပႄႇၽဵဝ်ႈ ၶဝ်ၸိူဝ်းဢၼ်မီးပိင်ႇၺႃႇၼၼ်ႉပႅတ်ႈသေၵႃႈၼႂ်းမိူင်းဢေႇတုမ်ႇ၊ ၶဝ်ၸိူဝ်းဢၼ်ၺၢၼ်ႇလီၼၼ်ႉပႅတ်ႈသေ ၵႃႈတီႈလွႆဢေႇသေႃႇဢမ်ႇၸႂ်ႈႁိုဝ်။
၉ ဝဵင်းတေႇမတ်ႉဢိူၺ်း။ၵူၼ်းမႂ်းဢၼ်ႁႅင်းယႂ်ႇၼႃႇၸိူဝ်းၼၼ်ႉတၵ်းႁွတ်ႈထိုင ်တၢင်းဢၼ်ၵူဝ်ဢၼ်ႁႄႁႂ်ႈၶဝ်တင်းသဵင်ႈတင်းလူင်လႆႈၶၢမ်ႇ တၢင်းဢၼ်ပႄႇၽဵဝ်ႈၶႃႈၽၼ်းဢဝ်တၢႆပႅတ်ႈသေၵႃႈၼိူဝ် လွႆဢေႇသေႃႇ ဢေႃႈ။
၁၀ ၵွပ်ႈပိူဝ်ႈဢပျႅတ်ႈတၢင်းဢၼ်မႂ်းႁဵတ်းပေႉႁဵတ်းၼႅင်ႇၼွင်ႉၸၢႆးမႂ်းယႃႇၵုပ်ႉ ၼၼ်ႉလႄႈတၢင်းဢၼ်ဢူၵ်းဢၼ်ဢၢႆတၵ်းလႆႈႁူမ်ႇသုမ်ႇမႂ်းလႄႈ တၵ်းလႆႈၶၢမ်ႇ တၢင်းဢၼ်ပႄႇပႅတ်ႈယူႇသေႇသေႇဢေႃႈ။
၁၁ ၼႂ်းမိူဝ်ႉဝၼ်းဢၼ်မႂ်းယူႇၽၢႆႇၶၢင်ႈၼိုင်ႈ၊ ၼႂ်းဝၼ်းဢၼ်ၵူၼ်းတၢင်ႇဝၢၼ်ႈတၢင်ႇမိူင်းတင်းလၢႆ သိမ်းဢဝ်ၶဝ်ၸိူဝ်းဢၼ်ႁၢပ်ႇဢမူႉမၼ်းၼၼ်ႉလႄႈ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ၶဝ်ႈၵႃႈၼႂ်းၽၵ်းတူဝဵင်းမၼ်းသေလႄႈတူၵ်းလိၵ်ႈၸႃႇၵွၵ်ႈၵၼ်လူၺ်ႈလွင်ႈဝဵင်း ယေႇရုသလႅမ်ႇၼၼ်ႉမႂ်းပဵၼ်ၵေႃႉဢၼ်ႁပ်ႉတုင်းဢဝ်ဢေႃႈ။
၁၂ ၼႂ်းမိူဝ်ႉဝၼ်းၼွင်ႉၸၢႆးမႂ်း ပဵၼ်ၵူၼ်းတၢင်ႇၸိူဝ်ႉတၢင်ႇမဵဝ်းၵႂႃႇၼၼ်ႉ မႂ်းဢမ်ႇထုၵ်ႇလီလူတူၺ်းဢမူႉမၼ်းယူႇ။ၼႂ်းမိူဝ်ႉဝၼ်းဢၼ်ၵူၼ်းမဵဝ်းယုတ တင်းလၢႆလူႉလႅဝ်ၼၼ်ႉမႂ်းဢမ်ႇထုၵ်ႇလီၸူမ်းလီသိူဝ်း။ၼႂ်းမိူဝ်ႉဝၼ်းဢၼ်ၶဝ်လႆႈၶၢမ်ႇတုၵ်ႉၶႃႉတၢင်းၽၢၼ်ၼၼ်ႉ မႂ်းဢမ်ႇထုၵ်ႇ လီလၢတ်ႈၵႂၢမ်းဢၼ်ဢမ်ႇၼပ်ႉဢမ်ႇၶၢၼ်း။
၁၃ ၼႂ်းမိူဝ်ႉဝၼ်းဢၼ်ၵူၼ်းၵဝ်တင်းလၢႆ လႆႈၶၢမ်ႇၽေးဢူးပၢတ်ႈၼၼ်ႉ မႂ်းဢမ်ႇထုၵ်ႇလီၶဝ်ႈ ၵႃႈၼႂ်းႁူးၽၵ်းတူတီႈဢၼ်ၶဝ်ယူႇၼၼ်ႉ။ၼႂ်းမိူဝ်ႉဝၼ်းဢၼ်ၶဝ်လႆႈၶၢမ်ႇၽေးဢူးပၢတ်ႈၼၼ်ႉမႂ်းဢမ်ႇထုၵ်ႇလီလူတူၺ်းတုၵ်ႉၶႃႉတၢင်းၽၢၼ်ၶဝ်။ၼႂ်းမိူဝ်ႉဝၼ်းဢၼ်ၶဝ်လႆႈၶၢမ်ႇတၢင်းၽေးဢူးပၢတ်ႈၼၼ်ႉ မႂ်းဢမ်ႇထုၵ်ႇလီယိုၼ်းမိုဝ်းႁိမ် ဢဝ်ႁူင်ႇဢဝ်ဢုၵ်ႉၸႃႇၶဝ်။
၁၄ မႂ်းဢမ်ႇထုၵ်ႇလီယူႇၵႃႈတီႈသဵၼ်ႈတၢင်း ဢၼ်ၽႃႇၵႂႃႇလတ်းၵႂႃႇၼၼ်ႉလႄႈႁႂ်ႈလႆႈပႄႇၽဵဝ်ႈပႅတ်ႈ ၶဝ်ၸိူဝ်းဢၼ်ပၢႆႈလွတ်ႈၵႂႃႇၼၼ်ႉ။မႂ်းဢမ်ႇထုၵ်ႇလီဢဝ် ၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇၼႂ်းမိူဝ်ႉဝၼ်းဢၼ်ဢမူႉ ႁွတ်ႈထိုင်ၼၼ်ႉဢၢပ်ႈ ပၼ်။
၁၅ လွင်ႈမၼ်းၸမ်းမိူဝ်ႉဝၼ်းထႃႇဝရႃႉၽြႃးၼၼ်ႉၸမ်ၵၼ်တင်းၵူၼ်ႈၵူႈၸိူဝ်ႉၵူႈမဵဝ်းယဝ်ႉ။ၸွမ်းၵႃႈၼင်ႇဢၼ်မႂ်းႁဵတ်းၼၼ်ႉသေလႄႈ ပိူၼ်ႈတၵ်းႁဵတ်းတီႈမႂ်းဢေႃႈ။ဢမူႉဢၼ်မႂ်းႁဵတ်းၼၼ်ႉတၵ်းလႆႈၶိုၼ်းႁွတ်ႈ ထိုင်ၵႃႈၼိူဝ်ႁူဝ်မႂ်းဢေႃႈ။
၁၆ ၸိူဝ်ႉၼင်ႇဢၼ်သူသူတ်ႉၵိၼ်ဢိုၵ်ႉၵိၼ်ၵႃႈၼိူဝ်လွႆၵဝ်ဢၼ်မူတ်းၸၢင်ႇၼၼ်ႉ ၵူၼ်းၵူႈၸိူဝ်ႉၵူႈမဵဝ်း တၵ်းလႆႈသူတ်ႉၵိၼ်ဢိုၵ်ႉၵိၼ်ယူႇသေႇသေႇဢေႃႈ။ၶဝ်တၵ်းလႆႈသူတ်ႉၵိၼ်ဢိုၵ်ႉၵၼ်လႄႈဢိုၼ်ၵိၼ်သေယဝ်ႉ တၵ်းလႆႈပဵၼ်မိူၼ်ၸိူဝ်ႉၼင်ႇၵေႃႉ ဢၼ်ဢမ်ႇတွၼ်ႉယၢမ်ႈမီးၼၼ်ႉယူႇဢေႃႈ။
၁၇ ၵႃႈၼိူဝ်လွႆၸိဢုၼ်ႇၼၼ်ႉ တၵ်းမီးၶဝ်ၸိူဝ်းဢၼ်လွတ်ႈၽေးၵမ်ႈၽွင်ႈလႄႈ တီႈၼၼ်ႉတၵ်းပဵၼ်တီႈဢၼ်မူတ်းၸၢင်ႇဢေႃႈ။မဵဝ်းယႃႇၵုပ်ႉၼၼ်ႉတၵ်းလႆႈပိူင်ႇဢဝ်လိၼ်ဢၼ် ၶဝ်ထိူၵ်ႈပိူင်ႇၼၼ်ႉဢေႃႈ။
၁၈ မဵဝ်းယႃႇၵုပ်ႉၼၼ်ႉတၵ်းပဵၼ်ႆး၊မဵဝ်းယုဝ်းသႅပ်ႉၼၼ်ႉတၵ်းပဵၼ်ပိဝ်ၽႆး၊ မဵဝ်းဢေႇသေႃႇၼၼ်ႉ တၵ်းပဵၼ်ယိူဝ်ႈႁႅင်ႈယိူဝ်ႈႁွင်ယူႇသေလႄႈၸပ်းၽႆးလႄႈ မႆႈသေယဝ်ႉၵူၼ်းမဵဝ်းဢေႇတုမ်ႇၼၼ်ႉဢမ်ႇလႆႈၵိုတ်းလႆႈၵျၢၼ်ႇဝႆႉသေၵေႃႉသေၵူၼ်း။
၁၉ ထႃႇဝရႃႉၽြႃးမီးဢမိင်ႉဝႆႉယဝ်ႉယဝ်ႉ။ၵူၼ်းၵႃႈၼႂ်းပွတ်းတၢင်းၸၢၼ်းၸိူဝ်းၼၼ်ႉ တၵ်းဢွၼ်ၵၼ်သိမ်းဢဝ်လွႆဢေႇသေႃႇ၊ၵူၼ်းဢၼ်ယူႇၵႃႈတႂ်ႈတီႈဢၼ်ပၢင်ႇဢၼ်ပဵင်းၸိူဝ်းၼၼ်ႉ တၵ်းဢွၼ်ၵၼ်သိမ်းဢဝ်မိူင်းၽိလိတ်ႉတိ ၶဝ်ၼၼ်ႉတၵ်းဢွၼ်ၵၼ်သိမ်းဢဝ်တီႈ
ပၢင်ႇတီႈပဵင်းဢေႇၽရိမ်ႇဢိၵ်ႇတင်း တီႈပၢင်ႇတီႈပဵင်းသမႃႇရိ၊မဵဝ်းပိၼ်ႇယႃႇမိၼ်ႇ ၼၼ်ႉတၵ်းဢွၼ်ၵၼ် သိမ်းဢဝ်မိူင်းၵိလတ်ႉဢေႃႈ။
၂၀ မုၵ်ႉၸိူဝ်းမဵဝ်းဢိသရေႇလဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇလႄႈ မီးယူႇၵႃႈၼႂ်းၵူၼ်းၶႃႇၼၢၼ်ႇၸိူဝ်းၼၼ်ႉတၵ်းလႆႈသိမ်းဢဝ်တေႃႇထိုင်ႁွတ်ႈပၢင်ႇလၢႆႇၸႃႇရိပ်ႉတ လႄႈၵူၼ်းဝဵင်းယေႇရုသလႅမ်ႇ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇလႄႈ မီးယူႇၵႃႈၼႂ်းမိူင်းသေႇၽရတ်ႉ ၸိူဝ်းၼၼ်ႉ တၵ်းလႆႈသိမ်းဢဝ်ဝၢၼ်ႈဝဵင်းၼႂ်းပွတ်းတၢင်း ၸၢၼ်းၸိူဝ်းၼၼ်ႉဢေႃႈ။
၂၁ ၶဝ်ၸိူဝ်းဢၼ်ၵႄႇသႄႇၶျွတ်ႈဢဝ်ၼၼ်ႉတၵ်းဢွၼ်ၵၼ်ၶိုၼ်ႈၵႃႈၼိူဝ် လွႆၸိဢုၼ်ႇ ႁႂ်ႈလႆႈၸီႇယၢင်ႇတြႃးတီႈလွႆဢေႇသေႃႇလႄႈသိုင်ႇၸိုင်ႈဝၢၼ်ႈမိူင်းၵေႃႈ တၵ်းပဵၼ်သိုင်ႇၸိုင်ႈဝၢၼ်ႈမိူင်းထႃႇဝရႃႉၽြႃးဢေႃႈ။