၂၄
၁ လိၼ်မိူင်းဢိၵ်ႇတင်း ၵႃႈဢၼ်မီးၼိူဝ်မၼ်းတင်းသဵင်ႈတင်းလူင်၊ လေႃးၵႃႉၼႆႉဢိၵ်ႇတင်းၵူၼ်းၵႃႈဢၼ်ယူႇၼႂ်းမၼ်းတင်းသဵင်ႈတင်းလူင် ပဵၼ်ၶွင်ထႃႇဝရႃႉၽြႃး ဢေႃႈ။
၂ လွင်ႈမၼ်းၸမ်းမၼ်းၸဝ်ႈဢဝ်ၶဝ်တႄႇဝႆႉၵႃႈၼိူဝ်ၼမ်ႉပၢင်ႇလၢႆႇတင်းလၢႆလႄႈ ႁႂ်ႈၶဝ်မၼ်ႈၶိူင်ႇ ယူႇၵႃႈၼိူဝ်ၼမ်ႉသမ်ႇမုၵ်ႉတြႃႇတင်းလၢႆဢေႃႈ။
၃ ၽူႈ လႂ်တၵ်းလႆႈၶိုၼ်ႈၵႃႈၼိူဝ်လွႆထႃႇဝရႃႉၽြႃးၼၼ်ႉ။ၽူႈ လႂ်တၵ်းလႆႈၸုၵ်းယူႇ ၵႃႈၼႂ်းထႃႇၼႃႉတီႈမူတ်းၸၢင်ႇ မၼ်းၸဝ်ႈၼၼ်ႉဝႃႈၼႆၸမ်း
၄ ပဵၼ်ၵေႃႉဢၼ်မီးမိုဝ်းဢၼ်မူတ်းသႂ် ဢိၵ်ႇတင်း ႁူဝ်ၸႂ်ဢၼ်ၶၢဝ်ၸၢင်ႇၵေႃႉဢၼ်တိုတ်ႉၸၼ်ဢဝ်ႁူဝ်ၸႂ် တူဝ်ၸဝ်ႈၵဝ်ႇဢမ်ႇႁႂ်ႈၵႂႃႇၵႃႈၼႂ်းမူႉသႃႇ ၵေႃႉဢၼ်ဢမ်ႇႁဵတ်းတၢင်းဢၼ်တိူင်ႇဝႃႈၵိၼ်ႇဝႃႈ ဢၼ်ဢမ်ႇမၢၼ်ႇဢမ်ႇမႅၼ်ႈၼၼ်ႉ ဢေႃႈ။
၅ မၼ်းတၵ်းလႆႈၶၢမ်ႇဢဝ်တၢင်းလီမင်ႇၵလႃႇထႃႇဝရႃႉၽြႃး ဢိၵ်ႇတင်းတၢင်းဢၼ်သိုဝ်ႈတေႃႇတီႈၽြႃးပဵၼ်ၸဝ်ႈ ဢၼ်ၵႄႇသႄႇၶျွတ်ႈဢဝ်မၼ်းၼၼ်ႉ ဢေႃႈ။
၆ မၼ်းၼၼ်ႉပဵၼ်မဵဝ်းဢၼ်ႁႃမၼ်းၸဝ်ႈမဵဝ်းဢၼ်ႁႃၼႃႈၸဝ်ႈႁဝ်းတီႈၶႃႈဢေႃႈ။
ၽြႃးမဵဝ်းယႃႇၵုပ်ႉတီႈၶႃႈ။ၸေႇလႃႇ။
၇ ၽၵ်းတူတင်းလၢႆၶဝ်ဢိူၺ်း၊ဢွၼ်ၵၼ်ယုၵ်ႉမုၵ်ႉသူတႃႉ။ၽၵ်းတူထႃႇဝရႃႉတင်းလၢႆၶဝ်ဢိူၺ်း၊ ဢွၼ်ၵၼ်ယုၵ်ႉတူဝ်သူသေတႃႉ။ၶုၼ်ႁေႃၶမ်းဢၼ်မုၼ်ၽုင်း ယႂ်ႇၼႃႇၼၼ်ႉတၵ်းၶဝ်ႈဢေႃႈ။
၈ ၶုၼ်ႁေႃၶမ်းဢၼ်မုၼ်ၽုင်းယႂ်ႇၼႃႇၼၼ်ႉၸမ်းပဵၼ်ၽူႈ လႂ်။ပဵၼ်ထႃႇဝရႃႉၽြႃးဢၼ်တဵမ်ထူၼ်ႈဝႆႉတင်းႁႅင်းတၼ်းၶူဝ်း ထႃႇဝရႃႉၽြႃးဢၼ်တၼ်းၶူဝ်းယႂ်ႇ ၼႂ်းတိုၵ်းသိုၵ်းၼၼ်ႉဢေႃႈ။
၉ ၽၵ်းတူတင်းလၢႆၶဝ်ဢိူၺ်း၊ ဢွၼ်ၵၼ်ယုၵ်ႉမုၵ်ႉသူတႃႉ။ၽၵ်းတူထႃႇဝရႃႉတင်းလၢႆၶဝ်ဢိူၺ်း၊ ဢွၼ်ၵၼ်ယုၵ်ႉတူဝ်သူတႃႉ။ၶုၼ်ႁေႃၶမ်းဢၼ်မုၼ်ၽုင်းယႂ်ႇၼႃႇ ၼၼ်ႉတၵ်းၶဝ်ႈဢေႃႈ။
၁၀ ၶုၼ်ႁေႃၶမ်းဢၼ်မုၼ်ၽုင်းယႂ်ႇၼႃႇၼၼ်ႉၸမ်းပဵၼ်ၽူႈ လႂ်။ပဵၼ်ထႃႇဝရႃႉၽြႃးပဵၼ်ၸဝ်ႈပူဝ်ႇပႃႇၵၢင်ႁၢဝ်ဢေႃႈ။မၼ်းၸဝ်ႈၼၼ်ႉပဵၼ်ၶုၼ်ႁေႃၶမ်းဢၼ်မုၼ်ၽုင်းယႂ်ႇၼႃႇဢေႃႈ။