၈၅
၁ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းထုၵ်ႇၸႂ်ၵျိူၵ်ႈၸႂ်မိူင်းၸဝ်ႈႁဝ်းလႄႈၸဝ်ႈႁဝ်းဢဝ်မဵဝ်းယႃႇၵုပ်ႉ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉ ၶိုၼ်းမႃးသူင်ႇ တီႈၶႃႈဢေႃႈ။
၂ ၸဝ်ႈႁဝ်းပွႆႇလွတ်ႈဢပျႅတ်ႈၵူၼ်းၸဝ်ႈႁဝ်းတင်းလၢႆလႄႈ ႁူမ်ႇသုမ်ႇတူႉၸရိူၵ်ႈၶဝ်တင်းသဵင်ႈတင်းလူင်တီႈၶႃႈယဝ်ႉ။ၸေႇလႃႇ။
၃ ၸဝ်ႈႁဝ်း ႁႂ်ႈၸႂ်တေႃးသႃႉတၢင်းၸႂ်မႆႈၶႂ်ႈၸႃႉၸဝ်ႈႁဝ်းပျေႇမူတ်းမူတ်းသဵင်ႈသဵင်ႈလႄႈ ၸဝ်ႈႁဝ်းႁႂ်ႈဢႁူင်ႇတေႃးသႃႉတၢင်းၸႂ်မႆႈၶႂ်ႈၸႃႉၸဝ်ႈႁဝ်း ၽၢတ်ႇယၢၼ် တီႈၶႃႈယဝ်ႉ။
၄ ၽြႃးဢၼ်ၵႄႇသႄႇၶျွတ်ႈဢဝ်ႁဝ်းၶႃႈတီႈၶႃႈ၊ ၶႅၼ်းတေႃႈႁႂ်ႈၶႃႈၸဝ်ႈႁဝ်းၶဝ်ၶၢႆႉပုတ်ႈလႄႈႁႂ်ႈတၢင်းဢၼ်ၸဝ်ႈႁဝ်းၸႂ်မႆႈၶႂ်ႈၸႃႉ ဢၼ်ယၢမ်ႈဢွၵ်ႇၸူးတီႈၶႃႈၸဝ်ႈႁဝ်းၶဝ်ၼၼ်ႉ ထၢတ်ႇယဵၼ်သေၵမ်း တီႈၶႃႈ။
၅ ၸဝ်ႈႁဝ်းတၵ်းၸႂ်မႆႈၶႂ်ႈၸႃႉတီႈၶႃႈၸဝ်ႈႁဝ်းၶဝ်ယူႇသေႇသေႇတီႈၶႃႈႁိုဝ်။ၸဝ်ႈႁဝ်းတၵ်းႁႂ်ႈတၢင်းၸႂ်မႆႈၶႂ်ႈၸႃႉၸဝ်ႈႁဝ်းဢမ်ႇပျေႇလႄႈ ယူႇၶိင်ႇၵႃႇလႃႉ သိုပ်ႇသိုပ်ႇတၢမ်ႈတၢမ်ႈတီႈၶႃႈႁိုဝ်။
၆ ၸဝ်ႈႁဝ်းတၵ်းသမ်ႉႁႂ်ႈၶႃႈၸဝ်ႈႁဝ်းၶဝ်ဢသၢၵ်ႈလိပ်းယူႇ ႁႂ်ႈၵူၼ်းၸဝ်ႈႁဝ်းတင်းလၢႆ လႆႈၸူမ်းသိူဝ်းမူၼ်ႈပျေႃႇၼႂ်းၸဝ်ႈႁဝ်း ယူႇ၊ဢမ်ႇၸႂ်ႈတီႈၶႃႈႁိုဝ်။
၇ ထႃႇဝရႃႉၽြႃးတီႈၶႃႈၶႅၼ်းတေႃႈၼႄပျႃးၵရူႉၼႃႇၸဝ်ႈႁဝ်း ၵႃႈတီႈၶႃႈၸဝ်ႈႁဝ်းၶဝ်လႄႈ ႁဵတ်းၵျေးၸူး တၢင်းဢၼ်ၵႄႇသႄႇၶျွတ်ႈ ဢဝ်တီႈၶႃႈၸဝ်ႈႁဝ်းၶဝ်သေၵမ်းတီႈၶႃႈ။
၈ ၵဝ်တၵ်းထွမ်ႇငိၼ်း လွင်ႈဢၼ်ထႃႇဝရႃႉၽြႃးပဵၼ်ၸဝ်ႈတၵ်းမီးဢမိင်ႉၸိူဝ်ႉၼင်ႇႁိုဝ်ၼၼ်ႉလူးၵွၼ်ႇဢေႃႈ။လွင်ႈမၼ်းၸမ်း မၼ်းၸဝ်ႈတၵ်းမီးဢမိင်ႉ တၢင်းဢၼ်ၼိမ်သိမ်ႇတီႈၵူၼ်းမၼ်းၸဝ်ႈတင်းလၢႆ ဢိၵ်ႇတင်းတီႈၶဝ်ၸိူဝ်းဢၼ်မၼ်းၸဝ်ႈႁၵ်ႉပႅင်းၼၼ်ႉဢေႃႈ။ၼႂ်းဝႃႈၼၼ်သေၵေႃႈၵမ်းလိုၼ်း ယႃႇပေႁႂ်ႈၶဝ်ၶိုၼ်ႈၸူးၵႃႈတီႈလွင်ႈ တၢင်းဢၼ်မိူၵ်ႈၼၼ်ႉသေၵမ်းလူၺ်ႈ။
၉ ၵျေးၸူးတၢင်းဢၼ်မၼ်းၸဝ်ႈ ၵႄႇသႄႇၶျွတ်ႈဢဝ်ၼၼ်ႉႁွတ်ႈထိုင်ၵႃႈတီႈႁိမ်း ၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်းၸဝ်ႈလႄႈႁႂ်ႈမုၼ်ၽုင်းမၼ်းၸဝ်ႈ လႆႈၵိင်းဝၢပ်ႈယူႇၵႃႈၼႂ်း မိူင်းႁဝ်းဢမၢၼ်ႇၶၼ်ပဵၼ်ယဝ်ႉ။
၁၀ ၵရူႉၼႃႇဢိၵ်ႇတင်းသႅတ်ႈၸႃႇၸူမ်းၽွမ်ႉႁူပ်ႉထူပ်းၵၼ်ယဝ်ႉ။တၢင်းဢၼ်သိုဝ်ႈတေႃႇဢိၵ်ႇတင်းတၢင်းၼိမ် ပႃးၼိုင်ႈလႄႈပႃး ၼိုင်ႈၸုပ်ႇၵၼ်ၼူမ်ၵၼ်ယဝ်ႉ။
၁၁ သႅတ်ႈၸႃႇဢွၵ်ႇသေၵႃႈၼႂ်းလိၼ်မိူင်းမႃးလႄႈ တၢင်းဢၼ်သိုဝ်ႈတေႃႇ ယူႇၵႃႈၼိူဝ်ၵၢင်ႁၢဝ်ၵူမ်ႈတူၺ်းယူႇဢေႃႈ။
၁၂ ထႃႇဝရႃႉၽြႃးတၵ်းပၼ်ဢၼ်လီဢၼ်ငၢမ်းလႄႈ လိၼ်ႁဝ်း တၵ်းဢဝ်ၽၼ်ႇတႃႇမၼ်းဢွၵ်ႇပၼ်ဢေႃႈ။
၁၃ တၢင်းဢၼ်သိုဝ်ႈတေႃႇ တၵ်းဢွၼ်ႁူဝ်မၼ်းၸဝ်ႈၵႂႃႇလႄႈႁႂ်ႈႁွႆးတိၼ်မၼ်းၸဝ်ႈပဵၼ်တၢင်းဢၼ် လီၸွမ်းၵႂႃႇဢေႃႈ။