၈၇
၁ ငဝ်ႈႁၢၵ်ႈတိူၵ်ႈမၼ်းၸဝ်ႈၼၼ်ႉမီးယူႇၵႃႈၼိူဝ်လွႆ ဢၼ်မူတ်းၸၢင်ႇၼၼ်ႉဢေႃႈ။
၂ ထႃႇဝရႃႉၽြႃးယဵင်ႈၶႅၼ်းႁၵ်ႉၽၵ်းတူၸိဢုၼ်ႇ တင်းလၢႆ ၼႃႇသေတီႈယူႇတီႈသဝ်း ယႃႇၵုပ်ႉ တင်းသဵင်ႈတင်းလူင်ၼၼ်ႉ ဢေႃႈ။
၃ ဝဵင်းၽြႃးပဵၼ်ၸဝ်ႈဢိူၺ်း၊ မီးၵႂၢမ်းမုၼ်ၵႂၢမ်းသရေႇ ဢၼ်ယႂ်ႇၼႃႇလၢတ်ႈလွင်ႈၸဝ်ႈဝႆႉယူႇဢေႃႈ။ၸေႇလႃႇ။
၄ ၼႂ်းၶဝ်ၸိူဝ်းဢၼ် မိုတ်ႈၵိုဝ်းၵၼ်တင်းၵဝ်ၼၼ်ႉ ၵဝ်တၵ်းဢဝ်ဝဵင်းရႃႇၶပ်ႉ၊ တင်းဝဵင်းပႃႇပုလုၼ်ႇလၢတ်ႈဢေႃႈ။တူၺ်းမိူင်းၽိၸိတ်ႉတိ၊ မိူင်းတုရု၊ မိူင်းၵုသ၊ၸိူဝ်းၼၼ်ႉတႃႉ။ၵေႃႉၸိူဝ်ႉၼင်ႇၼႆၼၼ်ႉလႆႈၶၢမ်ႇတၢင်း ဢၼ်ၵိူတ်ႇလဵင်ႉမႃးၵႃႈၼႂ်းဝဵင်းၼၼ်ႉဢေႃႈ။
၅ လွင်ႈဝဵင်းၸိဢုၼ်ႇၵေႃႈလႆႈလၢတ်ႈလႄႈဝႃႈ၊- ၵေႃႉၸိူဝ်ႉၼင်ႇၼႆဢိၵ်ႇတင်း ၵေႃႉၸိူဝ်ႉၼင်ႇၼၼ်ၼၼ်ႉ လႆႈၶၢမ်ႇတၢင်းဢၼ်ၵိူတ်ႇလဵင်ႉမႃး ၵႃႈၼႂ်းမၼ်းလႄႈ ၽြႃးဢၼ်သုင်ၼႃႇသေပိူၼ်ႈၼၼ်ႉ တူဝ်မၼ်းၸဝ်ႈႁႂ်ႈမၼ်း မၼ်ႈၶိူင်ႇဝႆႉယဝ်ႉ၊ဝႃႈၼင်ႇၼႆဢေႃႈ။
၆ မိူဝ်ႈဢၼ်ထႃႇဝရႃႉၽြႃးၼပ်ႉဢဝ် ၸရၢင်းမဵဝ်းၵူၼ်းတင်းလၢႆၼၼ်ႉၸိုင်မၼ်းၸဝ်ႈတၵ်းလၢတ်ႈလႄႈဝႃႈ၊-ၵေႃႉၸိူဝ်ႉၼင်ႇၼႆၼၼ်ႉလႆႈၶၢမ်ႇတၢင်းဢၼ်ၵိူတ်ႇလဵင်ႉမႃး ၵႃႈတီႈၼၼ်ႉယဝ်ႉ၊ ဝႃႈၼင်ႇၼႆဢေႃႈ။ၸေႇလႃႇ။
၇ ၶဝ်ၸိူဝ်းဢၼ်ႁဵတ်းၵႂၢမ်း၊ ဢိၵ်ႇတင်းၶဝ်ၸိူဝ်းဢၼ်ၵႃႈဢၼ်ဝႅၼ်ၼၼ်ႉတၵ်းဢွၼ်ၵၼ်လၢတ်ႈလႄႈဝႃႈ၊-ၼမ်ႉဢွၵ်ႇႁူးၵဝ်ၵႃႈမီးၼၼ်ႉမီးယူႇၵႃႈၼႂ်းမႂ်းဢေႃႈ၊ ဝႃႈၼင်ႇၼႆဢေႃႈ။