၄၈
၁ ထႃႇဝရႃႉၽြႃးယႂ်ႇမျၢတ်ႈၼႃႇလႄႈ ထိူၵ်ႈၶၢမ်ႇတၢင်းဢၼ်ႁဵတ်းထေႃးပၼႃႇ ယွင်ႈယေႃးၼႃႇလူင်လၢင်ၵႃႈၼႂ်းဝဵင်းၽြႃးပဵၼ်ၸဝ်ႈႁဝ်း ၵႃႈၼိူဝ်လွႆမၼ်းၸဝ်ႈဢၼ်မူတ်းၸၢင်ႇၼၼ်ႉဢေႃႈ။
၂ တီႈဢၼ်ႁၢင်ႊလီႁၢင်ႊငၢမ်း ၼႂ်းတီႈဢၼ်သုင်မၼ်းတီႈဢၼ်လိၼ်မိူင်းတင်းသဵင်ႈတင်းမူတ်းသႂၢင်ႇသိူဝ်းၸမ်း ပဵၼ် လွႆၸိဢုၼ်ႇၵႃႈတီႈၽၢႆႇတၢင်းႁွင်ႇဢၼ်ဝႃႈ ဝဵင်းမႁႃႇၶုၼ်ႁေႃၶမ်း ၼၼ်ႉဢေႃႈ။
၃ ၽြႃးပဵၼ်ၸဝ်ႈႁႂ်ႈႁူႉလွင်ႈဢၼ်မၼ်းၸဝ်ႈပဵၼ်တီႈဢၼ်ဢိင်ဢၼ်ပိုင်ႈယူႇ ၵႃႈၼႂ်းႁေႃၼႂ်းဝဵင်း ၼၼ်ႉဢေႃႈ။
၄ ယေႃႈ။တူၺ်းလူႊ။ၶုၼ်ႁေႃၶမ်းတင်းလၢႆၸူႉၵၼ်တုမ်ၵၼ်သေလႄႈ ဢွၼ်ၵၼ်ပႃးလူၺ်ႈ ၵၼ်ၵႆၵႂႃႇဢေႃႈ။
၅ ၶဝ်ႁၼ်သေယဝ်ႉဢွၼ်ၵၼ်ဢၢမ်းၼႃႇလူင်လၢင်သေလႄႈတူၵ်းၸႂ်လႄႈ ပၢႆၵႂႃႇဢေႃႈ။
၆ တၢင်းဢၼ်သၼ်ႇဢၼ်သၢႆ တီႉယိပ်းၵမ်ဢဝ်ၶဝ်ၵႃႈတီႈၼၼ်ႉလႄႈ ၶဝ်မီးဝူၺ်ႇတၼႃႇမိူၼ်ၸိူဝ်ႉၼင်ႇၽူႈယိင်း ဢၼ်လႆႈၶၢမ်ႇတၢင်းဢၼ်ၵိူတ်ႇလဵင်ႉလုၵ်ႈၼၼ်ႉ ဢေႃႈ။
၇ ၸဝ်ႈႁဝ်းဢဝ်လူမ်းတၢင်းဢွၵ်ႇႁၵ်းႁိူဝ်းသၢင်း ၽေႃးတႃႇသူႇတင်းလၢႆပႅတ်ႈဢေႃႈ။
၈ ၵႃႈၼင်ႇဢၼ်ႁဝ်းယၢမ်ႈလႆႈငိၼ်းၼၼ်ႉ ႁဝ်းလႆႈထူပ်းႁၼ်ၵႃႈၼႂ်းဝဵင်ႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢၼ်ဝႃႈဝဵင်းၽြႃးပဵၼ်ၸဝ်ႈႁဝ်းၼၼ်ႉဢေႃႈ။ၽြႃးပဵၼ်ၸဝ်ႈတၵ်းႁႂ်ႈမၼ်းတႄႇယူႇတႃႇသေႇဢမ်ႇထၢတ်ႇဢေႃႈ။ၸေႇလႃႇ။
၉ ၽြႃးပဵၼ်ၸဝ်ႈတီႈၶႃႈ။ၶႃႈၸဝ်ႈႁဝ်းၶဝ်ၶုၵ်းၸႂ်လႆႈၶႆႈၸႂ်ထူပ်းၵရူႉၼႃႇၸဝ်ႈႁဝ်း ၵႃႈၼႂ်းပိၵ်ႉမၢၼ်ႇၸဝ်ႈႁဝ်းၼၼ်ႉတီႈၶႃႈဢေႃႈ။
၁၀ ၽြႃးပဵၼ်ၸဝ်ႈတီႈၶႃႈ၊ မိူၼ်ၸိူဝ်ႉၼင်ႇၼႃႇမႃႉ ၸိုဝ်ႈသဵင်ၸဝ်ႈႁဝ်းၼၼ်ႉလႄႈတၢင်းဢၼ်ဢိူၼ်ႉယွင်ႈၸဝ်ႈႁဝ်း ၸွတ်ႇတူဝ်ႈထိုင်ႁွတ်ႈတီႈသုတ်းလိၼ်မိူင်းၼၼ်ႉတီႈၶႃႈဢေႃႈ။မိုဝ်းၶွၼ်ၶႂႃၸဝ်ႈ ႁဝ်းတဵမ်ဝႆႉတင်းတြႃးသိုဝ်ႈတေႃႇတီႈၶႃႈဢေႃႈ။
၁၁ လွႆၸိဢုၼ်ႇ ၸူမ်းသိူဝ်းလႄႈလုၵ်ႈယိင်းမဵဝ်းယုတ တင်းလၢႆမူၼ်ႈပျေႃႇ ၵွပ်ပိူဝ်ႈလွင်ႈတၢင်းဢၼ်ၸဝ်ႈႁဝ်းၸီႇယၢင်ႇဝႆႉၸိူဝ်းၼၼ်ႉတီႈၶႃႈဢေႃႈ။
၁၂ ဢွၼ်ၵၼ်လဵပ်ႈႁွပ်ႈ ဝဵင်းၸိဢုၼ်ႇ သေလႄႈ ၼပ်ႉ ဢၢၼ်ႇၵၢပ်ႇၸႃႈမၼ်းတင်းလၢႆတႃႉ။
၁၃ ဢွၼ်ၵၼ်မၢတ်ႈတွင်းဝႆႉႁူဝ်မူႇမၼ်းတင်းလၢႆလႄႈ ၶႆႈၸႂ်ဝူၼ်ႉၸႂ်လူၺ်ႈလွင်ႈႁေႃမၼ်းတင်းလၢႆၸိူဝ်းၼၼ်ႉဝႆႉ ႁႂ်ႈလႆႈမွၵ်ႇလၢတ်ႈတီႈၸူဝ်ႈလုၵ်ႈပၢၼ်လၢၼ် သိုပ်ႇသိုပ်ႇတၢမ်ႈတၢမ်ႈ ၼၼ်ႉတႃႉ။
၁၄ လွင်ႈမၼ်းၸမ်းၽြႃးပဵၼ်ၸဝ်ႈၼၼ်ႉ ပဵၼ်ၽြႃးႁဝ်းယူႇတႃႇသေႇမၼ်ႈၶိူင်ႇလႄႈ မၼ်းၸဝ်ႈတၵ်းဢဝ်ႁဝ်းသူင်ႇတေႃႇထိုင်ႁွတ်ႈမိူဝ်ႈဢၼ်တၢႆၼၼ်ႉဢေႃႈ။