Chapter
၁
၁ ၵေႃႉဢၼ် ဢမ်ႇၸွမ်းဢမ်ႇၵႂႃႇ ၼႂ်းသဵၼ်ႈတၢင်းၶဝ်ၸိူဝ်းဢၼ်ဢမ်ႇတြႃးတိုၵ်းယူင်းၸူဝ်းဢဝ် ဢမ်ႇၸုၵ်းဢမ်ႇသဝ်းၼႂ်းသဵၼ်ႈတၢင်း ၶဝ်ၸိူဝ်းဢၼ်ႁၢႆႉဢၼ်မိူၵ်ႈ
၂ ဢမ်ႇယူႇၼႂ်းတီႈၼင်ႈ ၶဝ်ၸိူဝ်းဢၼ်ႁဵတ်းဢမ်ႇၼပ်ႉဢမ်ႇၶၢၼ်းၼၼ်ႉလႄႈ မူၼ်ႈပျေႃႇယူႇၼႂ်းတြႃးထႃႇဝရႃႉၽြႃးသေယဝ်ႉ ၶုၵ်းၸႂ်လႆႈၶႆႈၸႂ်ထူပ်းတြႃးၸဝ်ႈယူႇ ၵူႈဝၼ်းၵူႈၶိုၼ်းဢမ်ႇထၢတ်ႇၼၼ်ႉ မီးမင်ႇၵလႃႇဢေႃႈ။
၃ မၼ်းၼၼ်ႉမိူၼ်ၸိူဝ်ႉၼင်ႇတူၼ်ႈ ဢၼ်ၽုၵ်ႇသွမ်ႈၵႃႈႁိမ်းၼမ်ႉႁွင်ႊၼမ်ႉၵႄးၼၼ်ႉလႄႈ ၸၢင်ႊမၢၵ်ႇမၢၵ်ႇမၼ်း ၼႂ်းမိူဝ်ႈဢၼ်ၶိင်ႇမၼ်းထိုင်မႃးၼၼ်ႉလႄႈမႂ်ႊမၼ်းဢမ်ႇၸၢင်ႊႁဵဝ်ႇၸၢင်ႊၸွပ်ႈၼၼ်ႉဢေႃႈ။ၼႂ်းၵႃႈ ဢၼ်မၼ်းႁဵတ်းတင်းသဵင်ႈတင်းလူင်ၼၼ်ႉ မၼ်း တၵ်းလႆႈလီလႆႈပဵၼ်ဢေႃႈ။
၄ ၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်းဢမ်ႇပဵၼ်ၸိူဝ်ႉၼင်ႇၼၼ်။ပဵၼ်မိူၼ်ၼင်ႇၵႅပ်ႇဢၼ်လူမ်းထူဝ်းလႄႈ ပိဝ်သဵၼ်ၵႂႃႇၼၼ်ႉဢေႃႈ။ပိူဝ်ႈၼႆလႄႈ ၶဝ်ၸိူဝ်းဢၼ်ဢမ်ႇတြႃးၼၼ်ႉ တၵ်းဢမ်ႇလႆႈတႄႇလႆႈယူႇၼႂ်းၶိင်ႇမိူဝ်ႈဢၼ်တၵ်းၸီႇ ယၢင်ႇၼၼ်ႉ။
၅ ၶဝ်ၸိူဝ်းဢၼ်ႁၢႆႉဢၼ်မိူၵ်ႈၼၼ်ႉဢမ်ႇလႆႈၶဝ်ႈလႆႈပႃး ၼႂ်းမုၵ်ႉၼႂ်းၸိူဝ်းၶဝ်ၸိူဝ်းဢၼ်သိုဝ်ႈ တေႃႇၼၼ်ႉ။
၆ လွင်ႈမၼ်းၸမ်းထႃႇဝရႃႉၽြႃးႁူႉသဵၼ်ႈတၢင်းၶဝ်ၸိူဝ်းဢၼ်သိုဝ်ႈတေႃႇၼၼ်ႉလႄႈ သဵၼ်ႈတၢင်းၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း တၵ်းလႆႈႁွတ်ႈထိုင်တၢင်းလူႉတၢင်းသုမ်းဢေႃႈ။