၁၁၁
၁ ႁႃႇလေႇလုယႃႇ။ၵဝ်တၵ်းပႃးတင်းႁူဝ်ၸႂ်သဵင်ႈသဵင်ႈသေလႄႈ ယွင်ႈယေႃးၵျေးၸူးထႃႇဝရႃႉၽြႃးၵႃႈၼႂ်းၶဝ်ၸိူဝ်းဢၼ်သိုဝ်ႈဢၼ်ယူဝ်း ၸူႉၵၼ်တုမ်ၵၼ်ၼၼ်ႉ ဢိၵ်ႇတင်းၵႃႈၼႂ်းပရိၵ်ႈသၢတ်ႈတင်းလၢႆဢေႃႈ။
၂ လွင်ႈတၢင်းဢၼ်ထႃႇဝရႃႉၽြႃး ၸီႇယၢင်ႇႁဵတ်းဝႆႉၼၼ်ႉယႂ်ႇမျၢတ်ႈၼႃႇလႄႈ ၶဝ်ၸိူဝ်းဢၼ်မီးၸေႇတၼႃႇထုၵ်ႇၸႂ်ၵျိူၵ်ႈၸႂ်ၵႃႈမီးၼၼ်ႉ ၸၢင်ႊဢွၼ်ၵၼ်ၸႅတ်ႈထၢမ် ႁႃဢဝ်လွင်ႈတၢင်းၸိူဝ်းၼၼ်ႉဢေႃႈ။
၃ လွင်ႈတၢင်းဢၼ်မၼ်းၸဝ်ႈၸီႇယၢင်ႇႁဵတ်းဝႆႉၸိူဝ်းၼၼ်ႉ တဵမ်ဝႆႉတင်းမုၼ်သရေႇဢႃႇၼူႉၽေႃႇလႄႈ တြႃးတၢင်းသိုဝ်ႈ တေႃႇမၼ်းၸဝ်ႈတႄႇယူႇသေႇသေႇဢေႃႈ။
၄ မၼ်းၸဝ်ႈႁႂ်ႈလွင်ႈတၢင်းဢၼ်လီဢၢမ်းမၼ်းၸဝ်ႈ ၸိူဝ်းၼၼ်ႉပဵၼ်ပုၼ်ႈဢၼ်တၵ်းၶုၵ်းၸႂ်လႆႈၶႆႈၸႂ်ထူပ်းလႄႈ ထႃႇဝရႃႉၽြႃးတဵမ်ဝႆႉတင်း ၸႂ်ဢၼ်ၸၢင်ႊႁဵတ်းၵျေးၸူး ဢိၵ်ႇတင်း ၸႂ်ဢၼ် ၸၢင်ႊဢိတ်းလူႁၵ်ႉပႅင်းၼၼ်ႉဢေႃႈ။
၅ မၼ်းၸဝ်ႈလဵင်ႉလူၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်းၸဝ်ႈၼၼ်ႉလႄႈ မၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းပတိၺိၺ်ႇတြႃးမၼ်းၸဝ်ႈယူႇ တႃႇသေႇဢေႃႈ။
၆ မၼ်းၸဝ်ႈၼႄပျႃးတၼ်းၶူဝ်းဢၼ်မီးၼႂ်း လွင်ႈတၢင်းဢၼ်မၼ်းၸဝ်ႈႁဵတ်းၸိူဝ်းၼၼ်ႉ တီႈၵူၼ်းမၼ်းၸဝ်ႈတင်းလၢႆ ႁႂ်ႈလႆႈဢဝ်ဢမူၺ်ႇ ၵူၼ်းတၢင်ႇၸိူဝ်ႉတၢင်ႇ ၶိူဝ်းပၼ်တီႈၶဝ်ႈဢေႃႈ။
၇ လွင်ႈတၢင်းဢၼ်မၼ်းၸဝ်ႈဢဝ်မိုဝ်းမၼ်းၸဝ်ႈႁဵတ်းၸိူဝ်းၼၼ်ႉ ၸၢပ်ႈသႅင်ႇၵၼ်တင်းသႅတ်ႈၸႃႇ ဢိၵ်ႇတင်းတၢင်းဢၼ်ၸီႇယၢင်ႇၸွမ်းၼင်ႇတြႃးလႄႈ ပိင်းၺၢပ်ႈမၼ်းၸဝ်ႈတင်းသဵင်ႈ တင်းလူင်ပဵၼ်ဢၼ်မၼ်ႈဢၼ်ၶိူင်ႇဢေႃႈ။
၈ တႄႇယူႇတႃႇသေႇဢမ်ႇထၢတ်ႇလႄႈ ဢိင်တၢင်းဢၼ်ပႂ်ႉသႅတ်ႈၸႃႇ ဢိၵ်ႇတင်း တၢင်းဢၼ်သိုဝ်ႈယူဝ်းၼၼ်ႉသေ လႄႈႁဵတ်းဢေႃႈ။
၉ မၼ်းၸဝ်ႈပွႆႇၸႂ်ႉတၢင်းဢၼ်ၵႄႇသႄႇၼုၵ်ႈဢဝ်ၼၼ်ႉ တီႈၵူၼ်းမၼ်းၸဝ်ႈတင်းလၢႆလႄႈ မၼ်းၸဝ်ႈဝႆႉပတိၺိၺ်ႇတြႃးမၼ်းၸဝ်ႈယူႇသေႇသေႇဢေႃႈ။ၼႃႇမႃႉၸိုဝ်ႈသဵင်မၼ်းၸဝ်ႈမူတ်းၸၢင်ႇလႄႈ ပဵၼ်တီႈဢၼ် တၵ်းလႆႈရူဝ်ႇသေႇၵူဝ်ယမ် ဢေႃႈ။
၁၀ တၢင်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးၼၼ်ႉပဵၼ်ၵေႃႇၸႃႉႁူဝ်ပိုင်းပိင်ႇၺႃႇလႄႈ ၵေႃႉဢၼ်ပႂ်ႉၸွမ်းပိင်းၺၢပ်ႈၸဝ်ႈၸိူဝ်းၼၼ်ႉ မီးၺၢၼ်ႇဢၼ်လီဢေႃႈ။မုၼ်ၽုင်းသရေႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇဢေႃႈ။