၈၂
၁ ၽြႃးပဵၼ်ၸဝ်ႈ၊ ၸုၵ်းယူႇၵႃႈၼႂ်းပရိၵ်ႈသၢတ်ႈလႄႈမၼ်းၸဝ်ႈၸီႇယၢင်ႇယူႇ ၵႃႈၼႂ်းၵၢင်ၽြႃးတင်းလၢႆ ဢေႃႈ။
၂ သူတၵ်းထွၵ်ႈလူၺ်ႈၼႃႈၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈ ၸီႇယၢင်ႇတၢင်းဢၼ်ဢမ်ႇတြႃးယူႇၶိင်ႇၵႃႇလႃႉႁိုင်ၵႃႈႁိုဝ်။ၸေႇလႃႇ။
၃ ၸီႇယၢင်ႇတြႃးယူႇ ၽၢႆႇၶဝ်ၸိူဝ်းဢၼ်ၽၢၼ်ဢၼ်ၵႅၼ်း ဢိၵ်ႇတင်းၶဝ်ၸိူဝ်းဢၼ်ဢမ်ႇမီးပေႃႈမီးမေႈၼၼ်ႉတႃႉ။ႁဵတ်းတၢင်းဢၼ်ၸွမ်းတြႃးယူႇၽၢႆႇၶဝ်ၸိူဝ်းဢၼ်ယၢၵ်ႈဢၼ်ၽၢၼ်၊ ဢိၵ်ႇတင်းၶဝ်ၸိူဝ်း ဢၼ်ဢိုပ်းဢၼ်ယၢၵ်ႈၼၼ်ႉတႃႉ။
၄ ၵႄႇသႄႇၶဝ်ၸိူဝ်းဢၼ်ယၢၵ်ႈဢၼ်ၽၢၼ် ဢိၵ်ႇတင်းၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉလွတ်ႈလႄႈ ၵႄႇသႄႇၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိုဝ်း ၶဝ်ၸိူဝ်းဢၼ်ဢမ်ႇတြႃး ၼၼ်ႉတႃႉ။
၅ ၶဝ်ဢမ်ႇႁူႉ။ၶဝ်ဢမ်ႇၸႅင်ႈ။ၶဝ်ၵႂႃႇၵႂႃႇမႃးမႃးယူႇၵႃႈၼႂ်းလပ်းသိင်ႇဢေႃႈ။ငဝ်ႈႁၢၵ်ႈတိူၵ်ႈလိၼ်မိူင်းတင်းသဵင်ႈတင်းလူင် မီးတၢင်းဢၼ်တူင်ႉၼိုင်ယူႇ ဢေႃႈ။
၆ ၵဝ်လၢတ်ႈလႄႈဝႃႈ၊- သူပဵၼ်ၽြႃးဢေႃႈ။သူၵႃႈမီးတင်းသဵင်ႈတင်းလူင် ပဵၼ်လုၵ်ႈၽြႃးဢၼ် သုင်ၼႃႇသေပိူၼ်ႈၼၼ်ႉယဝ်ႉ။
၇ ၵူၺ်းၵႃႈသူတၵ်းလႆႈတၢႆမိူၼ်ၸိူဝ်ႉၼင်ႇၵူၼ်းလႄႈ ႁွတ်ႈထိုင်တၢင်းဢၼ်သုမ်းဢၼ်ၸွမ်း မိူၼ်ၸိူဝ်ႉၼင်ႇၶုၼ်သေၵေႃႉသပေႃးၼၼ်ႉ ဢေႃႈ။
၈ ၽြႃးပဵၼ်ၸဝ်ႈတီႈၶႃႈ၊ၶႅၼ်းတေႃႈလုၵ်ႉလႄႈၸီႇယၢင်ႇတြႃးတီႈလိၼ်မိူင်းသေၵမ်းတီႈၶႃႈ။လွင်ႈမၼ်းၸမ်း ၸဝ်ႈႁဝ်းလႆႈၶၢမ်ႇဢမူၺ်ႇၵူၼ်းတၢင်ႇၸိူဝ်ႉတၢင်ႇၶိူဝ်းတင်းသဵင်ႈတင်းလူင်တီႈၶႃႈယဝ်ႉ။