၁၃၈
၁ ၶႃႈၸဝ်ႈ တၵ်းပႃးတင်းႁူဝ်ၸႂ်သဵင်ႈသဵင်ႈလႄႈ ယွင်ႈယေႃးၸဝ်ႈႁဝ်းတီႈၶႃႈဢေႃႈ။ၶႃႈၸဝ်ႈတၵ်းႁဵတ်းၵႂၢမ်းထေႃးပၼႃႇတီႈၸဝ်ႈႁဝ်း ၵႃႈတီႈၽၢႆႇၼႃႈၽြႃး တင်းလၢႆတီႈၶႃႈဢေႃႈ။
၂ ၶႃႈၸဝ်ႈတၵ်းၶုပ်ႉမူပ်ႇၵူဝ်းၵႂၢႆႇၸူးၵႃႈတီႈပိၵ်ႉမၢၼ်ႇၸဝ်ႈႁဝ်း ဢၼ်မူတ်းၸၢင်ႇၼၼ်ႉလႄႈယွင်ႈယေႃးၼႃႇမႃႉၸိုဝ်သဵင်ၸဝ်ႈႁဝ်း ၵွပ်ႈပိူဝ်ႈၵရူႉၼႃႇဢိၵ်ႇတင်း သႅတ်ႈၸႃႇၸဝ်ႈႁဝ်းၼၼ်ႉတီႈၶႃႈဢေႃႈ။လွင်ႈမၼ်းၸမ်းၸဝ်ႈႁဝ်း ယဵင်ႈၶႅၼ်းယုၵ်ႉယွင်ႈၵတိၸဝ်ႈႁဝ်းလိူဝ်တွၼ်းၼႃႇသေ ၼႃႇမႃႉၸိုဝ်ႈသဵင် ၸဝ်ႈႁဝ်းတီႈၶႃႈယဝ်ႉ။
၃ ၼႂ်းမိူဝ်ႉဝၼ်းဢၼ်ၶႃႈၸဝ်ႈႁွင်ႉသႅၼ်ႇႁွင်ႉႁႃၼၼ်ႉ ၸဝ်ႈႁဝ်းၶိုၼ်းဢိူဝ်ႈၶႃႈၸဝ်ႈလႄႈဢဝ်တင်းႁႅင်းတၼ်းၶူဝ်းၸဝ်ႈႁဝ်းႁႂ်ႈၶႃႈၸဝ်ႈမီးတၢင်းဢၼ်ႁတ်းႁၢၼ်ယူႇၵႃႈၼႂ်းၸႂ်ဝိၺိၺ်ႇၶႃႈ ၸဝ်ႈတီႈၶႃႈဢေႃႈ။
၄ ထႃႇဝရႃႉၽြႃးတီႈၶႃႈ၊ၶုၼ်ႁေႃၶမ်းလေႃးၵီႇ တင်းသဵင်ႈတင်းလူင်ၼၼ်ႉ ဢွၼ်ၵၼ်ယွင်ႈယေႃးမုၼ်ၸဝ်ႈႁဝ်း ၵွပ်ႈပိူဝ်ႈဢၼ်ၶဝ်လႆႈငိၼ်းၵႂၢမ်း ဢၼ်ဢွၵ်ႇသူပ်းၸဝ်ႈႁဝ်းၸိူဝ်းၼၼ်ႉ တီႈၶႃႈ ဢေႃႈ။
၅ ၶဝ်တၵ်းဢွၼ်ၵၼ်ၸွမ်းၵႃႈၼႂ်းသဵၼ်ႈတၢင်းထႃႇဝရႃႉၽြႃးၸိူဝ်းၼၼ်ႉလႄႈႁဵတ်းၵႂၢမ်းတီႈၶႃႈဢေႃႈ။လွင်ႈမၼ်းၸမ်းမုၼ်ၽုင်းထႃႇဝရႃႉၽြႃးယႂ်ႇ ၼႃႇတီႈၶႃႈဢေႃႈ။
၆ ထႃႇဝရႃႉၽြႃးၼၼ်ႉပဵၵ်ႉသမ်ႉပဵၼ်ဢၼ်သုင်မျၢတ်ႈၼႃႇသေၵေႃႈ လူႈတူၺ်းၶဝ်ၸိူဝ်းဢၼ်ႁူဝ်ၸႂ်ၶျႃးတႅမ်ႇၼၼ်ႉယူႇဢေႃႈ။ၶဝ်ၸိူဝ်းဢၼ်ၸႂ်သုင်ၼၼ်ႉၸမ်း မၼ်းၸဝ်ႈယူႇတီႈဢၼ်ၵႆၵေႃႈႁူႉယူႇဢေႃႈ။
၇ ပဵၵ်ႉသမ်ႉၶႃႈၸဝ်ႈၵႂႃႇမႃးယူႇၵႃႈၼႂ်းၵၢင်တုၵ်ႉၶႃႉတၢင်းၽၢၼ်ၼမ်ၼႃႇသေၵေႃႈ ၸဝ်ႈႁဝ်းတၵ်းႁႂ်ႈၶႃႈၸဝ်ႈဢသၢၵ်ႈလိပ်းယူႇတီႈၶႃႈဢေႃႈ။ၸဝ်ႈႁဝ်းယဵတ်ႇယိုၼ်းမိုဝ်းၸဝ်ႈႁဝ်း ယူႇၽၢႆႇၼိုင်ႈတင်းတေႃးသႃႉတင်းၸႂ်မႆႈရၢၼ်ႇသူႇၶႃႈၸဝ်ႈ ၸိူဝ်းၼၼ်ႉလႄႈ ဢဝ်တင်းမိုဝ်းၶွၼ်ၶႂႃၸဝ်ႈႁဝ်း ၵႄႇသႄႇၶျွတ်ႈ ဢဝ်ၶႃႈၸဝ်ႈတီႈၶႃႈဢေႃႈ။
၈ ထႃႇဝရႃႉၽြႃး တၵ်းႁႂ်ႈလွင်ႈတၢင်းဢၼ် ၸၢပ်ႈသႅင်ႇၵၼ်တင်းၵဝ်ယဝ်ႉတူဝ်ဢေႃႈ။ထႃႇဝရႃႉၽြႃးတီႈၶႃႈ၊ၵရူႉၼႃႇၸဝ်ႈႁဝ်းတႄႇယူႇတႃႇသေႇဢမ်ႇထၢတ်ႇလႄႈ ၶႅၼ်းတေႃႈယႃႇပေၸုၼ်ႉပႅတ်ႈလွင်ႈတၢင်းဢၼ်ၸဝ်ႈႁဝ်း ဢဝ်မိုဝ်းၸဝ်ႈႁဝ်းပွင်ႁဵတ်းၼၼ်ႉသေၵမ်းတီႈၶႃႈ။