၁၀၈
၁ ၽြႃးပဵၼ်ၸဝ်ႈတီႈၶႃႈ၊ ႁူဝ်ၸႂ်ၶႃႈၸဝ်ႈတႄႇမၼ်ႈယူႇတီႈၶႃႈဢေႃႈ။ၶႃႈၸဝ်ႈတၵ်းႁဵတ်းၵႂၢမ်းလႄႈပႃးဢဝ်တင်းႁူဝ်ၸႂ်ၶႃႈၸဝ်ႈသေယဝ်ႉ ဢဝ်တူႇရီ့ယႃႇႁဵတ်းၵႂမ်း ထေႃးပၼႃႇတီႈၶႃႈဢေႃႈ။
၂ တရေႃးဢိၵ်ႇတင်းတိင်ႇၶဝ်ဢိူၺ်း၊တိုၼ်ႇမႃးတႃႉ။ၵဝ်ၵေႃႈတၵ်းတိုၼ်ႇမႃး ၸဝ်ႉၸဝ်ႉၸဵဝ်းၸဵဝ်းဢေႃႈ။
၃ ထႃႇဝရႃႉၽြႃးတီႈၶႃႈ၊ ၶႃႈၸဝ်ႈ တၵ်းယွင်ႈယေႃးၸဝ်ႈႁဝ်း ၵႃႈၼႂ်းၵၢင်ပရိၵ်ႈသၢတ်ႈတီႈၶႃႈဢေႃႈ။ၶႃႈၸဝ်ႈတၵ်းႁဵတ်းၵႂၢမ်းထေႃးပၼႃႇတီႈၸဝ်ႈႁဝ်း ၵႃႈၼႂ်းမဵဝ်းၵူၼ်းတင်းလၢႆတီႈၶႃႈ ဢေႃႈ။
၄ လွင်ႈမၼ်းၸမ်းၵရူႉၼႃႇၸဝ်ႈႁဝ်းၶိုတ်းထိုင်ၵၢင်ႁၢဝ်လႄႈသႅတ်ႈၸႃႇၸဝ်ႈႁဝ်းၶိုတ်းထိုင်ၽႃႉ ၽူၼ်တီႈၶႃႈဢေႃႈ။
၅ ၽြႃးပဵၼ်ၸဝ်ႈတီႈၶႃႈ၊ႁႂ်ႈၸဝ်ႈႁဝ်း မီးတၢင်းဢၼ်သုင်ၼႃႇသေၵၢင်ႁၢဝ်သုင်ၼၼ်ႉသေၵမ်းလူၺ်ႈတီႈၶႃႈ။ႁႂ်ႈမုၼ်ၽုင်းၸဝ်ႈႁဝ်းမီးယူႇၵႃႈၼိူဝ်လိၼ်မိူင်းတင်းသဵင်ႈတင်းမူတ်း သေၵမ်းလူၺ်ႈ တီႈၶႃႈ။
၆ လွင်ႈၼင်ႇႁိုဝ်ၶဝ်ၸိူဝ်းဢၼ်ၸဝ်ႈႁဝ်းႁၵ်ႉပႅင်းၼၼ်ႉတၵ်းလႆႈၵတ်းယဵၼ်ၶျၢမ်းသႃႇၸိုင် ၶႅၼ်းတေႃႈဢဝ်တင်းမိုဝ်းၶွၼ်ၶႂႃၸဝ်ႈႁဝ်း ၵႄႇသႄႇၶျွတ်ႈဢဝ်လႄႈဢိူဝ်ႈၶႃႈၸဝ်ႈႁဝ်းၶဝ်သေၵမ်းတီႈၶႃႈ။
၇ ၵွပ်ႈပိူဝ်ႈဢၼ်ၽြႃးပဵၼ်ၸဝ်ႈဢိင်ပိုင်ႈပႃႇရမီႇတၢင်းဢၼ်မူတ်းၸၢင်ႇမၼ်းၸဝ်ႈသေလႄႈ ဝႆႉပျႃႇတိၵ်ႈၼၼ်ႉၵဝ်တၵ်းသႂၢင်ႇသိူဝ်းဢေႃႈ။ၵဝ်တၵ်းၸၵ်းၽႄဝဵင်းသေႇၶိမ်ႇဢေႃႈ။ၵဝ်တၵ်းတႅၵ်ႈၶိုပ်ႈတူၺ်းပၢင်ႁူၺ်ႈသူႉၵုတ်ႉ ဢေႃႈ။ၵဝ်လႆႈပိူင်ႇမိူင်းၵိလၢတ်ႉဢေႃႈ။
၈ မိူင်းမၼႃႇသေႇၵေႃႈၵဝ်လႆႈပိူင်ႇဢေႃႈ။မိူင်းဢေႇၽရိမ်ႇၸမ်းလႆႈပဵၼ်ႁႅင်းတၼ်းၶူဝ်းၵဝ်ဢေႃႈ။မိူင်းယုတၸမ်းလႆႈပဵၼ်ၵၼ်း ႁွၵ်ႇရႃႇၸႃႉၵဝ်ဢေႃႈ။
၉ မိူင်းမေႃႇၽၸမ်းလႆႈပဵၼ်မေႃႈဢၢပ်ႇၼမ်ႉၵဝ်ဢေႃႈ။ၵဝ်တၵ်းဢဝ်ၶႅပ်းတိၼ်ၵဝ်ထိမ်ႈပၼ်ဝႆႉတီႈမိူင်းဢေႇတုင်ႇဢေႃႈ။ၵဝ်တၵ်းႁွင်ႉသႅၼ်ႇသဵင် ပႄႉသဵင်ၼႅင်ႇၵႃႈၼိူဝ်မိူင်းၽိလိတ်ႉတိ ဢေႃႈ။
၁၀ ၽူႈ လႂ်တၵ်းဢဝ်ၵဝ်သူင်ႇႁွတ်ႈထိုင် ၵႃႈၼႂ်းဝဵင်းဢၼ်ႁႅင်းယႂ်ႇၼႃႇၼၼ်ႉ။ၽူႈ လႂ်တၵ်းၸွမ်းၼႄပၼ်တီႈၵဝ်သဵၼ်ႈတၢင်းဢၼ်ၵႂႃႇၵႃႈတီႈမိူင်းဢေႇတုင်ႇၼၼ်ႉ။
၁၁ ၽြႃးပဵၼ် ၸဝ်ႈတီႈၶႃႈ၊ ၸဝ်ႈႁဝ်းလႆႈၸုုၼ်ႉပႅတ်ႈၶႃႈၸဝ်ႈႁဝ်းၶဝ်ယဝ်ႉဢမ်ႇၸႂ်ႈတီႈၶႃႈႁိုဝ်။ၽြႃးပဵၼ်ၸဝ်ႈတီႈၶႃႈ၊ၸဝ်ႈႁဝ်း ဢမ်ႇၸွမ်းဢမ်ႇၵႂႃႇလူၺ်ႈၵၼ်တင်းပူဝ်ႇပႃႇ ၶႃႈၸဝ်ႈႁဝ်းၶဝ်တီႈၶႃႈယဝ်ႉ။
၁၂ ၶႅၼ်းတေႃႈၸွႆႈထႅမ်ၶႃႈၸဝ်ႈႁဝ်းၶဝ်လႄႈ ယူႇၽၢႆႇၼိုင်ႈတင်းရၢၼ်ႇသူႇသေၵမ်းတီႈၶႃႈ။တၢင်းဢၼ်ၵူၼ်းၵႄႇသႄႇၶျွတ်ႈဢဝ်ၼၼ်ႉ ပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်တီႈ ၶႃႈဢေႃႈ။ၵွပ်ႈပိူဝ်ႈၽြႃးပဵၼ်ၸဝ်ႈလႄႈႁဝ်းပႄႉၼႅင်ႇဢေႃႈ။
၁၃ မၼ်းၸဝ်ႈတၵ်းယဵပ်ႇၶၢမ်ႈရၢၼ်ႇသူႇႁဝ်းတင်းလၢႆၼၼ်ႉဢေႃႈ။