၆၅
၁ ၽြႃးပဵၼ်ၸဝ်ႈတီႈၶႃႈ၊ တၢင်းဢၼ်ယွင်ႈယေႃးၼၼ်ႉ မီးဝႆႉၵႃႈၼႂ်း ဝဵင်းၸိဢုၼ်ႇ တီႈၶႃႈဢေႃႈ။
၂ ၸဝ်ႈဢၼ်ထွမ်ႇဢဝ်ၵႂၢမ်းပထၼႃႇတီႈၶႃႈ၊ ၵူၼ်းတင်းသဵင်ႈတင်းလူင်ဢွၼ်ၵၼ်မႃးၸူး ၵႃႈတီႈၸဝ်ႈႁဝ်းတီႈၶႃႈဢေႃႈ။
၃ တၢင်းဢၼ်ဢမ်ႇတြႃးၸိူဝ်းၼၼ်ႉ ႁဵတ်းပႄႉႁဵတ်းၼႅင်ႇၶႃႈၸဝ်ႈယူႇတီႈၶႃႈဢေႃႈ။ၵူၺ်းၵႃႈၸဝ်ႈႁဝ်းႁူမ်ႇဢပျႅတ်ႈ တၢင်းဢၼ်ၶႃႈၸဝ်ႈၽိတ်းပိူင်ႈၸိူဝ်းၼၼ်ႉဝႆႉ တီႈၶႃႈဢေႃႈ။
၄ ၵေႃႉဢၼ်ၸဝ်ႈႁဝ်းလိူၵ်ႈၵဵပ်းဢဝ်လႄႈႁႂ်ႈၶဝ်ႈၸူးၵႃႈတီႈၸဝ်ႈႁဝ်း ႁႂ်ႈလႆႈယူႇၵႃႈၼႂ်းတမ်ႇတိူင်းၸဝ်ႈႁဝ်းၼၼ်ႉမီးမင်ႇၵလႃႇတီႈၶႃႈဢေႃႈ။ၶႃႈၸဝ်ႈႁဝ်းၶဝ်တၵ်းလိူင်ႇၸႂ်ဢိမ်ႇၸႂ် လူၺ်ႈလွင်ႈတၢင်းဢၼ်လီဢၼ်ငၢမ်း ၵႃႈၼႂ်းႁိူၼ်းၸဝ်ႈႁဝ်းဢၼ်ဝႃႈထႃႇၼႃႉတီႈမူတ်းၸၢင်ႇ ပိၵ်ႉမၢၼ်ႇမၼ်းၸဝ်ႈၼၼ်ႉ တီႈၶႃႈဢေႃႈ။
၅ ၽြႃးဢၼ်ၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်တီႈၶႃႈ၊ ၸဝ်ႈႁဝ်းဢဝ်လွင်ႈတၢင်းဢၼ်လီၵူဝ်လီႁႄတင်းလၢႆ ၶိုၼ်းဢိူဝ်ႈၶႃႈၸဝ်ႈႁဝ်းၶဝ်မႅၼ်ႈၸွမ်းၼင်ႇတြႃးတီႈၶႃႈဢေႃႈ။ၸဝ်ႈႁဝ်းပဵၼ်တီႈဢၼ်ၶဝ်ၸိူဝ်းဢၼ်ယူႇ ၵႃႈတီႈလႅၼ်သုတ်းလိၼ်မိူင်းၵႃႈမီးဢိၵ်ႇတင်း ၶဝ်ၸိူဝ်းဢၼ်ၵႆၼႃႇ ၵႃႈၼိူဝ်ပၢင်ႇလၢႆႇ ၸိူဝ်းၼၼ်ႉဢိင်ပိုင်ႈတီႈၶႃႈဢေႃႈ။
၆ ၸဝ်ႈႁဝ်းမီးတၢင်းဢၼ်ဢဝ်တင်း တၼ်းၶူဝ်းႁတ်ႉဢႅဝ်ၼၼ်ႉသေလႄႈဢဝ်တင်းႁႅင်းဢၼ်ယႂ်ႇၼႃႇႁႂ်ႈလွႆတင်းလၢႆ တႄႇယူႇ တီႈၶႃႈဢေႃႈ။
၇ သဵင်ၼမ်ႉသမ်ႇမုၵ်ႉတြႃႇႁွင်ႉ၊ သဵင်လႅင်းၼမ်ႉပိူပ်ႇၼမ်ႉတင်းလၢႆႁွင်ႉ၊ သဵင်ၵူၼ်းတင်းလၢႆဢူၼ်ဢဵၼ်မေႃးမႄးၸိူဝ်းၼၼ်ႉၵေႃႈ ၸဝ်ႈႁဝ်းႁႂ်ႈထၢတ်ႇၵႂႃႇ ၼိမ်ၵႂႃႇတီႈၶႃႈဢေႃႈ။
၈ ၶဝ်ၸိူဝ်းဢၼ်ယူႇၵႃႈတီႈဢၼ်ၵႆၼႃႇသေပိူၼ်ႈၼၼ်ႉ ႁၼ်ၼီႉမိၵ်ႈလၵ်ႈၶၼႃႇၸဝ်ႈႁဝ်းတင်းလၢႆသေလႄႈ ဢွၼ်ၵၼ်ရူဝ်ႇသေႇၵူဝ်ယမ်တီႈၶႃႈဢေႃႈ။ၸဝ်ႈႁဝ်းႁႂ်ႈတီႈဢၼ်ဢွၵ်ႇဢၼ်တူၵ်းၶိင်ႇၵၢင်ၼႂ်ဢိၵ်ႇတင်း ၶိင်ႇၵၢင်ၶမ်ႈၸိူဝ်းၼၼ်ႉ ၸူမ်းသိူဝ်းတီႈၶႃႈဢေႃႈ။
၉ ၸဝ်ႈႁဝ်းမႃးလူမႃးတူၺ်းလိၼ်မိူင်းလႄႈ ႁႂ်ႈၽူၼ်တူၵ်းယမ်းမၼ်းသေလႄႈႁႂ်ႈၶွၼ်ႇၼမ်ႉမၼ်းလိၼ်မၼ်းလီၼႃႇလူင်လၢင်တီႈၶႃႈဢေႃႈ။ၼမ်ႉႁွင်ႊၽြႃးပဵၼ်ၸဝ်ႈတဵမ်ဝႆႉတင်းၼမ်ႉလႄႈ ၸဝ်ႈႁဝ်းပွင်ႁဵတ်းပွင်မႄးမဵတ်ႉၶဝ်ႈမၢၵ်ႇၼမ်ႉပုၼ်ႈၵူၼ်းတင်းလၢႆတီႈၶႃႈ ဢေႃႈ။
၁၀ ၸဝ်ႈႁဝ်းႁႂ်ႈႁွႆးထိူၼ်ႇႁွႆးထႆမၼ်းပဵၵ်ႇလီယမ်းလီလႄႈ ႁႂ်ႈတီႈဢၼ်ၸွၼ်ဢၼ်မႅၼ်းမၼ်း တင်းလၢႆယၢႆႈတူၵ်းတီႈၶႃႈဢေႃႈ။ၸဝ်ႈႁဝ်းဢဝ်ၽူၼ်တူၵ်းသႂ်ႇႁႂ်ႈမၼ်းပိူဝ်ႉလီသေလႄႈ ပၼ်တၢင်းလီတီႈတူၼ်ႈဢၼ် ဢွၵ်ႇမႃးၸိူဝ်းၼၼ်ႉတီႈၶႃႈဢေႃႈ။
၁၁ ၸဝ်ႈႁဝ်းဢဝ်တင်းၵျေးၸူးၸဝ်ႈႁဝ်း ႁေႃႇၶႅၼ်းၶူပ်ႇၼီႈပီႊမိူင်းတင်းလၢႆဝႆႉလႄႈႁွႆးတိၼ်ၸဝ်ႈႁဝ်းၼၼ်ႉ ၸၢင်ႊယွတ်ႇႁူဝ်ႈၵွၼ်ႈၶႆ ၵွၼ်ႈမၼ်းတီႈၶႃႈဢေႃႈ။
၁၂ ယွတ်ႇႁူဝ်ႈသႂ်ႇၵႃႈတီႈထိူၼ်ႇဢၼ်သႃႇယႃႇၼၼ်ႉလႄႈ လွႆတင်းလၢႆၵေႃႈလႆႈမီးတၢင်းဢၼ်ဢဝ်တင်းပီႇတိႁတ်ႉဢႅဝ်ဝႆႉယူႇတီႈၶႃႈ ဢေႃႈ။
၁၃ တီႈတူင်ႈတၢင်းဢၼ်ယၢမ်ႈၵိၼ်ယူႇၸိူဝ်းၼၼ်ႉႁၢင်ႈၶိူင်ႈဝႆႉတင်းၽုင်သူဝ်းၽုင်ပေႉသေလႄႈ ပၢင်ႇတူင်ႈၼႃးတင်းလၢႆၵေႃႈ မီးတၢင်းဢၼ်တူၼ်ႈၶဝ်ႈႁူမ်ႇသုမ်ႇဝႆႉလႄႈ မီးတၢင်းဢၼ်ဢဝ်တင်းသဵင်ဢၼ်ဢိုၼ်းယွင်ႈၵတ်းလီယဵၼ်လီၼၼ်ႉသေလႄႈ ႁဵတ်းၵႂၢမ်းယူႇတီႈၶႃႈဢေႃႈ။