၂၁
၁ ထႃႇဝရႃႉၽြႃးတီႈၶႃႈ၊ ၶုၼ်လူင်ၸူမ်းပျေႃႇၼႂ်းတၢင်းၵတ်ႉတၢင်းၶၼ်ၸဝ်ႈႁဝ်းၼၼ်ႉလႄႈ သႂၢင်ႇသိူဝ်းၼႂ်းတၢင်းဢၼ် ၸဝ်ႈႁဝ်းၵႄႇသႄႇၶျွတ်ႈဢဝ်ၼၼ်ႉၼႃႇ လူင်လၢင်တီႈၶႃႈဢေႃႈ။
၂ ၸဝ်ႈႁဝ်းဢိတ်းလူပၼ်ၵႃႈဢၼ်ဢလူဝ်ႇၸႂ်မၼ်းမီးၼၼ်ႉလႄႈ ၸဝ်ႈႁဝ်းဢမ်ႇထဵင်ပႅတ်ႈ တၢင်းဢၼ်မၼ်းဢဝ်သူပ်းမၼ်းသူးတွင်း ၼၼ်ႉတီႈၶႃႈ။
၃ ၸဝ်ႈႁဝ်းဢဝ်မင်ႇၵလႃႇဢၼ်လီဢၼ်မျၢတ်ႈၸိူဝ်းၼၼ်ႉႁဵတ်းငဝ်ႈႁဵတ်းႁူဝ်ပၼ်လႄႈ ၸဝ်ႈႁဝ်းဢဝ်သရၽူႇၶမ်းလွတ်ႈငၢၼ်ႇ တိုဝ်းသႂ်ႇပၼ်ၵႃႈ ၼိူဝ်ႁူဝ်မၼ်းတီႈၶႃႈဢေႃႈ။
၄ မၼ်းသူးတွင်းယွၼ်းဢဝ်ဢသၢၵ်ႈလႄႈ ၸဝ်ႈႁဝ်းဢိတ်းလူပၼ်ဢသၢၵ်ႈဢၼ်ဝႃႈမိူဝ်ႈဝၼ်းဢၼ်ယိုၼ်းဢၼ်ယၢဝ်း သိုပ်ႇသိုပ်ႇတၢမ်ႈတၢမ်ႈတႃႇသေႇဢမ်ႇထၢတ်ႇၼၼ်ႉ တီႈၶႃႈဢေႃႈ။
၅ မၼ်းၼၼ်ႉမုၼ်ယႂ်ႇၵွပ်ႈပိူဝ်ႈတၢင်းဢၼ်ၸဝ်ႈႁဝ်းၵႄႇသႄႇၶျွတ်ႈဢဝ်ၼၼ်ႉလႄႈၸဝ်ႈႁဝ်းဢဝ်ၵုင်ႇသရေႇတင်း တၼ်းၶူဝ်းဢႃႇၼူႉၽေႃႇတၢင်ႇသႂ်ႇၵႃႈ ၼိူဝ်မၼ်းတီႈၶႃႈဢေႃႈ။
၆ ၸဝ်ႈႁဝ်းဢဝ်မၼ်းၶၢၼ်းဝႆႉၼႂ်းဢရႃႇမင်ႇၵလႃႇထႃႇဝရႃႉလႄႈႁႂ်ႈ မၼ်းၸူမ်းသိူဝ်းမူၼ်ႈပျေႃႇသိုဝ်ႈၼႃႈသိုဝ်ႈတႃၸဝ်ႈႁဝ်းၼႃႇလူင် လၢင်တီႈၶႃႈဢေႃႈ။
၇ လွင်ႈမၼ်းၸမ်းၶုၼ်လူင်ဢိင်ပိုင်ႈထႃႇဝရႃႉၽြႃးလႄႈ တၵ်းဢမ်ႇလႆႈတူင်ႉလႆႈၶွၼ်း ၵွပ်ႈပိူဝ်ႈၵျေးၸူးၵရူႉၼႃႇၽြႃး ဢၼ်သုင်ၼႃႇသေပိူၼ်ႈၼၼ်ႉတီႈၶႃႈဢေႃႈ။
၈ မိုဝ်းၸဝ်ႈႁဝ်း တၵ်းႁူပ်ႉထူပ်းရၢၼ်ႇသူႇၸဝ်ႈႁဝ်းတင်းသဵင်ႈတင်းလူင်လႄႈမိုဝ်းၶွၼ်ၶႂႃၸဝ်ႈႁဝ်းတၵ်းႁူပ်ႉထူပ်းၶဝ်ၸိူဝ်းဢၼ်ၸင်းၸဝ်ႈႁဝ်းၼၼ်ႉ တီႈၶႃႈဢေႃႈ။
၉ ၼႂ်းမိူဝ်ႈဢၼ်တၢင်းၸႂ်မႆႈၸဝ်ႈႁဝ်းဢွၵ်ႇၼၼ်ႉ ၸဝ်ႈႁဝ်းတၵ်းႁႂ်ႈၶဝ်ပဵၼ်ၸိူဝ်ႉၼင်ႇမုၵ်ႈၽႆးၼၼ်ႉတီႈၶႃႈဢေႃႈ။ထႃႇဝရႃႉၽြႃးတၵ်းဢိုၼ်ၶဝ် ၵွပ်ႈပိူဝ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈၼၼ်ႉလႄႈ ၽႆးတၵ်းမႆႈၵိၼ်ၶဝ် တီႈၶႃႈဢေႃႈ။
၁၀ ၸဝ်ႈႁဝ်းတၵ်းၽဵဝ်ႈၸိူဝ်ႉၶိူဝ်းၶဝ်ၼၼ်ႉပႅတ်ႈသေၵႃႈၼိူဝ်လိၼ်မိူင်းလႄႈ ၸဝ်ႈႁဝ်းတၵ်းယႃႉၸူဝ်ႈလုၵ်ႈပၢၼ်လၢၼ်ၶဝ်ၼၼ်ႉ ပႅတ်ႈသေ ၵႃႈၼႂ်း လုၵ်ႈၵူၼ်းတင်းလၢႆတီႈၶႃႈဢေႃႈ။
၁၁ လွင်ႈမၼ်းၸမ်းၶဝ်မီးတၢင်းၵျၢမ်ႇတၢင်းပွင်ဢၼ်ဢမ်ႇလီယူႇၽၢႆႇၼိုင်ႈတင်းၸဝ်ႈႁဝ်းလႄႈ ၵျၢမ်ႇပွင်ပရိယႄႇဢၼ်ၶဝ် ဢမ်ႇတတ်ႈၼိုင်ႇလႆႈၼၼ်ႉတီႈၶႃႈဢေႃႈ။
၁၂ ပိူဝ်ႈၼႆလႄႈၸဝ်ႈႁဝ်းတၵ်းႁႂ်ႈၶဝ်ဝၢႆႇလင်ၵွင်လင်လႄႈ ၸဝ်ႈႁဝ်းတၵ်းယူႇၽၢႆႇၼိုင်ႈတင်းၶဝ်သေလႄႈ ဢဝ်ပိုၼ်ၵၢင်ႇၸဝ်ႈႁဝ်းယိုဝ်းသႂ်ႇၵႃႈတီႈၼႃႈၶဝ်ၼၼ်ႉ တီႈၶႃႈဢေႃႈ။
၁၃ ထႃႇဝရႃႉၽြႃးတီႈၶႃႈ၊ ႁႂ်ႈၸဝ်ႈႁဝ်းမီးတၢင်းဢၼ်ယုၵ်ႉယွင်ႈ ၵွပ်ႈပိူဝ်ႈတၼ်းၶူဝ်းတၢင်းၵတ်ႉတၢင်းၶၼ်ၸဝ်ႈႁဝ်းၼၼ်ႉသေၵမ်းတီႈၶႃႈ။ၶႃႈၸဝ်ႈႁဝ်းၶဝ်တၵ်းယွင်ႈယေႃး ႁဵတ်းၵႂၢမ်းထေႃးပၼႃႇတီႈတၼ်းၶူဝ်းၸဝ်ႈႁဝ်းတီႈၶႃႈဢေႃႈ။