၆၆
၁ လိၼ်မိူင်းတင်းသဵင်ႈတင်းမူတ်းဢိူၺ်း၊ ႁဵတ်းတၢင်းဢၼ်ဢိုၼ်းယွင်ႈၵတ်းလီယဵၼ်လီတီႈၽြႃးပဵၼ် ၸဝ်ႈတႃႉ။
၂ ႁဵတ်းၵႂၢမ်းတီႈမုၼ်ၽုင်းၼႃႇမႃႉၸိုဝ်သဵင်မၼ်းၸဝ်ႈတႃႉ။ၽုၺ်ႇဢွၵ်ႇၼႄပျႃးသရေႇမုၼ်ၽုင်း တၢင်းဢၼ်ယွင်ႈယေႃးမၼ်းၸဝ်ႈၼၼ်ႉတႃႉ။
၃ လဝ်ႈလၢတ်ႈတီႈၽြႃးပဵၼ်ၸဝ်ႈလႄႈဝႃႈ၊-လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉၸိူဝ်းၼၼ့် ပဵၼ်ဢၼ်လီရူဝ်ႇသေႇၵူဝ်ယမ်ၼႃႇလူင်လၢင်တီႈၶႃႈဢေႃႈ။ပိူဝ်ႈဢၼ်တၼ်းၶူဝ်းၸဝ်ႈႁဝ်းယႂ်ႇၼႃႇလႄႈ ရၢၼ်ႇသူႇၸဝ်ႈႁဝ်းတင်းလၢႆ ဢွၼ်ၵၼ်တွင်းပၢၼ်ႇၸဝ်ႈႁဝ်ႈ တီႈၶႃႈဢေႃႈ။
၄ လိၼ်မိူင်းတင်းသဵင်ႈတင်းမူတ်းၵူဝ်းၵႂၢႆႇၸဝ်ႈႁဝ်းလႄႈ ႁဵတ်းၵႂၢမ်းတီႈၸဝ်ႈႁဝ်းတီႈၶႃႈဢေႃႈ။ၶဝ်ႁဵတ်းၵႂၢမ်းတီႈၼႃႇမႃႉ ၸိုဝ်ႈသဵင်ၸဝ်ႈႁဝ်းတီႈၶႃႈဢေႃႈ၊ ဝႃႈၼင်ႇၼႆတႃႉ။ၸေႇလႃႇ။
၅ ဢွၼ်ၵၼ်မႃးလႄႈ လူႈတူၺ်းလွင်ႈတၢင်းဢၼ်ၽြႃးပဵၼ်ၸဝ်ႈ ၸီႇယၢင်ႇႁဵတ်းဝႆႉၸိူဝ်းၼၼ်ႉတႃႉ။လွင်ႈတၢင်းဢၼ်မၼ်းၸဝ်ႈၸီႇယၢင်ႇႁဵတ်းဝႆႉတီႈလုၵ်ႈၵူၼ်းတင်းလၢႆၼၼ်ႉ ပဵၼ်ဢၼ်လီၵူဝ်လီႁႄၼႃႇ ဢေႃႈ။
၆ မၼ်းၸဝ်ႈႁႂ်ႈပၢင်ႇလၢႆႇပဵၼ်လိၼ်ပဵၼ်ၵုၼ်ၵႂႃႇလႄႈ ၶဝ်ၼၼ်ႉလႆႈဢဝ်တိၼ်ပႆၵႂႃႇၵႃႈတီႈဢၼ်ၼမ်ႉၸႅဝ်ႈလႄႈ ႁဝ်းဢွၼ်ၵၼ်ၸူမ်းသိူဝ်းၵႃႈၼႂ်းၽြႃးပဵၼ် ၸဝ်ႈၵႃႈတီႈၼၼ်ႉဢေႃႈ။
၇ ၵွပ်ႈပိူဝ်ႈတၼ်းၶူဝ်းၸဝ်ႈလႄႈ မၼ်းၸဝ်ႈဢုပ်ႉပိူင်ႇယူႇတႃႇသေႇဢမ်ႇထၢတ်ႇဢေႃႈ။မၢၵ်ႇတႃမၼ်းၸဝ်ႈလူႈတူၺ်းၵူၼ်းၵူႈၸိူဝ်ႉၵူႈမဵဝ်းယူႇလႄႈ ယႃႇပေႁႂ်ႈၶဝ်ၸိူဝ်းဢၼ်ထဵင်ပႅတ်ႈၼၼ်ႉယုၵ်ႉယွင်ႈတူဝ်ၸဝ်ႈၵဝ်ႇယူႇ။ၸေႇလႃႇ။
၈ မဵဝ်းၵူၼ်းတင်းလၢႆၶဝ်ဢိူၺ်း၊ ဢွၼ်ၵၼ်ယွင်ႈယေႃးပၼ်တၢင်းလီတီႈၽြႃးပဵၼ်ၸဝ်ႈႁဝ်းတႃႉ။ဢွၼ်ၵၼ်ဢဝ်သဵင်ၵႂၢမ်းဢၼ်ယွင်ႈယေႃးမုၼ်ၵျေးၸူးမၼ်း ၸဝ်ႈၼၼ်ႉလႄႈႁွင်ႉပၢဝ်ႇႁွင်ႉလၢတ်ႈတႃႉ။
၉ မၼ်းၸဝ်ႈႁႂ်ႈဢသၢၵ်ႈႁဝ်းလႆႈလိပ်းယူႇလႄႈ ဢမ်ႇပၼ်ႁႂ်ႈတိၼ် ႁဝ်းလႆႈပၢတ်ႈၵႂႃႇ။
၁၀ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းၸၢမ်းတူၺ်းၶႃႈၸဝ်ႈတီႈၶႃႈယဝ်ႉ။ၸဝ်ႈႁဝ်းၸႅတ်ႈထၢမ်တူၺ်းၶႃႈၸဝ်ႈ မိူၼ်ၸိူဝ်ႉၼင်ႇဢၼ်ၸႅတ်ႈ တူၺ်းၶႃတူၺ်းငိုၼ်းၼၼ်ႉတီႈၶႃႈယဝ်ႉ။
၁၁ ၸဝ်ႈႁဝ်းႁႂ်ႈၶႃႈၸဝ်ႈထုၵ်ႇၶဵၼ်းမႅၼ်ႈ ၵႃႈၼႂ်းတူင်ႇႁဵဝ်ႉသေလႄႈဢဝ်ၶူဝ်းဢၼ်ၼၵ်းၼႃႇ တၢင်ႇသႂ်ႇၵႃႈၼိူဝ်သၼ်လင် တီႈၶႃႈယဝ်ႉ။
၁၂ ၸဝ်ႈႁဝ်းႁႂ်ႈပိူၼ်ႈၶီႇၵႃႈၼိူဝ်ႁူဝ်ၶႃႈၸဝ်ႈတီႈၶႃႈယဝ်ႉ။ပဵၵ်ႉသမ်ႉၶႃႈၸဝ်ႈလႆႈၵႂႃႇတၢင်းပႆတၢင်းၵႃႈၼႂ်းၽႆးဢိၵ်ႇတင်းၵႃႈၼႂ်းၼမ်ႉသေၵေႃႈ ၸဝ်ႈႁဝ်းဢဝ်သူင်ႇႁွတ်ႈ ၵႃႈတီႈဢၼ်တဵမ်ထူၼ်းလိူင်ႇၸႂ် ၼၼ်ႉတီႈၶႃႈယဝ်ႉ။
၁၃ ၶႃႈၸဝ်ႈတၵ်းပႃးဢဝ်တင်းယိၸ်ႉဢၼ်တုတ်ႇၽႆးတင်းလၢႆသေလႄႈ ၶဝ်ႈၵႃႈၼႂ်းႁိူၼ်း ၸဝ်ႈႁဝ်းတီႈၶႃႈဢေႃႈ။
၁၄ ၶႃႈၸဝ်ႈတၵ်းၽေႇဝၢတ်ႈၵတိသႅတ်ႈၸႃႇ ဢၼ်သီႇသူပ်းၶႃႈၸဝ်ႈ ဝႃႈဢွၵ်ႇလႄႈသူပ်းၶႃႈၸဝ်ႈလၢတ်ႈ ၼႂ်းမိူဝ်ႈဢၼ်လႆႈၶၢမ်ႇတုၵ်ႉၶႃႉ ယူႇၼၼ်ႉတီႈၶႃႈဢေႃႈ။
၁၅ ၶႃႈၸဝ်ႈတၵ်းဢဝ်ယိၸ်ႉသူဝ်းဢၼ်ပီးလီမၼ်းလီဢၼ်တုတ်ႇၽႆး ဢိၵ်ႇတင်းၼၢမ်ႇသႃႇသူဝ်းပေႃႈၼၼ်ႉ ပုၵ်ႉၸေႃႇတီႈၸဝ်ႈႁဝ်းတီႈၶႃႈဢေႃႈ။ဝူဝ်း လႂ်ဢိၵ်ႇတင်းပေႉ လႂ်ၵေႃႈၶႃႈၸဝ်ႈတၵ်း ပုၵ်ႉၸေႃႇတီႈၶႃႈဢေႃႈ။
၁၆ ၵူၼ်းဢၼ်ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈတင်းသဵင်ႈတင်းလူင်ၶဝ်ဢိူၺ်း၊ ဢွၼ်ၵၼ်မႃးလႄႈထွမ်ႇငိၼ်းတႃႉ။ၵဝ်တၵ်းမွၵ်ႇလၢတ်ႈလွင်ႈဢၼ်မၼ်းၸဝ်ႈႁဵတ်းၸိူဝ်ႉၼင်ႇႁိုဝ် ပုၼ်ႈဝိၺိၺ်ႇ ၵဝ်ၼၼ်ႉဢေႃႈ။
၁၇ ၵဝ်ဢဝ်တင်းသူပ်းႁွင်ႉသႅၼ်ႇတီႈမၼ်းၸဝ်ႈလႄႈ တၢင်းဢၼ်ယွင်ႈယေႃးမၼ်းၸဝ်ႈၵေႃႈလႆႈမီးဝႆႉယူႇၵႃႈတီႈတႂ်ႈလိၼ်ႉၵဝ်ယဝ်ႉ။ၸေႇလႃႇ။
၁၈ ပေႃးၵဝ်ထူပ်းႁၼ် တူႉၸရိူၵ်ႈၵႃႈၼႂ်းႁူဝ်ၸႂ်ၵဝ်ၸိုင်၊ ၸဝ်ႈၽြႃးဢမ်ႇထွမ်ႇဢမ်ႇငိၼ်းဢဝ်။
၁၉ တေႃႈလဵဝ်ၸမ်းၽြႃးပဵၼ်ၸဝ်ႈထွမ်ႇဢဝ်လႄႈ မၢတ်ႈတွင်းသဵင်ၵႂၢမ်း ပထၼႃႇၵဝ်ဢေႃႈ။
၂၀ ႁႂ်ႈၽြႃးပဵၼ်ၸဝ်ႈဢၼ်ဢမ်ႇၼုၵ်ႈဢမ်ႇသိမ်းဢဝ် ၵျေးၸူးမၼ်းၸဝ်ႈသေ ၵႃႈတီႈၵဝ်ၼၼ်ႉမီးမင်ႇၵလႃႇသေၵမ်းလူၺ်ႈ။