၃၈
၁ ထႃႇဝရႃႉၽြႃးတီႈၶႃႈ တၢင်းၸႂ်မႆႈၸဝ်ႈႁဝ်းဢွၵ်ႇလႄႈယႃႇပေတၢင်ႇဢပျႅတ်ႈတီႈၶႃႈၸဝ်ႈ သေၵမ်း တီႈၶႃႈ။ပႃးတင်းၸႂ်ဢၼ်ႁၢဝ်ႈၵျၢမ်းၼႃႇသေလႄႈ ယႃႇပေ သင်ႇသွၼ်သုင်းမႃႉၶႃႈၸဝ်ႈသေၵမ်းတီႈၶႃႈ။
၂ ပိုၼ်ၸဝ်ႈႁဝ်းတင်းလၢႆၸူၵ်ႉသဵပ်ႇၶႃႈၸဝ်ႈယူႇလႄႈ မိုဝ်းၸဝ်ႈ ႁဝ်းတဵၵ်းၶႃႈၸဝ်ႈယူႇတီႈၶႃႈဢေႃႈ။
၃ ၵွပ်ႈပိူဝ်ႈတၢင်းၸႂ်မႆႈၶႂ်ႈၸႃႉၸဝ်ႈႁဝ်းၼၼ်ႉလႄႈၶႃႈၸဝ်ႈဢမ်ႇမီးတၢင်းဢၼ်ယူႇလီၵိၼ်ဝၢၼ်တီႈၶႃႈ။ၵွပ်ႈပိူဝ်ႈတူႉၸရိူၵ်ႈဢပျႅတ်ႈၶႃႈၸဝ်ႈလႄႈ ၵႃႈၼႂ်းလုပ်ႇၶႃႈၸဝ်ႈၼႆႉ ဢမ်ႇမီးတၢင်းဢၼ်သၢၵ်ႈသႃႇၶႅၼ်းမႃးတီႈၶႃႈ။
၄ တူႉၸရိူၵ်ႈၶႃႈၸဝ်ႈတင်းလၢႆ ထုမ်ႈႁူမ်ႇႁူဝ်ၶႃႈၸဝ်ႈယူႇလႄႈၼၵ်းၼႃႇထၼ်ႈပေႃး ဢမ်ႇႁၢပ်ႇလႆႈမိူၼ်ၸိူဝ်ႉၼင်ႇ ၶူဝ်းႁၢပ်ႇၼၵ်းၼႃႇၼၼ်ႉတီႈၶႃႈဢေႃႈ။
၅ တၢင်းၸဵပ်းတၢင်းယဵၼ်းၶႃႈၸဝ်ႈတင်းလၢႆမဵၼ်တူႇလႄႈ ပဵၼ်ၵႃႉပဵၼ်ၵီႉယူႇၵွပ်ႈပိူဝ်ႈ တၢင်းဢၼ်ၶႃႈၸဝ်ႈမိူၵ်ႈၼၼ်ႉတီႈ ၶႃႈဢေႃႈ။
၆ ၶႃႈၸဝ်ႈလႆႈၶၢမ်ႇၼႃႇလူင်လၢင်လႄႈ မီးတၢင်းဢၼ်ၶျႃးတႅမ်ႇယူႇသေလႄႈ ပွင်ႉၶင်းယူႇတင်း ဝၼ်းတင်းဝၼ်းတီႈၶႃႈဢေႃႈ။
၇ ဢႅဝ်ၶႃႈၸဝ်ႈတဵမ်ဝႆႉတင်းတၢင်းဢၼ်မႆႈဢၼ်ႁွၼ်ႉလႄႈၼိူဝ်ႉၶႃႈၸဝ်ႈ ဢမ်ႇမီးတၢင်းဢၼ်ယူႇလီတီႈၶႃႈ။
၈ ၶႃႈၸဝ်ႈလၢင်ႈၵႂႃႇၶႅင်ၵႂႃႇလႄႈ တႅၵ်ႇၵႂႃႇလႅဝ်ၵႂႃႇတီႈၶႃႈဢေႃႈ။ၶႃႈၸဝ်ႈႁွင်ႉသႅၼ်ႇၵွပ်ႈပိူဝ်ႈတၢင်းဢၼ်ႁူဝ်ၸႂ်ၶႃႈၸဝ်ႈ သၼ်ႇဝႆၼၼ်ႉတီႈၶႃႈဢေႃႈ။
၉ ၸဝ်ႈၽြႃးတီႈၶႃႈ၊ ဢလူဝ်ႇၶႃႈၸဝ်ႈၵႃႈမီးတင်းသဵင်ႈတင်းမူတ်း မီးယူႇၵႃႈတီႈ ၽၢႆႇၼႃႈၸဝ်ႈႁဝ်းလႄႈတၢင်းဢၼ်ၶႃႈၸဝ်ႈၶင်းၼၼ်ႉၵေႃႈ ဢမ်ႇမီးတၢင်း ဢၼ်သိူင်ႇဝႆႉလပ်ႉဝႆႉၵႃႈတီႈၸဝ်ႈႁဝ်းတီႈၶႃႈ။
၁၀ ႁူဝ်ၸႂ်ၶႃႈၸဝ်ႈဢူၼ်ႈလႄႈႁႅင်းၶႃႈၸဝ်ႈၵေႃႈ သဵင်ႈၵႂႃႇတီႈၶႃႈယဝ်ႉ။ဢၼ်လႅင်းမၢၵ်ႇတႃၶႃႈၸဝ်ႈၵေႃႈလပ်းႁၢႆၵႂႃႇ သေၵႃႈတီႈၶႃႈၸဝ်ႈတီႈၶႃႈယဝ်ႉ။
၁၁ ၶဝ်ၸိူဝ်းဢၼ်ႁၵ်ႉၶႃႈၸဝ်ႈဢိၵ်ႇတင်းၵေႃႉသေႈၶႃႈၸဝ်ႈၸိူဝ်းၼၼ်ႉဢွၼ်ၵၼ်ၸုၵ်းယူႇၵႃႈတီႈဢၼ်ၵႆ ၵွပ်ႈပိူဝ်ႈတၢင်းၶႆႈတၢင်းပဵၼ်ၶႃႈၸဝ်ႈၼႆႉလႄႈ ပီႈၼွင်ႉၶႃႈၸဝ်ႈတင်းလၢႆ ၵေႃႈဢွၼ်ၵၼ်ဝေႈပႅတ်ႈၶႃႈၸဝ်ႈတီႈၶႃႈဢေႃႈ။
၁၂ ၶဝ်ၸိူဝ်းဢၼ်ႁႃဢသၢၵ်ႈၶႃႈၸဝ်ႈၼၼ်ႉ ၵၢင်တူင်ႇႁဵဝ်ႉတူင်ႇၶိုမ်းဝႆႉပုၼ်ႈၶႃႈၸဝ်ႈတီႈၶႃႈဢေႃႈ။ၶဝ်ၸိူဝ်းဢၼ်ႁႃဢၶႂၢင်ႉ ဢၼ်လႆႈႁဵတ်းႁၢႆႉႁဵတ်းယုတ်ႈသႂ်ႇတီႈၶႃႈၸဝ်ႈၼၼ်ႉ ဢွၼ်ၵၼ်လၢတ်ႈၵႂၢမ်းဢမ်ႇၼႃႇလူဝ်ႇယူႇလႄႈ ၵျၢမ်ႇပွင်ပရိယႄႇယူႇတင်းဝၼ်းတင်းဝၼ်း တီႈၶႃႈဢေႃႈ။
၁၃ ၶႃႈၸဝ်ႈၸမ်းမိူၼ်ၸိူဝ်ႉၼင်ႇၵေႃႉဢၼ်ႁူၼူၵ်ႇၼၼ်ႉလႄႈဢမ်ႇငိၼ်း။ပဵၼ်ၸိူဝ်ႉၼင်ႇၵူၼ်းဢႃႉဢၼ်ဢမ်ႇၸၢင်ႊၽုၺ်ႇသူပ်းၼၼ်ႉ တီႈၶႃႈဢေႃႈ။
၁၄ ၶႃႈၸဝ်ႈ ပဵၼ်ၸိူဝ်ႉၼင်ႇၵေႃႉဢၼ်ႁူဢမ်ႇငိၼ်းလႄႈဢမ်ႇမီးတီႈဢၼ်တၵ်းၶိုၼ်းလၢတ်ႈ ၵႃႈၼႂ်းသူပ်းမၼ်း ၼၼ်ႉတီႈၶႃႈဢေႃႈ။
၁၅ လွင်ႈမၼ်းၸမ်း ထႃႇဝရႃႉၽြႃးတီႈၶႃႈ၊ ၶႃႈၸဝ်ႈဢႃးၵူဝ်းၸဝ်ႈႁဝ်းလႄႈၸဝ်ႈၽြႃးပဵၼ်ၸဝ်ႈၵဝ်ၶႃႈတီႈၶႃႈဢေႃႈ။ၸဝ်ႈႁဝ်းတၵ်းၶိုၼ်း ဢိူဝ်ႈတီႈၶႃႈၸဝ်ႈတီႈၶႃႈဢေႃႈ။
၁၆ ၶႃႈၸဝ်ႈလဝ်ႈလၢတ်ႈလႄႈဝႃႈ၊-ၵူဝ်ၶဝ်တၵ်းၸူမ်းသိူဝ်းၵႃႈၼိူဝ်ၶႃႈၸဝ်ႈလႄႈ ဢွၼ်ၵၼ်ယုၵ်ႉယွင်ႈတူဝ်ၸဝ်ႈၵဝ်ႇယူႇၽၢႆႇၼိုင်ႈတင်းၶႃႈၸဝ်ႈၼႂ်းမိူဝ်ႈဢၼ်တိၼ်ၶႃႈၸဝ်ႈပၢတ်ႈၵႂႃႇၼၼ်ႉတီႈၶႃႈဢေႃႈ၊ ဝႃႈၼင်ႇၼႆတီႈၶႃႈ ဢေႃႈ။
၁၇ ၶႃႈၸဝ်ႈၸမ်းတၵ်းလူမ်ႉလႄႈတၢင်းဢၼ်ၶူပ်းဢၼ်ၶိုၼ်ႈၶႃႈၸဝ်ႈၼၼ်ႉ မီးယူႇသိုဝ်ႈၼႃႈတႂ်ႈတႃ ၶႃႈၸဝ်ႈယူႇသေႇသေႇတီႈၶႃႈဢေႃႈ။
၁၈ ၶႃႈၸဝ်ႈတၵ်းၽုၺ်ႇဢွၵ်ႇၼႄပျႃးဢပျႅတ်ႈၶႃႈၸဝ်ႈ လႄႈမီးတၢင်းဢၼ်မႆႈၸႂ်ၶီၸႂ်ယူႇ ၵႂပ်ႈပိူဝ်ႈတၢင်းဢၼ်ၽိတ်းပိူင်ႈ မႅၼ်ႈၼၼ်ႉတီႈၶႃႈဢေႃႈ။
၁၉ ရၢၼ်ႇသူႇၶႃႈၸဝ်ႈတင်းလၢႆၸမ်း ယူႇလီၵိၼ်ဝၢၼ်ယူႇလႄႈႁႅင်းယႂ်ႇၼႃႇယူႇတီႈၶႃႈဢေႃႈ။ယင်းဢမ်ႇၸိုဝ်ႈဢမ်ႇၸႂ်ႈလႄႈၶဝ်ၸိူဝ်းဢၼ်ၸင်းၶႃႈၸဝ်ႈၼၼ်ႉ မီးၼမ်ၼႃႇလူင်လၢင်တီႈ ၶႃႈဢေႃႈ။
၂၀ ၶဝ်ၸိူဝ်းဢၼ်ၸၢင်ႊႁဵတ်းဢၼ်ဢမ်ႇလီပုၼ်ႈလွင်ႈတၢင်းဢၼ်လီၼၼ်ႉ ဢွၼ်ၵၼ်ႁဵတ်းဢၼ်ဢမ်ႇထုၵ်ႇၵၼ်တင်းၶႃႈၸဝ်ႈယူႇ ၵွပ်ႈပိူဝ်ႈဢၼ်ၶႃႈၸဝ်ႈၵျူဝ်းၸႃးၸွမ်းလွင်ႈတၢင်းဢၼ်လီၼၼ်ႉ တီႈ ၶႃႈဢေႃႈ။
၂၁ ထႃႇဝရႃႉၽြႃးတီႈၶႃႈ၊ယႃႇပေၸုၼ်ႉပႅတ်ႈၶႃႈၸဝ်ႈသေၵမ်းတီႈၶႃႈ။ၽြႃးပဵၼ်ၸဝ်ႈၵဝ်ၶႃႈတီႈၶႃႈ။ယႃႇပေယူႇတီႈဢၼ်ၵႆၵၼ်တင်းၶႃႈၸဝ်ႈသေ ၵမ်းတီႈၶႃႈ။
၂၂ ၸဝ်ႈၽြႃးဢၼ်ၵႄႇသႄႇၶျွတ်ႈဢဝ်ၵဝ်ၶႃႈတီႈၶႃႈ။ၶႅၼ်းတေႃႈႁိပ်ႈၼႅတ်ႈ ႁႂ်ႈလႆႈၸွႆႈထႅမ်မႃႉၸႃႉၶႃႈၸဝ်ႈ သေၵမ်းတီၶႃႈ။