၇၅
၁ ၽြႃးပဵၼ်ၸဝ်ႈတီႈၶႃႈ၊ ၶႃႈၸဝ်ႈႁဝ်းၶဝ်ဢွၼ်ၵၼ်ယွင်ႈယေႃးၸဝ်ႈႁဝ်းတီႈၶႃႈဢေႃႈ။ၶႃႈၸဝ်ႈႁဝ်းၶဝ်ဢွၼ်ၵၼ်ယွင်ႈယေႃးတီႈၶႃႈဢေႃႈ။ၼႃႇမႃႉၸိုဝ်သဵင်ၸဝ်ႈႁဝ်းမီးၸမ်ယူႇလႄႈ ဢွၼ်ၵၼ်ဢဝ်လွင်ႈတၢင်းဢၼ်လီဢၢမ်းၸဝ်ႈႁဝ်းၸိူဝ်းၼၼ်ႉ ၶၢမ်ႇသၢၵ်ႈသေႇ ယူႇတီႈၶႃႈဢေႃႈ။
၂ မိူဝ်ႈဢၼ်ၶဝ်ႁူပ်ႉထူပ်းၶိင်ႇဢၼ်ၶၢၼ်းဝႆႉၼၼ်ႉ ၵဝ်တၵ်းၸီႇယၢင်ႇ သိုဝ်ႈသိုဝ်ႈတေႃႇ တေႃႇဢေႃႈ။
၃ လိၼ်မိူင်းဢိၵ်ႇတင်းၵူၼ်းလိၼ်မိူင်းတင်းသဵင်ႈတင်းလူင်မီးတၢင်းဢၼ်ၸိူမ်ႈႁၢႆၵႂႃႇလႄႈ ၵဝ်လႆႈ ဢဝ်သဝ်မၼ်းတင်းလၢႆပူၵ်းသႂ်ႇဝႆႉယူႇဢေႃႈ။
၄ ၵဝ်လၢတ်ႈတီႈၶဝ်ၸိူဝ်းဢၼ် မႃႇၼႃႉၸႂ်သုင်ၸွၵ်ႇၵႃးၼၼ်ႉလႄႈဝႃႈ၊-ယႃႇပေမီးမႃႇၼႃႉၸႂ်သုင်ၸွၵ်ႇၵႃးဢိၵ်ႇတင်းတီႈ ၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈဝႃႈ၊-
၅ ယႃႇပေယုၵ်ႉယွင်ႈၶဝ်လႅမ် ယႃႇပေယုၵ်ႉယွင်ႈၶဝ်လႅမ်သူၶိုၼ်ႈၵႃႈၼိူဝ် ယႃႇပေႁဵတ်းၶေႃးၵႅၼ်ႇၶေႃးၶႅင်သေလႄႈလၢတ်ႈ၊ ဝႃႈၼင်ႇၼႆဢေႃႈ။
၆ လွင်ႈမၼ်းၸမ်းတၢင်းဢၼ်ယုၵ်ႉဢၼ်ယွင်ႈဢမ်ႇလုၵ်ႉသေၵႃႈတီႈၽၢႆႇတၢင်းဝၼ်းဢွၵ်ႇ၊ၽၢႆႇတၢင်းဝၼ်းတူၵ်း၊ ၽၢႆႇတၢင်းၼႂ်းထိူၼ်ႇ ၸိူဝ်းၼၼ်ႉမႃး။
၇ ၽြႃးပဵၼ်ၸဝ်ႈၸီႇယၢင်ႇဢေႃႈ။မၼ်းၸဝ်ႈၶျႃးၵေႃႉၼိုင်ႈတူၵ်းတီႈတႅမ်ႇလႄႈ ယုၵ်ႉယွင်ႈၵေႃႉၼိုင်ႈဢေႃႈ။ၵႃႈၼႂ်းမိုဝ်းထႃႇဝရႃႉၽြႃးၼၼ်ႉမီးၵွၵ်းယူႇလႄႈပႃးတင်းၼမ်ႉၸပိတ်ႉ ဢၼ်ပူၵ်ႇမၼ်းလိူတ်ႇ ၶိုၼ်ႈပုၼ်းၶိုၼ်ႈၼၼ်ႉယူႇဢေႃႈ။
၈ မီးတၢင်းဢၼ်ဢဝ်ၼမ်ႉယႃႈသႂ်ႇလေႃးဝႆႉလႄႈ မၼ်းၸဝ်ႈဢဝ်ၼမ်ႉၸပိတ်ႉၼၼ်ႉထွၵ်ႇသႂ်ႇဢေႃႈ။ယိူဝ်ႇမၼ်းယေႇမၼ်းၸိူဝ်းၼၼ်ႉၵေႃႈၵူၼ်းလိၼ်မိူင်း ဢၼ်ဢမ်ႇတြႃးတင်းသဵင်ႈတင်း လူင်လႆႈဢွၼ်ၵၼ်မိပ်ႇလႄႈသူတ်ႉၵိၼ်ဢေႃႈ။
၉ ၵဝ်ၸမ်းတၵ်းမွၵ်ႇလၢတ်ႈယူႇတႃႇသေႇဢမ်ႇထၢတ်ႇလႄႈႁဵတ်းထေႃးပၼႃႇတီႈ ၽြႃးပဵၼ်ၸဝ်ႈ မဵဝ်းယႃႇၵုပ်ႉ ဢေႃႈ။
၁၀ ၵဝ်တၵ်းတႅပ်းၶဝ်လႅမ်ၶဝ်ၸိူဝ်းဢၼ်ဢမ်ႇတြႃးတင်းသဵင်ႈတင်းလူင်ၼၼ်ႉပႅတ်ႈဢေႃႈ။ၶဝ်လႅမ်ၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်း တၵ်းလႆႈႁွတ်ႈထိုင်တၢင်းဢၼ်ယုၵ်ႉယွင်ႈဢေႃႈ။