၁၄၂
၁ ၵဝ်ႁဵတ်းသဵင်ပွႆႇသဵင်ၵဝ်သေလႄႈ ႁွင်ႉသႅၼ်ႇတီႈထႃႇဝရႃႉၽြႃးဢေႃႈ။ၵဝ်ႁဵတ်းသဵင်ပွႆႇသဵင်ၵဝ်သေလႄႈႁဵတ်း သူးတွင်းပထၼႃႇတီႈထႃႇဝရႃႉၽြႃးဢေႃႈ။
၂ ၵဝ်ဢဝ်ၵႂၢမ်းဢၼ်ၶင်းၶီၶင်းၽၢၼ် ထွၵ်ႇႁိုဝ်ႈၵႃႈတီႈၽၢႆႇၼႃႈမၼ်းၸဝ်ႈလႄႈ လဝ်ႈလၢတ်ႈလွင်ႈတုၵ်ႉၶႃႉတၢင်းၽၢၼ် ၵဝ်သိုဝ်ႈၼႃႈတႂ်ႈတႃမၼ်းၸဝ်ႈဢေႃႈ။
၃ မိူဝ်ႈဢၼ်ၶႃႈၸဝ်ႈၸႂ်လူႉၼၼ်ႉၸိုင် ၸဝ်ႈႁဝ်းႁူႉသဵၼ်ႈတၢင်းဢၼ်ၶႃႈၸဝ်ႈၵႂႃႇၼၼ်ႉယူႇတီႈၶႃႈဢေႃႈ။ၶဝ်ဢဝ်တူင်ႇႁဵဝ်ႉ သိူင်ႇမႅပ်းဝႆႉၵႃႈၼႂ်းသဵၼ်ႈတၢင်းဢၼ်ၶႃႈၸဝ်ႈၵႂႃႇ ၼၼ်ႉတီႈၶႃႈယဝ်ႉ။
၄ ၶႅၼ်းတေႃႈလူႈတူၺ်းၽၢႆႇၶႂႃၶႃႈၸဝ်ႈသေၵမ်းတီႈၶႃႈ။ဢမ်ႇမီးၵေႃႉဢၼ်ႁူႉၸၵ်းၶႃႈ ၸဝ်ႈတီႈၶႃႈ။ဢမ်ႇမီးတၢင်းဢၼ်တၵ်းပၢႆႊလွတ်ႈတီႈၶႃႈ။ဢမ်ႇမီးၵေႃႉဢၼ်သေလၢႆဢသၢၵ်ႈၶႃႈၸဝ်ႈတီႈ ၶႃႈ။
၅ ထႃႇဝရႃႉၽြႃးတီႈၶႃႈ၊ၶႃႈၸဝ်ႈႁွင်ႉသႅၼ်ႇတီႈၸဝ်ႈႁဝ်းတီႈၶႃႈဢေႃႈ။ၶႃႈၸဝ်ႈလႆႈလၢတ်ႈလႄႈဝႃႈ၊-ၸဝ်ႈႁဝ်းပဵၼ်တီႈဢၼ်ၶႃႈၸဝ်ႈသွၼ်ႈပိုင်ႈပုၼ်ႈတႃႇဢၼ်ၶႃႈၸဝ်ႈတၵ်းလႆႈၸၢမ်ႇၸႃး ၵႃႈၼႂ်းမိုဝ်းၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉ တီႈၶႃႈဢေႃႈ၊ ဝႃႈၼင်ႇၼႆတီႈၶႃႈဢေႃႈ။
၆ ၶႅၼ်းတေႃႈထွမ်ႇဢဝ်သဵင်ဢၼ်ၶႃႈၸဝ်ႈႁွင်ႉသႅၼ်ႇၼၼ်ႉ ၵွပ်ႈပိူဝ်ႈဢၼ်ၶႃႈၸဝ်ႈလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇၼၼ်ႉ သေၵမ်းတီႈၶႃႈ။ၶႅၼ်းတေႃႈၵႄႇသႄႇၼုၵ်ႈဢဝ်ၶႃႈၸဝ်ႈဢွၵ်ႇသေၵႃႈၼႂ်းမိုဝ်း ၶဝ်ၸိူဝ်းဢၼ်ၼိၵ်ႈၸၢၵ်ႈငႅၼ်းသေးၶႃႈၸဝ်ႈၼၼ်ႉသေၵမ်းတီႈၶႃႈ။ၶဝ်ၼၼ်ႉႁႅင်းယႂ်ႇၼႃႇ သေၶႃႈၸဝ်ႈတီႈၶႃႈဢေႃႈ။
၇ ၶႅၼ်းတေႃႈၵႄႇသႄႇၼုၵ်ႈဢဝ်ဝိၺိၺ်ႇၶႃႈၸဝ်ႈ ဢွၵ်ႇသေၵႃႈၼႂ်းထွင်ႇႁႂ်ႈၶႃႈၸဝ်ႈလႆႈ ယွင်ႈယေႃးၼႃႇမႃႉၸိုဝ်ႈသဵင်ၸဝ်ႈႁဝ်းသေၵမ်းတီႈၶႃႈ။ၵွပ်ႈပိူဝ်ႈၸဝ်ႈႁဝ်းႁဵတ်းၵျေးၸူးတီႈၶႃႈၸဝ်ႈလႄႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းလႆႈဢွၼ်ၵၼ်လွမ်ႉလဵပ်ႈႁွပ်ႈၶႃႈၸဝ်ႈယူႇ တီႈၶႃႈဢေႃႈ။