၇၉
၁ ၽြႃးပဵၼ်ၸဝ်ႈတီႈၶႃႈ၊ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ၶဝ်ႈႁွတ်ႈၶဝ်ႈထိုင်ၵႃႈၼႂ်းဢမူၺ်ႇၸဝ်ႈႁဝ်းတီႈၶႃႈယဝ်ႉ။ၶဝ်လႆႈႁႂ်ႈပိၵ်ႉမၢၼ်ႇၸဝ်ႈႁဝ်းဢၼ်မူတ်းၸၢင်ႇၼၼ်ႉၵူဝ်ႈၵိူၵ်ႇလႄႈ ၵိူၼ်ႇယႃႉဝဵင်းယေႇရုသလႅမ်ႇ ပႅတ်ႈတီႈၶႃႈယဝ်ႉ။
၂ ၶဝ်ၼၼ်ႉဢဝ်တူဝ်တၢႆၶႃႈၸဝ်ႈႁဝ်းၶဝ်ဢွႆႇပၼ်တီႈၼူၵ်ႉၵၢင်ႁၢဝ်တင်းလၢႆလႄႈ ဢဝ်ၼိူဝ်ႉလိူတ်ႈၶဝ်ၸိူဝ်းဢၼ်ၸဝ်ႈႁဝ်းႁၵ်ႉပႅင်းၼၼ်ႉ ဢွႆႇပၼ် တီႈတူဝ်ထိူၼ်ႇႁၢႆႉတင်းလၢႆတီႈၶႃႈယဝ်ႉ။
၃ ၶဝ်ၼၼ်ႉဢဝ်လိူတ်ႈၶဝ်ထွၵ်ႇသႂ်ႇလဵပ်ႈႁွပ်ႈဝဵင်းယေႇရုသလႅမ်ႇ ၸိူဝ်ႉၼင်ႇၼမ်ႉၼၼ်ႉလႄႈ ဢမ်ႇမီးၵေႃႉဢၼ်သၢင်းၵျူဝ်ႇ တီႈၶႃႈ။
၄ ၶႃႈၸဝ်ႈႁဝ်းၶဝ်ပဵၼ်တီႈဢၼ်ၵူၼ်းႁိူၼ်းၸမ်ၵၼ်သေႉသွမ်ဢိၵ်ႇတင်း တီႈၵူၼ်းဢၼ်ယူႇႁိမ်းႁွမ်းၶႃႈၸဝ်ႈႁဝ်းၶဝ် ႁဵတ်းပျၢၵ်ႈႁဵတ်းၶူဝ်လႄႈ ယႃႉသရေႇၼၼ်ႉတီႈၶႃႈဢေႃႈ။
၅ ထႃႇဝရႃႉၽြႃးတီႈၶႃႈ၊ တၢင်းၸႂ်မႆႈၶႂ်ႈၸႃႉၸဝ်ႈႁဝ်းယင်းဢမ်ႇထၢတ်ႇဢမ်ႇယဵၼ်လႄႈတၵ်းဢွၵ်ႇယူႇၶိင်ႇၵႃႇလႃႉႁိုင်ၵႃႈႁိုဝ်တီႈၶႃႈ။ၸႂ်ၸဝ်ႈႁဝ်းယင်းဢမ်ႇပျေႇလႄႈ တၵ်းမႆႈမိူၼ်ၸိူဝ်ႉၼင်ႇၽႆးၼၼ်ႉယူႇၶိင်ႇၵႃႇ လႃႉႁိုင်ၵႃႈႁိုဝ်တီႈၶႃႈ။
၆ ၶႅၼ်းတေႃႈဢဝ်တၢင်းၸႂ်မႆႈၶႆႈၸႃႉၸဝ်ႈႁဝ်း ထွၵ်ႇႁိုဝ်ႈသႂ်ႇၵႃႈၼိူဝ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ဢမ်ႇႁူႉၸဝ်ႈႁဝ်းၸိူဝ်းၼၼ်ႉ ဢိၵ်ႇတင်းၵႃႈၼိူဝ်သိုင်ႇၸိုင်ႈဝၢၼ်ႈမိူင်း ဢၼ်ဢမ်ႇႁဵတ်းပထၼႃႇတီႈၼႃႇမႃႉၸိုဝ်ႈသဵင် ၸဝ်ႈႁဝ်းၸိူဝ်းၼၼ်ႉသေ ၵမ်းတီႈၶႃႈ။
၇ လွင်ႈမၼ်းၸမ်းၶဝ်ၼၼ်ႉၶူပ်းၵိၼ်မဵဝ်းယႃႇၵုပ်ႉလႄႈ ပႄႇၽဵဝ်ႈတီႈယူႇတီႈသဝ်းမၼ်းပႅတ်ႈ တီႈၶႃႈယဝ်ႉ။
၈ ယႃႇပေမၢတ်ႈတွင်းဢပျႅတ်ႈဢၼ်ပူႇပေႃႈၶႃႈၸဝ်ႈႁဝ်းၶဝ်ၽိတ်းပိူင်ႈမႅၼ်ႈၸိူဝ်းၼၼ်ႉ တီႈၶႃႈၸဝ်ႈႁဝ်းၶဝ်သေၵမ်းၶႃႈ။ၵွပ်ႈပိူဝ်ႈဢၼ်ၶႃႈၸဝ်ႈႁဝ်းၶဝ်မီးတၢင်းဢၼ်ၶျႃးတူၵ်းတီႈတႅမ်ႇ ၼႃႇလူင်လၢင်ၼၼ်ႉလႄႈ ၶႅၼ်းတေႃႈႁႂ်ႈၵရူႉၼႃႇၸဝ်ႈႁဝ်းၸွႆႈထႅမ် မႃႉၸႃႉၶၼ်ၶၼ်ၽႂ်းၽႂ်းသေၵမ်းတီႈၶႃႈ။
၉ ၽြႃးဢၼ်ၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်တီႈၶႃႈ၊ၶႅၼ်းတေႃႈထွၵ်ႈလူၺ်ႈ မုၼ်ၵုင်ႇၼႃႇမႃႉၸိုဝ်ႈသဵင်ၸဝ်ႈႁဝ်းၼၼ်ႉသေလႄႈၸွႆႈထႅမ်မႃႉၸႃႉသေၵမ်းတီႈၶႃႈ။ၵွပ်ႈပိူဝ်ႈၼႃႇမႃႉၸိုဝ်ႈသဵင်ၸဝ်ႈႁဝ်းၼၼ်ႉလႄႈ ၶႅၼ်းတေႃႈၵႄႇသႄႇၼုၵ်ႈဢဝ်ၶႃႈၸဝ်ႈႁဝ်းၶဝ်လႄႈ ႁူမ်ႇသုမ်ႇဢ ပျႅတ်ႈၶႃႈၸဝ်ႈႁဝ်းၶဝ်ဝႆႉသေၵမ်းတီႈၶႃႈ။
၁၀ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႆႈဢွၼ်ၵၼ်လၢတ်ႈလႄႈဝႃႈ၊- ၽြႃးပဵၼ်ၸဝ်ႈၶဝ်မီးၵႃႈ လႂ်ဝႃႈၼင်ႇၼႆၼင်ႇႁိုဝ်တီႈၶႃႈ။ၶႅၼ်းတေႃႈႁႂ်ႈလွင်ႈတၢင်းဢၼ်ၸီႇယၢင်ႇတြႃး ၽၢႆႇလိူတ်ႈၶႃႈၸဝ်ႈႁဝ်းၶဝ် ဢၼ်လႆႈၶၢမ်ႇတၢင်းဢၼ်ထွၵ်ႇပႅတ်ႈယဝ်ႉၼၼ်ႉထၢင်ႇသႃး ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်း လၢႆ၊ သိုဝ်ႈၼႃႈတႂ်ႈတႃၶႃႈႁဝ်းၶဝ်သေၵမ်းတီႈၶႃႈ။
၁၁ ၶႅၼ်းတေႃႈ ႁႂ်ႈသဵင်ၵေႃႉဢၼ်လႆႈၶၢမ်ႇတၢင်းဢၼ်ၶျုၵ်ႉဝႆႉၶင်းၶီၶင်းၽၢၼ်ၼၼ်ႉ ႁွတ်ႈထိုင်ၵႃႈတီႈၽၢႆႇၼႃႈၸဝ်ႈႁဝ်းသေၵမ်းတီႈၶႃႈ။ၶႅၼ်းတေႃႈပၼ်ၵတ်းယဵၼ်ၶျၢမ်းသႃႇ တီႈၶဝ်ၸိူဝ်းဢၼ်တၵ်းလႆႈတၢႆၼၼ်ႉၸွမ်းၵႃႈၼင်ႇဢၼ်မႅၼ်ႈၵၼ်တင်း တၢင်းဢၼ်တၼ်းၶူဝ်းၶႅၼ်မိုဝ်းၸဝ်ႈႁဝ်းယႂ်ႇၼႃႇၼၼ်ႉ သေၵမ်းတီႈၶႃႈ။
၁၂ ၶႅၼ်းတေႃႈ ဢဝ်ဢပျႅတ်ႈတၢင်းဢၼ်ၵူၼ်းႁိူၼ်းၸမ်ၵၼ်တင်းၶႃႈၸဝ်ႈႁဝ်းၶဝ်သေႉသွမ်းၼၼ်ႉ တွပ်ႇတႅၼ်းသႂ်ႇပၼ်ၵႃႈၼႂ်းၸႂ်ၶဝ်ဢူၵ်းၶဝ် တေႃႇထိုင်ႁွတ်ႈၸဵတ်း ပုၼ်ႊသေၵမ်းတီႈၶႃႈ။
၁၃ ၸဝ်ႈၽြႃးတီႈၶႃႈ၊ၼင်ႇၼၼ်လႄႈ ၶႃႈၸဝ်ႈႁဝ်းၶဝ်ဢၼ်ပဵၼ်ၵူၼ်းၸဝ်ႈႁဝ်းဢၼ်ဝႃႈ၊ ၽုင်သူဝ်းဢၼ်ယၢမ်ႈၵိၼ်ယူႇၵႃႈတီႈၸဝ်ႈႁဝ်းၸိူဝ်းၼႆႉ၊တၵ်းဢွၼ်ၵၼ်ယွင်ႈယေႃးၸဝ်ႈႁဝ်းယူႇတႃႇသေႇဢမ်ႇထၢတ်ႇလႄႈ ဢဝ်မုၼ်ၵျေးၸူးၸဝ်ႈႁဝ်းၽုၺ်ႇဢွၵ်ႇၼႄပျႃး တီႈၵူၼ်းၸိူဝ်းဢၼ်တၵ်းပဵၼ်မႃးသိုပ်ႇသိုပ်ႇတၢမ်ႈတၢမ်ႈၼၼ်ႉ တီႈၶႃႈဢေႃႈ။