၁၃၂
၁ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်း တႃႇဝိတ်ႉ ဢိၵ်ႇတင်းတုၵ်ႉၶႃႉတၢင်းၽၢၼ်ၵႃႈ ဢၼ်မၼ်းလႆႈၶၢမ်ႇၼၼ်ႉသေၵမ်းတီႈၶႃႈ။
၂ မၼ်းၼၼ်ႉတိူင်ႇဝႃႈတီႈထႃႇဝရႃႉၽြႃးလႄႈတိၵ်ႉထၢၼ်ႇတီႈၸဝ်ႈတၼ်းၶူဝ်းဢၼ်မဵဝ်းယႃႇၵုုပ်ႉ ၵူဝ်းၵႂၢႆႇၼၼ်ႉလႄႈ ဝႃႈ၊-
၃ ၶႃႈၸဝ်ႈတၵ်းဢမ်ႇၶဝ်ႈၵႃႈၼႂ်းႁိူၼ်းဢၼ်ၶႃႈၸဝ်ႈယူႇ၊ တၵ်းဢမ်ႇၶိုၼ်ႈၵႃႈၼိူဝ်ၶူင်ႇတီႈၼွၼ်းၶႃႈ ၸဝ်ႈ။
၄ ၸူဝ်ႈဢၼ်ၶႃႈၸဝ်ႈဢမ်ႇပႆႇထူပ်းပႆႇႁၼ်သုမ်ႉထဵင်တီႈဢၼ် ထႃႇဝရႃႉၽြႃး ၸဝ်ႈတၼ်းၶူဝ်းမဵဝ်းယႃႇၵုပ်ႉ ၵူဝ်းၵႂၢႆႇၼၼ်ႉၵိင်းဝၢပ်ႈယူႇၼၼ်ႉၸိုင် ၵဝ်ဢမ်ႇပၼ်ဢၶႂၢင်ႉ ႁႂ်ႈမၢၵ်ႇတႃၶႃႈၸဝ်ႈလႆႈၼွၼ်းလပ်းၵႂႃႇ ၼၼ်ႉ၊ဝႃႈၼင်ႇၼႆဢေႃႈ။
၅ ႁဝ်းလႆႈငိၼ်းလွင်ႈဢၼ်သုမ်ႉထဵင်ၸဝ်ႈၼၼ်ႉမီးၵႃႈၼႂ်းတီႈ ဢေႇၽရၢတ်ႉၼၼ်ႉ ယဝ်ႉ။
၆ ႁဝ်းလႆႈထူပ်းႁၼ်ၵႃႈၼႂ်းထိူၼ်ႇပႃႇမႆႉပႃႇၸဵင်ႇ ၼၼ်ႉယဝ်ႉ။
၇ ဢွၼ်ၵၼ်ၶဝ်ႈၸူးၵႃႈၼႂ်းတီႈဢၼ်မၼ်းၸဝ်ႈၵိင်းဝၢပ်ႈယူႇၼၼ်ႉသေလႄႈ ၶုပ်ႉမူပ်ႇၵူဝ်းၵႂၢႆႇၵႃႈတီႈၶူင်ႇတီႈတၢင်ႇတိၼ်မၼ်းၸဝ်ႈၼၼ်ႉတႃႉႁဝ်း။
၈ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၸဝ်ႈႁဝ်း ဢိၵ်ႇတင်းတိူၵ်ႈထမ်ႇမႃႉဢၼ်ၸၢပ်ႈသႅင်ႇၵၼ်တင်း မုၼ်တၼ်းၶူဝ်းၸဝ်ႈႁဝ်းၼၼ်ႉၶိုၼ်ႈၸူး ၵႃႈတီႈဢၼ်ၸဝ်ႈ ႁဝ်းၵိင်းဝၢပ်ႈယူႇၼၼ်ႉသေၵမ်းတီႈၶႃႈ။
၉ ႁႂ်ႈယိတ်ႉပရေႃးႁိၵ်ႈၸဝ်ႈႁဝ်းတင်းလၢႆၼုင်ႈမႆႊတၢင်းဢၼ်သိုဝ်ႈတေႃႇၼၼ်ႉလႄႈ ႁႂ်ႈၶဝ်ၸိူဝ်းဢၼ်ၸဝ်ႈႁဝ်းႁၵ်ႉပႅင်းၼၼ်ႉႁဵတ်းၵႂၢမ်းသိူဝ်းသိူဝ်းသႂၢင်ႇသႂၢင်ႇ သေၵမ်းလူၺ်ႈ။
၁၀ ၵွပ်ႈပိူဝ်ႈဢၼ်ထွၵ်ႈလူၺ်ႈၼႃႈၶႃႈၸဝ်ႈႁဝ်း တႃႇဝိတ်ႉၼၼ်ႉလႄႈ ယႃႇပေႁႂ်ႈၼႃႈၵေႃႉဢၼ်ၸဝ်ႈႁဝ်းပၼ်ၽိၵ်ႉသိၵ်ႈၼၼ်ႉဝၢႆႇပႅတ်ႈ သေၵမ်းတီႈၶႃႈ။
၁၁ ၵႂၢမ်းဢၼ်ထႃႇဝရႃႉၽြႃး ႁဵတ်းတိၵ်ႉထၢၼ်ႇ တၢင်းဢၼ်တိူင်ႇဝႃႈတီႈတႃႇဝိတ်ႉလႄႈဢမ်ႇယႃႉသႅတ်ႈၸႃႇၼၼ်ႉၸမ်း-ၵဝ်တၵ်းဢဝ်မၢၵ်ႇဢၼ်မၢၵ်ႇမႃးၵႃႈၼႂ်းတွင်ႉမႂ်းၼၼ်ႉ တၢင်ႇၵႃႈၼိူဝ်ပလၢင်ႇမႂ်းဢေႃႈ။
၁၂ ပေႃးလုၵ်ႈမႂ်းလၢင်းမႂ်း ပႂ်ႉၵမ်ပႂ်ႉၸွမ်းပတိၺိၺ်ႇတြႃးၵဝ် ဢိၵ်ႇတင်း လွင်ႈတၢင်းဢၼ်ၵဝ်ၶၢမ်ႇသၢၵ်ႈသေႇဢၼ်ၵဝ်သွၼ်ပၼ်တီႈမႂ်းၼၼ်ႉၸိုင် လုၵ်ႈၶဝ်လၢင်းၶဝ်ၼၼ်ႉၵေႃႈ တၵ်းလႆႈၼင်ႈၵႃႈၼိူဝ်ပလၢင်ႇမႂ်းယူႇတႃႇသေႇဢမ်ႇထၢတ်ႇဢေႃႈ၊ ဝႃႈၼင်ႇၼႆဢေႃႈ။
၁၃ ထႃႇဝရႃႉၽြႃးလိူၵ်ႈၵဵပ်းဢဝ်ဝဵင်းၸိဢုၼ်ႇ လႄႈမီးဢလူဝ်ႇ ႁႂ်ႈပဵၼ်တီႈယူႇမၼ်းၸဝ်ႈ သေႇသေႇၼၼ်ႉလႄႈဝႃႈ၊- ဝဵင်းၼႆႉၸမ်းပဵၼ်တီႈဢၼ်ၵဝ်တၵ်းၵိင်း ဝၢပ်ႈယူႇသေႇသေႇဢေႃႈ။
၁၄ ၵွပ်ႈပိူဝ်ႈဢၼ်ၵဝ်မီးဢလူဝ်ႇလႄႈၵဝ်တၵ်းယူႇၵႃႈတီႈၼႆႉဢေႃႈ။ၵဝ်တၵ်းယဵင်ႈၶႅၼ်းလိူဝ်တွၼ်းသေလႄႈပၼ်တၢင်းလီတီႈ ဢႁႃႇရႃႉတၢင်း ၵိၼ်မၼ်းဢေႃႈ။
၁၅ ၵဝ်တၵ်းလဵင်ႉလူၶဝ်ၸိူဝ်းဢၼ်ဢိုပ်းဢၼ်ယၢၵ်ႈဢၼ်မီးတီႈမၼ်းၼၼ်ႉ ဢိမ်ႇဢိမ်ႇတဵမ် တဵမ်ဢေႃႈ။
၁၆ ၵဝ်တၵ်းႁႂ်ႈယိတ်ႉပရေႃးႁိၵ်ႈမၼ်းၸိူဝ်းၼၼ်ႉၼုင်ႈမႆႊႁင်ႈၶိူင်ႈ တၢင်းဢၼ်ၵႄႇသႄႇၶျွတ်ႈဢဝ်ၼၼ်ႉလႄႈ ၵူၼ်းမူတ်းၸၢင်ႇမၼ်းၸိူဝ်းၼၼ်ႉတၵ်းဢွၼ်ၵၼ် ႁဵတ်းသဵင်ဢၼ်ယႂ်ႇၼႃႇသေလႄႈ ႁဵတ်း ၵႂၢမ်း သိူဝ်းသိူဝ်းသႂၢင်ႇသႂၢင်ႇဢေႃႈ။
၁၇ ၵဝ်တၵ်းႁႂ်ႈၶဝ်လႅမ်တႃႇဝိတ်ႉ ဢွၵ်ႇၵႃႈတီႈၼၼ်ႉဢေႃႈ။ၵဝ်မႄးႁႅၼ်းၵွၵ်းၽႆးဝႆႉ ပုၼ်ႈၵေႃႉဢၼ်ၶၢမ်ႇၽိၵ်ႉသိၵ်ႈတီႈၵဝ်ၼၼ်ႉ ယဝ်ႉ။
၁၈ ၵဝ်တၵ်းဢဝ်တၢင်းဢၼ်ဢူၵ်းဢၼ်ဢၢႆၼုင်ႈပၼ်တီႈ ရၢၼ်ႇသူႇမၼ်းၸိူဝ်းၼၼ်ႉလႄႈ သရၽူႇမၼ်းတၵ်းႁိူဝ်ႈႁိူင်းယူႇၵႃႈၼိူဝ်ႁူဝ်မၼ်းဢေႃႈ၊ ဝႃႈၼင်ႇၼႆဢေႃႈ။