၄၆
၁ ၽြႃးပဵၼ်ၸဝ်ႈ ပဵၼ်ႁႅင်းတၼ်းၶူဝ်းလႄႈ ပဵၼ်တီႈဢၼ်ႁဝ်းဢိင်ပိုင်ႈ ဢိၵ်ႇတင်းလွင်ႈဢၼ်မႃႉၸႃႉၸွႆႈထႅမ်ၼႃႇလူင်လၢင် ၼႂ်းၶိင်ႇမိူဝ်ႈဢၼ်ၽေးႁွတ်ႈထိုင် ၼၼ်ႉဢေႃႈ။
၂ ပိူဝ်ႈၼႆလႄႈပဵၵ်ႉသမ်ႉပထဝီႇလိၼ်မိူင်းၼႆႉသုတ်ႉၶၢႆႉတီႈလႄႈ လွႆတင်းလၢႆသၼ်ႇသၼ်ႇသၢႆသၢႆယူႇၵႃႈၼႂ်းၵၢင်ၼမ်ႉသမ်ႇမုၵ်ႉတြႃႇၵႂႃႇ ၼမ်ႉသမ်ႇမုၵ်ႉတြႃႇ ၼၼ်ႉမေႃးႁိုင်ႈႁိုင်ႈႁင်ႈႁင်ႈသေလႄႈ
၃ ၶုၼ်ႇဢူၼ်ၵႂႃႇလွႆတင်းလၢႆသၼ်ႇဝႆတူင်ႉၼိုင်ၶွၼ်းၶဝ်ႇၵႂႃႇ ၵွပ်ႈပိူဝ်ႈလွင်ႈတၢင်းဢၼ်လႅင်းၼမ်ႉပိူပ်ႇၼမ်ႉလုၵ်ႉၶိုၼ်ႈသုင်ၼႃႇၼၼ်ႉသေၵေႃႈႁဝ်းဢမ်ႇၵူဝ်ဢမ်ႇႁႄ။ၸေႇလႃႇ။
၄ မီးမေႈၼမ်ႉမေႈၼိုင်ႈ ၼမ်ႉမၼ်းဢၼ်လႆၼၼ်ႉႁႂ်ႈ
ဝဵင်းၽြႃးပဵၼ်ၸဝ်ႈ တီႈဢၼ်မူတ်းၸၢင်ႇၵႃႈၼႂ်းတီႈဢၼ်ၽြႃးဢၼ်သုင်ၼႃႇသေပိူၼ်ႈ ၵိင်းဝၢပ်ႈ ယူႇၼၼ်ႉၸူမ်းသိူဝ်းဢေႃႈ။
၅ ၽြႃးပဵၼ်ၸဝ်ႈၵိင်းဝၢပ်ႈယူႇၵႃႈၼႂ်းၵၢင်ဝဵင်းၼၼ်ႉလႄႈ ဝဵင်းၼၼ်ႉဢမ်ႇလႆႈမီးတၢင်းဢၼ်သၼ်ႇဢၼ်ဝႆ။ၽြႃးပဵၼ်ၸဝ်ႈတၵ်းၸွႆႈထႅမ်မႃႉၸႃႉမၼ်း ၶိင်ႇႁူဝ်ၼႂ်မိူဝ်ႈဢၼ်မိူင်းၸႃႉလႅင်း ၼၼ်ႉဢေႃႈ။
၆ မဵဝ်းၵူၼ်းတင်းလၢႆဢွၼ်ၵၼ်မေႃးၼၼ်းယူႇႁိုင်ႈႁိုင်ႈႁင်ႈႁင်ႈလႄႈ သိုင်ႇၸိုင်ႈဝၢၼ်ႈမိူင်းတင်းလၢႆဢွၼ်ၵၼ်သၼ်ႇဝႆယူႇဢေႃႈ။မၼ်းၸဝ်ႈပွႆႇသဵင်ပျႃႇတိၵ်ႈၸဝ်ႈလႄႈ လိၼ်မိူင်းၼႆႉ ပဵၼ်ၼမ်ႉၵႂႃႇဢေႃႈ။
၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉ မီးယူႇလူၺ်ႈၵၼ်တင်းႁဝ်းလႄႈ ၽြႃးပဵၼ်ၸဝ်ႈမဵဝ်းယႃႇၵုပ်ႉၼၼ်ႉပဵၼ်တီႈဢၼ်ႁဝ်းဢိင်ပိုင်ႈဢေႃႈ။
၈ ဢွၼ်ၵၼ်မႃးလႄႈ လူႈတူၺ်းလွင်ႈတၢင်းဢၼ်ထႃႇဝရႃႉၽြႃးၸီႇယၢင်ႇႁဵတ်းဝႆႉလႄႈ ပႄႇၽဵဝ်ႈပႅတ်ႈၵႃႈ ၼိူဝ်လိၼ်မိူင်းၼႆႉၸိူဝ်းၼၼ်ႉတႃႉ။
၉ မၼ်းၸဝ်ႈႁႂ်ႈဢမူႉသိုၵ်းယဵၼ် တေႃႇထိုင်ႁွတ်ႈတီႈသုတ်းလိၼ်မိူင်းၼႆႉယူႇႁၵ်းၵၢင်ႇပႅတ်ႈယူႇတႅပ်းႁွၵ်ႇႁႂ်ႈ ပဵၼ်ပွတ်းပဵၼ်တွတ်းပႅတ်ႈယူႇဢဝ်ၽႆးတုတ်ႇလေႃႉရထႃးတင်းလၢႆယူႇ ဢေႃႈ။
၁၀ ဢွၼ်ၵၼ်ယူႇၼိမ်ၼိမ်လီလီသေလႄႈႁူႉၸႅင်ႈလွင်ႈဢၼ်ၵဝ်ပဵၼ်ၽြႃးပဵၼ်ၸဝ်ႈၼၼ်ႉတႃႉ။ၵဝ်တၵ်းၶၢမ်ႇတၢင်းဢၼ်ယုၵ်ႉယွင်ႈ ၵႃႈၼႂ်းမဵဝ်းၵူၼ်းတင်းလၢႆလႄႈ ၵဝ်တၵ်းၶၢမ်ႇတၢင်းဢၼ်ယုၵ်ႉယွင်ႈၵႃႈၼိူဝ်မိူင်း ၼႆႉဢေႃႈ။
၁၁ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢၼ်ပဵၼ်ၸဝ်ႈမဵဝ်းယႃႇၵုပ်ႉ ၼၼ်ႉပဵၼ်တီႈဢၼ်ႁဝ်းဢိင်ပိုင်ႈဢေႃႈ။ၸေႇလႃႇ။