၆၃
၁ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈတီႈၶႃႈဢေႃႈ။ၶႃႈၸဝ်ႈၵျူဝ်းၸႃးလႄႈႁႃၸဝ်ႈႁဝ်းတီႈၶႃႈဢေႃႈ။ဝိၺိၺ်ႇၶႃႈၸဝ်ႈတွင်ႉမႆႈၸဝ်ႈႁဝ်းလႄႈ တူဝ်ၶၼ်ႇထႃႇၶႃႈၸဝ်ႈၵေႃႈၸႂ်ထိုင်ၸဝ်ႈႁဝ်းယူႇၵႃႈတီႈၼႂ်းပၢင်ႇဢၼ်ႁႅင်ႈႁွင်ဝႆႉလႄႈ ႁိူဝ်ႉဢူၼ်ႈယူႇ သေလႄႈဢမ်ႇမီးၼမ်ႉၼၼ်ႉတီႈၶႃႈဢေႃႈ။
၂ ပိူဝ်ႈၼႆလႄႈၶႃႈၸဝ်ႈလႆႈ ယႅၵ်ႉတူၺ်းၸဝ်ႈႁဝ်း ၵႃႈတီႈၼႂ်းထႃႇၼႃႉတီႈဢၼ်မူတ်းၸၢင်ႇၼၼ်ႉ ၸိူဝ်ႉၼင်ႇၼၼ်ယူႇႁႂ်ႈလႆႈႁၼ်မုၼ်တၼ်းၶူဝ်းဢႃႇၼူႉၽေႃႇၸဝ်ႈႁဝ်း တီႈ ၶႃႈယဝ်ႉ။
၃ ၵွပ်ႈပိူဝ်ႈဢၼ်ၵရူႉၼႃႇၸဝ်ႈႁဝ်းယဵင်ႈၶႅၼ်းလီၼႃႇသေဢသၢၵ်ႈလႄႈ သူပ်းၶႃႈၸဝ်ႈတၵ်းယွင်ႈ ယေႃးၸဝ်ႈႁဝ်းတီႈၶႃႈဢေႃႈ။
၄ ၼင်ႇၼၼ်လႄႈၼႂ်းမိူဝ်ႈဢၼ်ဢသၢၵ်ႈၶႃႈၸဝ်ႈ ယင်းတိုၵ်ႉလိပ်းယူႇၼၼ်ႉၶႃႈၸဝ်ႈ တၵ်းယွင်ႈယေႃးပၼ်တၢင်းလီတီႈၸဝ်ႈႁဝ်းလႄႈ ၶႃႈၸဝ်ႈတၵ်းဢိင်ပိုင်ႈၼႃႇမႃႉၸိုဝ်သဵင်ၸဝ်ႈ ႁဝ်းသေလႄႈယုၵ်ႉမိုဝ်းဝႆႉတီႈၶႃႈဢေႃႈ။
၅ ဝိၺိၺ်ႇၶႃႈၸဝ်ႈတၵ်းဢိမ်ႇလီတဵမ်လီ မိူၼ်ၸိူဝ်ႉၼင်ႇဢၼ်ၵိၼ်ၵွၼ်ႈၶႆၵွၼ်ႈမၼ်းဢိၵ်ႇတင်း ၼိူဝ်ႉဢၼ်ပီးလီမၼ်းလီၼၼ်ႉလႄႈ သူပ်းၶႃႈၸဝ်ႈ တၵ်းပႃးဢဝ်တင်းသဵင်ဢၼ်သႂၢင်ႇသိူဝ်းၼၼ်ႉ ယွင်ႈယေႃးၸဝ်ႈႁဝ်းတီႈၶႃႈ ဢေႃႈ။
၆ မိူဝ်ႈဢၼ်ၶႃႈၸဝ်ႈၶုၵ်းၸႂ်လႆႈၶႆႈၸႂ်ထူပ်းၸဝ်ႈႁဝ်းၵႃႈၼိူဝ်တီႈၼွၼ်းၼၼ်ႉၸိုင် ၶႃႈၸဝ်ႈၶႆႈၸႂ်ဝူၼ်ႉၸႂ်လူၺ်ႈလွင်ႈၸဝ်ႈႁဝ်းၼႂ်းၶိင်ႇၵၢင်ၶိုၼ်း မိူဝ်ႈဢၼ် လိုၵ်းၼၼ်ႉတီႈၶႃႈဢေႃႈ။
၇ ပိူဝ်ႈဢၼ်ၸဝ်ႈႁဝ်းၸွႆႈထႅမ်မႃႉၸႃႉၶႃႈၸဝ်ႈလႄႈၶႃႈၸဝ်ႈတၵ်းသိူဝ်းပျေႃႇၵႃႈ ၼႂ်းႁူမ်ႊပိၵ်ႇၸဝ်ႈႁဝ်းတီႈၶႃႈဢေႃႈ။
၈ ဝိၺိၺ်ႇၶႃႈၸဝ်ႈဢိင်ပိုင်ႈၸဝ်ႈႁဝ်းယူႇလႄႈ မိုဝ်းၶွၼ်ၶႂႃၸဝ်ႈႁဝ်းၼၼ်ႉ ၵမ်ႉထွၵ်ႈၶႃႈၸဝ်ႈယူႇတီႈၶႃႈဢေႃႈ။
၉ ၶဝ်ၸိူဝ်းဢၼ်ႁႃဢဝ်ဢသၢၵ်ႈၶႃႈၸဝ်ႈ ႁႂ်ႈလႆႈယႃႉပႅတ်ႈၼၼ်ႉတၵ်းလႆႈလူင်းၵႂႃႇၵႃႈတီႈတႂ်ႈလိၼ်မိူင်းၼႆႉ တီႈၶႃႈဢေႃႈ။
၁၀ ၶဝ်တၵ်းလႆႈသုမ်းလူၺ်ႈလၢပ်ႇလူၺ်ႈလႅဝ်းလႄႈ ပဵၼ်ပုၼ်ႈဢၼ်မႃလိၼ်တၵ်းၵိၼ်တၵ်းၶူပ်းၼၼ်ႉ တီႈၶႃႈ ဢေႃႈ။
၁၁ ၶုၼ်ႁေႃၶမ်းၸမ်းတၵ်းသိူဝ်းပျေႃႇၵႃႈၼႂ်းၽြႃးပဵၼ်ၸဝ်ႈဢေႃႈ။ၶဝ်ၸိူဝ်းဢၼ်ဢဝ်မၼ်းၸဝ်ႈႁဵတ်းတၢင်းဢၼ်တိူင်ႇဢၼ်ဝႃႈ တင်းသဵင်ႈတင်းလူင်ၼၼ်ႉ တၵ်းလႆႈဢုပ်ႇဝၢဝ်းဢေႃႈ။သူပ်းၶဝ်ၸိူဝ်းဢၼ်လၢတ်ႈၵႂၢမ်းမူႉသႃႇၼၼ်ႉၸမ်းတၵ်းလႆႈၶၢမ်ႇတၢင်းဢၼ်တူမ်းဢေႃႈ။