၇၃
၁ ၽြႃးပဵၼ်ၸဝ်ႈၵျေးၸူးယႂ်ႇၼႃႇ ဢမၢၼ်ႇၶၼ်ပဵၼ်တီႈမဵဝ်းဢိသရေႇလ၊ ဢၼ်ပဵၼ်ၶဝ်ၸိူဝ်းဢၼ်ႁူဝ်ၸႂ် မူတ်းသႂ်ၼၼ်ႉဢေႃႈ။
၂ ၵဝ်ၸမ်းလႆႈမီးတၢင်းဢၼ်တိၼ်ၵဝ်ၸမ်တၵ်းပၢတ်ႈလႄႈ ႁွႆးတိၼ်ၵေႃႈတၵ်းပိူင်ႈၵႂႃႇ ယဝ်ႉ။
၃ လွင်ႈမၼ်းၸမ်းမိူဝ်ႈဢၼ်ၵဝ်ႁၼ်ၸေးၸိမ်ႇၶဝ်ၸိူဝ်းဢၼ်ဢမ်ႇတြႃးၼၼ်ႉ ၵဝ်လႆႈမီးတၢင်းဢၼ်သီႇၵေႉႁေႈတႃၶဝ်ၸိူဝ်းဢၼ်မႃႇၼႃႉၸႂ်သုင်လႄႈ လူႈလၢႆ ၼၼ်ႉဢေႃႈ။
၄ ၶဝ်ၼၼ်ႉဢမ်ႇမီးဝူၺ်ႇတၼႃႇတၢင်းဢၼ်ၸဵပ်းဢၼ်ၶိုၼ်ႈ တေႃႇထိုင်ႁွတ်ႈထၼ်ႈပေႃးတၢႆလႄႈ မီးဢဵၼ်မီးႁႅင်း ဢၼ်ၵႅၼ်ႇၶႅင်ၼၼ်ႉယူႇ ဢေႃႈ။
၅ ၶဝ်ၼၼ်ႉ ဢမ်ႇမီးတုၵ်ႉၶႃႉမိူၼ်ၸိူဝ်ႉၼင်ႇပိူၼ်ႈတၢင်ႇၵေႃႉ။ၶဝ်ဢမ်ႇလႆႈၶၢမ်ႇတၢင်းဢၼ်ယႃႉဢၼ် ယူၵ်ႉမိူၼ်ၸိူဝ်ႉၼင်ႇၵူၼ်းတင်းလၢႆလႆႈၶၢမ်ႇၼၼ်ႉ။
၆ ပိူဝ်ႈၼႆလႄႈ မႃႇၼႃႉၶဵၼ်းႁွပ်ႈၶဝ်ဝႆႉမိူၼ်ၸိူဝ်ႉၼင်ႇၶိူင်ႈပႃးၶေႃးၼၼ်ႉလႄႈ တၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉၼုင်ႈႁေႃႇၶဝ်ဝႆႉ မိူၼ်ၸိူဝ်ႉၼင်ႇၶူဝ်းၼုင်ႈၼၼ်ႉ ဢေႃႈ။
၇ ၵွပ်ႈပိူဝ်ႈဢၼ်ပီးလီမၼ်းလီၼၼ်ႉလႄႈတႃၶဝ်ထၼ်ႈပေႃးတူၺ်ႇပေႃးပွင်းလႄႈ တၢင်းဢၼ်ႁူဝ်ၸႂ် ၶဝ်ၵျၢမ်ႇပွင်ၼၼ်ႉၸၢင်ႊလူၼ်ႉၵႂႃႇလိူဝ်ၵႂႃႇဢေႃႈ။
၈ ၶဝ်ၸၢင်ႊႁဵတ်းပျၢၵ်ႈႁဵတ်းၶူဝ်လႄႈ မီးတင်းတၢင်းဢၼ်ႁၢႆႉဢၼ်ႁူၵ်ႉၼၼ်ႉသေလႄႈ လၢတ်ႈလူၺ်ႈလွင်ႈတၢင်း ဢၼ်ၼိၵ်ႈၸၢၵ်ႈငႅၼ်းသေးၼၼ်ႉဢေႃႈ။
၉ ၶဝ်ၸၢင်ႊဢဝ်ၵႂၢမ်းမႃႇၼႃႉၸႂ်သုင်လၢတ်ႈဢေႃႈ။ၶဝ်ၸၢင်ႊဢဝ်သူပ်းၶဝ် ဝႆႉၵႃႈၼိူဝ်ၽႃႉၵၢင်ႁၢဝ်လႄႈ လိၼ်ႉၶဝ်ၵေႃႈၸၢင်ႊလႄႇၵႂႃႇလႄႇမႃးယူႇၵႃႈၼိူဝ်လိၼ်မိူင်းၼႆႉ ဢေႃႈ။
၁၀ ပိူဝ်ႈၼႆလႄႈၵူၼ်းမၼ်းၸဝ်ႈတင်းလၢႆၶိုၼ်းမိူဝ်းၸူးၵႃႈတီႈၼၼ်ႉလႄႈလႆႈဢိုၵ်ႉလႆႈၵိၼ်ၼမ်ၼႃႇ ဢေႃႈ။
၁၁ ၶဝ်လၢတ်ႈလႄႈဝႃႈ၊- ၽြႃးပဵၼ်ၸဝ်ႈတၵ်းႁူႉလႆႈၸိူဝ်ႉၼင်ႇႁိုဝ်။ၺၢၼ်ႇတၵ်းမီးၵႃႈတီႈၽြႃးဢၼ်သုင်ၼႃႇသေပိူၼ်ႈၼၼ်ႉႁိုဝ်၊ ဝႃႈၼင်ႇၼႆဢေႃႈ။
၁၂ တူၺ်းလူႊ ၶဝ်ၼၼ်ႉပဵၼ်ၵူၼ်းဢၼ်ဢမ်ႇတြႃးလႄႈပိူဝ်ႈဢၼ်ၶဝ်လႆႈလီလႆႈပဵၼ်ယူႇ တႃႇသေႇၼၼ်ႉလႄႈၶဝ်မီးတၢင်းဢၼ်ဢုၵ်ႉၸႃႇယႂ်ႇၽႄၼမ်မႃးဢေႃႈ။
၁၃ ပဵၵ်ႉသမ်ႉၵဝ်ႁႂ်ႈႁူဝ်ၸႂ်မူတ်းၸၢင်ႇသေၵေႃႈ ဢမ်ႇမီးဢၵျူဝ်းဢမၢၼ်ႇၶၼ်ပဵၼ်လႄႈပဵၵ်ႉသမ်ႉၵဝ်ဢဝ်တင်းတၢင်းဢၼ်ၵၢင်းလွတ်ႈဢပျႅတ်ႈၼၼ်ႉလႄႈ သုၵ်ႈသီ မိုဝ်းၵဝ်သေၵေႃႈဢမ်ႇမီးဢၵျူဝ်း။
၁၄ ၵဝ်လႆႈၶၢမ်ႇတၢင်းဢၼ်ယႃႉယူၵ်ႉယူႇတင်းဝၼ်းတင်းဝၼ်းလႄႈ လႆႈၶၢမ်ႇ တၢင်းဢၼ်သင်ႇသွၼ်သုင်းမႃႉယူႇၵူႈၼႂ်ဢေႃႈ။
၁၅ သင်ၶႃႈၸဝ်ႈလႆႈဝႃႈ၊ၵဝ်တၵ်းလၢတ်ႈၸိူဝ်ႉၼင်ႇၼၼ်ဢေႃႈ၊ဝႃႈၼင်ႇၼႆၸိုင် ၶႃႈၸဝ်ႈတၵ်းႁွတ်ႈထိုင်တၢင်းဢၼ်ႁဵတ်းဢၼ်ပႅတ်ႉဢၼ်လႅၼ် တီႈမဵဝ်းၵူၼ်းၸဝ်ႈ ႁဝ်းတင်းလၢႆၼၼ်ႉတီႈၶႃႈဢေႃႈ။
၁၆ မိူဝ်ႈဢၼ်ၶႃႈၸဝ်ႈၶႆႈၸႂ်ဝူၼ်ႉၸႂ်ႁႂ်ႈလႆႈႁူႉလွင်ႈတၢင်းၼၼ်ႉၸိုင် ပဵၼ်တၢင်းဢၼ်ယၢပ်ႇၼႃႇၽိုတ်ႇၼႃႇတီႈၶႃႈၸဝ်ႈတီႈၶႃႈ ဢေႃႈ။
၁၇ လိုၼ်းၼၼ်ႉၶႃႈၸဝ်ႈၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇၽြႃးပဵၼ်ၸဝ်ႈလႄႈ လႆႈႁူႉတီႈသုတ်းတီႈ ၵွႆၶဝ်တီႈၶႃႈဢေႃႈ။
၁၈ ၸဝ်ႈႁဝ်းဢဝ်ၶဝ်ဝႆႉၵႃႈၼႂ်းတီႈဢၼ်မိုၼ်ႈၼၼ်ႉဢမၢၼ်ႇၶၼ်ပဵၼ်လႄႈ ၸဝ်ႈႁဝ်းဢဝ်ၶႃႈၶျႃးတူၵ်းသႂ်ႇၵႃႈၼႂ်း တၢင်းဢၼ်လူႉဢၼ်လႅဝ် ၼၼ်ႉတီႈၶႃႈဢေႃႈ။
၁၉ ၼႂ်းၸူဝ်ႈဢွၼ်ႇၵႅပ်ႉဢွၼ်ႇၼိုင်ႈၵူၺ်းၼၼ်ႉၶဝ်လႆႈလူႉလႅဝ်ၵႂႃႇၵမ်းလဵဝ်တီႈၶႃႈယဝ်ႉလူင်ပေႇ။ၶဝ်မီး တၢင်းဢၼ်လူႉၵႂႃႇႁၢႆၵႂႃႇမူတ်းမူတ်းသဵင်ႈသဵင်ႈ ၵွပ်ႈပိူဝ်ႈၽေးဢူးပၢတ်ႈတင်းလၢႆတီႈၶႃႈ ယဝ်ႉလူင်ပေႇ။
၂၀ ၸဝ်ႈၽြႃးတီႈၶႃႈ၊ၸိူဝ်ႉၼင်ႇဢၼ်ၵူၼ်းမၢတ်ႈတွင်းတၢင်းဢၼ်ၼွၼ်းၽၼ်ႁၼ် မိူဝ်ႈဢၼ်မၼ်းတိုၼ်ႇမႃးၼၼ်ႉ မိူဝ်ႈဢၼ်ၸဝ်ႈႁဝ်းတိုၼ်ႇမႃးၼၼ်ႉၸိုင်၊ ၸဝ်ႈႁဝ်းတၵ်းႁဵတ်းဢမ်ႇပေႃးၼင်ႇႁိုဝ် တီႈပုင်ႇႁၢင်ႊၶဝ်ၼၼ်ႉတီႈၶႃႈဢေႃႈ။
၂၁ ၼင်ႇၼၼ်လႄႈၶႃႈၸဝ်ႈ မီးတၢင်းဢၼ်ႁူဝ်ၸႂ်ၸဵပ်းၼႃႇလႄႈ လႆႈၶၢမ်ႇတၢင်းဢၼ်ၸူၵ်ႉသဵပ်ႇသႂ်ႇတီႈမၢၵ်ႇလၼ်းၶႃႈ ၸဝ်ႈၼၼ်ႉယူႇတီႈၶႃႈဢေႃႈ။
၂၂ ၶႃႈၸဝ်ႈပဵၼ်ၵူၼ်းဢၼ်မိူၵ်ႈ ၵူၼ်းဢၼ်ဢမ်ႇမီးပိင်ႇၺႃႇၼၼ်ႉတီႈၶႃႈဢေႃႈ။ပဵၼ်ၸိူဝ်ႉၼင်ႇတရိၵ်ႈသၢၼ်ႇယူႇ ၵႃႈတီႈၽၢႆႇၼႃႈ ၸဝ်ႈႁဝ်းတီႈၶႃႈဢေႃႈ။
၂၃ ၵူၺ်းၵႃႈ ၶႃႈၸဝ်ႈမီးယူႇၵႃႈတီႈၸဝ်ႈႁဝ်းတႃႇသေႇလႄႈ ၸဝ်ႈႁဝ်းယိပ်းၵမ်မိုဝ်း ၶွၼ်ၶႂႃၶႃႈၸဝ်ႈတီႈၶႃႈဢေႃႈ။
၂၄ ၸဝ်ႈႁဝ်းတၵ်းပၼ်ၺၢၼ်ႇတီႈၶႃႈၸဝ်ႈလႄႈ ဢဝ်ၶႃႈၸဝ်ႈသူင်ႇတီႈၶႃႈဢေႃႈ။လိုၼ်းၼၼ်ႉၸဝ်ႈႁဝ်းတၵ်းသိမ်းဢဝ်ၶႃႈၸဝ်ႈ ၵႂႃႇၵႃႈၼႂ်းမုၼ်ၽုင်းတီႈၶႃႈဢေႃႈ။
၂၅ လိူဝ်သေၸဝ်ႈႁဝ်းၼႆႉ ၵႃႈၼိူဝ်ၽုင်ႇၵၢင်ႁၢဝ်ပုၼ်ႉၼၼ်ႉၶႃႈၸဝ်ႈတၵ်းမီးၽူႈ လႂ်တီႈၶႃႈ။လိူဝ်သေၸဝ်ႈႁဝ်းၼႆႉၵႃႈၼိူဝ်လိၼ်မိူင်းၼႆႉၶႃႈၸဝ်ႈဢမ်ႇမီးဢလူဝ်ႇတီႈၽူႈ လႂ်တီႈၶႃႈ။
၂၆ ၼိူဝ်ႉလိူတ်ႈၶႃႈၸဝ်ႈ ဢိၵ်ႇတင်းႁူဝ်ၸႂ်ၶႃႈၸဝ်ႈလူႉၵႂႃႇတီႈၶႃႈဢေႃႈ။ၵူၺ်းၵႃႈၽြႃးပဵၼ်ၸဝ်ႈပဵၼ်မၢၵ်ႇႁိၼ်မၢၵ်ႇၽႃႁူဝ်ၸႂ်ၶႃႈၸဝ်ႈ၊ ပဵၼ်ပုၼ်ႈတႃႇၶႃႈၸဝ်ႈယူႇ တႃႇသေႇဢမ်ႇထၢတ်ႇတီႈၶႃႈဢေႃႈ။
၂၇ တူၺ်းတီႈၶႃႈလူ၊ ၶဝ်ၸိူဝ်းဢၼ်ယူႇတီႈဢၼ်ၵႆတင်းၸဝ်ႈႁဝ်းၼၼ်ႉတၵ်းႁွတ်ႈထိုင်တၢင်းလူႉတၢင်းလႅဝ်တီႈၶႃႈဢေႃႈ။ၸဝ်ႈႁဝ်းတၵ်းယႃႉပႄႇပႅတ်ႈ ၶဝ်ၸိူဝ်းဢၼ်ၽၢတ်ႇယၢၼ်ၵၼ်တင်းၸဝ်ႈႁဝ်းလႄႈ ၽိတ်းပိူင်ႈၵႂႃႇတင်း သဵင်ႈတင်းလူင်ၸိူဝ်းၼၼ်ႉတီႈၶႃႈဢေႃႈ။
၂၈ ၶႃႈၸဝ်ႈၸမ်း တၢင်းဢၼ်သုတ်ႉၸပ်းသုတ်ႉၸူးတီႈၽြႃးပဵၼ်ၸဝ်ႈၼၼ်ႉ ပဵၼ်ဢၼ်လီပုၼ်ႈၶႃႈၸဝ်ႈတီႈၶႃႈဢေႃႈ။ၶႃႈၸဝ်ႈၸႂ်လီလူၺ်ႈၸဝ်ႈထႃႇဝရႃႉၽြႃး ႁႂ်ႈလႆႈဢဝ်လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉတင်းသဵင်ႈတင်းလူင်ၼၼ်ႉမွၵ်ႇလၢတ်ႈတီႈၶႃႈဢေႃႈ။