၁၁၂
၁ ႁႃႇလေႇလုယႃႇ။ၵေႃႉဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးလႄႈ မူၼ်ႈပျေႃႇယူႇၼႂ်းပိင်းၺၢပ်ႈမၼ်းၸဝ်ႈ ၼၼ်ႉမီးမင်ႇၵလႃႇဢေႃႈ။
၂ ၸိူဝ်ႉၶိူဝ်းမၼ်းတၵ်းႁႅင်းယႂ်ႇၼႃႇၵႃႈၼိူဝ်လိၼ်မိူင်းၼႆႉလႄႈမဵဝ်းၶဝ်ၸိူဝ်းဢၼ်သိုဝ်ႈလီယူဝ်းလီၼၼ်ႉ တၵ်းမီးမင်ႇၵလႃႇဢေႃႈ။
၃ ၸေးၸိမ်ႇဢုၵ်ႉၸႃႇ လိူင်ၼမ်ၼႃႇၵႃႈၼႂ်းႁိူၼ်းမၼ်းလႄႈ တၢင်းသိုဝ်ႈတေႃႇမၼ်းတႄႇယူႇတႃႇသေႇဢမ်ႇ ထၢတ်ႇဢေႃႈ။
၄ ဢၼ်လႅင်းၸၢင်ႊပေႃႇဢွၵ်ႇတႆႈႁိူဝ်ႈၵႃႈၼႂ်းဢၼ်လပ်းသိင်ႇ ပုၼ်ႈၶဝ်ၸိူဝ်းဢၼ်သိုဝ်ႈလီယူဝ်းလီၼၼ်ႉလႄႈ ၵူၼ်းၸိူဝ်ႉၼင်ႇၼၼ်ၼၼ်ႉၸၢင်ႊမီးၸႂ်ဢၼ်ႁဵတ်းၵျေးၸူး ဢိၵ်ႇတင်းၸႂ်ဢၼ်ဢိတ်း လူႁၵ်ႉပႅင်းလႄႈႁဵတ်းၸွမ်းၼင်ႇတြႃးဢေႃႈ။
၅ ၵေႃႉဢၼ်မီးၸႂ်ၵရူႉၼႃႇလႄႈၸၢင်ႊပၼ်ၵူႈပၼ်ယိမ်ၼၼ်ႉ တၵ်းလႆႈလီလႆႈပဵၼ်လႄႈ တၵ်းမီးတၢင်းဢၼ်ပႄႉၼႅင်ႇၼႂ်း မိူဝ်ႈဝၼ်းဢၼ်တႅပ်းတတ်းတြႃးၼၼ်ႉဢေႃႈ။
၆ မၼ်းတၵ်းၵၢင်းလွတ်ႈတင်း တၢင်းဢၼ်ၶွၼ်းဢၼ်ဝႆၼၼ်ႉယူႇတႃႇသေႇလႄႈ ၵေႃႉဢၼ်သိုဝ်ႈတေႃႇၼၼ်ႉ တၵ်းပဵၼ်ပုၼ်ႈဢၼ် တၵ်းၶုၵ်းၸႂ်လႆႈၶႆႈၸႂ်ထူပ်းယူႇတႃႇ သေႇဢမ်ႇထၢတ်ႇဢေႃႈ။
၇ မၼ်းတၵ်းဢမ်ႇလႆႈၵူဝ်လႆႈႁႄသတၢင်းသဵင်ၶၢဝ်ႇ ဢၼ်ဢမ်ႇလီဢမ်ႇငၢမ်းၼၼ်ႉလႄႈ ႁူဝ်ၸႂ်မၼ်းၸၢင်ႊတႄႇၼိမ်ယူႇ ၵႃႈၼႂ်းထႃႇ ဝရႃႉၽြႃးဢေႃႈ။
၈ ႁူဝ်ၸႂ်မၼ်းပဵၼ်ဢၼ်မၼ်ႈၶိူင်ႇယူႇလႄႈ မၼ်းတၵ်းၵၢင်းလွတ်ႈ တင်းတၢင်းဢၼ်ၵူဝ်ဢၼ်ႁႄယူႇ တေႃႇထိုင်ႁွတ်ႈထၼ်ႈပေႃးမၼ်းလႆႈႁၼ် တၢင်းဢၼ်ပႄႉၼႅင်ႇၵႃႈၼိူဝ်ရၢၼ်ႇသူႇမၼ်းၸိူဝ်း ၼၼ်ႉဢေႃႈ။
၉ မၼ်းၽႄမၼ်းၸွၼ်းယဝ်ႉ။မၼ်းယိုၼ်ႈမၼ်းမႅင်ႇတီႈ ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉယဝ်ႉ။တၢင်းသိုဝ်ႈတေႃႇမၼ်းတႄႇယူႇတႃႇသေႇဢမ်ႇထၢတ်ႇလႄႈ ၶဝ်လႅမ်မၼ်းမီးတၢင်းဢၼ်ဢဝ်တင်း မုၼ်သရေႇယုၵ်ႉယွင်ႈဝႆႉဢေႃႈ။
၁၀ ၵေႃႉဢၼ်ဢမ်ႇတြႃးၼၼ်ႉတၵ်းႁၼ်လႄႈ မီးတၢင်းဢၼ်ၸဵပ်းၸႂ်ဢေႃႈ။တၵ်းၵတ်းၶဵဝ်ႈၵတ်းၽၢၼ်ႈသေလႄႈၸိူမ်ႈႁၢႆၵႂႃႇလႄႈ ဢလူဝ်ႇၶဝ်ၸိူဝ်းဢၼ်ဢမ်ႇတြႃးၼၼ်ႉတၵ်းလႆႈလူႉလႆႈလႅဝ်ဢေႃႈ။