၁၂၅
၁ ၶဝ်ၸိူဝ်းဢၼ်ဢိင်ပိုင်ႈ ထႃႇဝရႃႉၽြႃးယူႇၼၼ်ႉပဵၼ်ၸိူဝ်ႉၼင်ႇလွႆၸိဢုၼ်ႇ ဢၼ်ယင်းဢမ်ႇသၼ်ႇဢမ်ႇ ၶွၼ်းလႆႈလႄႈတႄႇယူႇသေႇသေႇၼၼ်ႉဢေႃႈ။
၂ ၸိူဝ်ႉၼင်ႇဢၼ်သၼ်လွႆတေးလွႆလွမ်ႉႁွပ်ႈ ဝဵင်းယေႇရုသလႅမ်ႇယူႇၼၼ်ႉ ထႃႇဝရႃႉၽြႃး လွမ်ႉႁွပ်ႈၵူၼ်းမၼ်းၸဝ်ႈတင်းလၢႆယူႇ ၸႃႉၸဵမ်တေႃႈလဵဝ်ၼႆႉၵႂႃႇ တႃႇ သေႇဢမ်ႇထၢတ်ႇဢေႃႈ။
၃ လွင်ႈၼင်ႇႁိုဝ်ၶဝ်ၸိူဝ်းဢၼ်သိုဝ်ႈတေႃႇၼၼ်ႉ တၵ်းဢမ်ႇလႆႈယိုၼ်ႈမိုဝ်းၸူးၵႃႈတီႈတူႉၸရိူၵ်ႈၸိုင် ၵၼ်းႁွၵ်ႇ ၶဝ်ၸိူဝ်းဢၼ်ဢမ်ႇတြႃးၼၼ်ႉ တၵ်းဢမ်ႇလႆႈတႄႇယူႇၵႃႈၼိူဝ်ၶဝ်ၸိူဝ်းဢၼ်သိုဝ်ႈတေႃႇၼၼ်ႉ။
၄ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁဵတ်းၵျေးၸူးတီႈၶဝ်ၸိူဝ်းဢၼ်လီဢၼ်ငၢမ်း ဢိၵ်ႇတင်းၶဝ်ၸိူဝ်းဢၼ် ႁူဝ်ၸႂ်သိုဝ်ႈလီယူဝ်းလီၼၼ်ႉသေၵမ်းတီႈၶႃႈ။
၅ ၶဝ်ၸိူဝ်းဢၼ်ဝေႈပိူင်ႈဢွၵ်ႇၵႂႃႇၸွမ်း သဵၼ်ႈတၢင်းဢၼ်ၵူတ်ႉဢၼ်ငွၵ်းၼၼ်ႉၸမ်း ထႃႇဝရႃႉၽြႃးတၵ်းဢဝ်ႁႂ်ႈၵႂႃႇလူၺ်ႈၵၼ်တင်း ၶဝ်ၸိူဝ်းဢၼ်ႁဵတ်းဢမ်ႇတြႃးၼၼ်ႉဢေႃႈ။ႁႂ်ႈတၢင်းဢၼ်တဵတ်ႇလီၼိမ်လီမီးတီႈမဵဝ်းဢိသရေႇလသေၵမ်းလူၺ်ႈ။