၁၉
၁ ၽႃႉၵၢင်ႁၢဝ်မွၵ်ႇလၢတ်ႈၼႄ မုၼ်ၽုင်းၽြႃးပဵၼ်ၸဝ်ႈလႄႈ ၼႃႈၽႃႉၼႄပျႃးလၢႆးမိုဝ်းမၼ်းၸဝ်ႈဢေႃႈ။
၂ ဝၼ်းၼိုင်ႈယဝ်ႉဝၼ်းၼိုင်ႈ ၶဝ်မီးတၢင်းလၢတ်ႈလႄႈၶိုၼ်းၼိုင်ႈယဝ်ႉၶိုၼ်းၼိုင်ႈၶဝ်မီးတၢင်းဢၼ်သင်ႇ သွၼ်ယူႇဢေႃႈ။
၃ ဢမ်ႇမီးၶေႃႈၵႂၢမ်းဢၼ်ဢမ်ႇငိၼ်း လႆႈၼၼ်ႉ။
၄ သဵင်ၶဝ်ၸွတ်ႇတူဝ်ၵႂႃႇၵႃႈၼိူဝ်လိၼ်မိူင်းၵူႈတီႈၵူႈလႅၼ်လႄႈ ၵႂၢမ်းၶဝ်ၼၼ်ႉၵေႃႈႁွတ်ႈထိုင်ၵႂႃႇတေႃႇထိုင်ၵႃႈတီႈႁိမ်းလိၼ်သုတ်းပုၼ်ႉဢေႃႈ။ၵႃႈၼိူဝ်ၸိူဝ်းၼၼ်ႉၸိုင် မၼ်းၸဝ်ႈဢဝ်ႁိူၼ်းၵၢင်ဝၼ်းဝႆႉဢေႃႈ။
၅ ၵၢင်ဝၼ်းၼၼ်ႉ ပဵၼ်ၸိူဝ်ႉၼင်ႇၵူၼ်းသွင်ႇမင်ႇၵလႃႇဢၼ်ဢွၵ်ႇမႃးၵႃႈၼႂ်းလုၵ်းႁိူၼ်းမၼ်းၼၼ်ႉလႄႈၸူမ်းသိူဝ်းၶႂ်ႈၶုၼ်ႇလႅၼ်ႈၸွမ်းသဵၼ်ႈတၢင်းဢၼ်မၼ်းၵႂႃႇ မိူၼ်ၸိူဝ်ႉၼင်ႇၵေႃႉဢၼ်ႁႅင်းယႂ်ႇၼၼ်ႉဢေႃႈ။
၆ မၼ်းဢွၵ်ႇမႃးသေၵႃႈတီႈ လႅၼ်သုတ်းၽႃႉၵၢင်ႁၢဝ်တီႈသုတ်းၼိုင်ႈသေယဝ်ႉ လဵပ်ႈၵႂႃႇတေႃႇထိုင်ႁွတ်ႈတီႈသုတ်းၼိုင်ႈလႄႈလွင်ႈတၢင်းဢၼ်ထိမ်ႇမႅပ်းလႄႈၵၢင်းလွတ်ႈတင်းတၢင်းဢၼ်ႁွၼ်ႉ ဢၼ်မႆႈမၼ်းၼၼ်ႉဢမ်ႇမီးသေၸိူဝ်ႉသေပိူင်။
၇ တြႃးထႃႇဝရႃႉၽြႃးပဵၼ်ၸဝ်ႈၸမ်း ၸေးၸုမ်ႇလႄႈၸၢင်ႊၶိုၼ်းႁဵတ်းၶိုၼ်းမႄးၸႂ်ဝိၺိၺ်ႇဢေႃႈ။လွင်ႈတၢင်းဢၼ်ၶၢမ်ႇသၢၵ်ႈသေႇ ထႃႇဝရႃႉၽြႃးၼၼ်ႉပဵၼ်ဢၼ်မၢၼ်ႇဢၼ်မႅၼ်ႈလႄႈ ၸၢင်ႊႁႂ်ႈၶဝ်ၸိူဝ်းဢၼ်ဢမ်ႇလၵ်းဢမ်ႇလႅမ်ၼၼ်ႉ လၵ်းလႅမ်မႃးဢေႃႈ။
၈ ၼႄးဢူႉပတေႇထႃႇဝရႃႉၽြႃးၸိူဝ်းၼၼ်ႉ ပဵၼ်ဢၼ်သိုဝ်ႈလီယူဝ်းလီလႄႈ ၸၢင်ႊႁႂ်ႈႁူဝ်ၸႂ်မီးတၢင်းဢၼ်ၸူမ်းဢၼ်သိူဝ်းဢေႃႈ။ပိင်းၺၢပ်ႈထႃႇဝရႃႉၽြႃးၼၼ်ႉပဵၼ်ဢၼ်သႂ်ၸၢင်ႇလႄႈ ၸၢင်ႊႁႂ်ႈမၢၵ်ႇတႃပၢင်ႇလီ လႅင်းလီဢေႃႈ။
၉ ၸႂ်သၽေႃးဢၼ်ၵူဝ်ယမ်ထႃႇဝရႃႉၽြႃးၼၼ်ႉ ပဵၼ်ဢၼ်မူတ်းသႂ်လႄႈ တႄႇယူႇသေႇသေႇဢေႃႈ။တၢင်းဢၼ်ထႃႇဝရႃႉၽြႃးၸီႇယၢင်ႇၸိူဝ်းၼၼ်ႉ မႅၼ်ႈတင်းသႅတ်ႈၸႃႇတြႃးလႄႈ သိုဝ်ႈတေႃႇ ၽွမ်ႉပဵင်းၵၼ်ဢေႃႈ။
၁၀ လိူဝ်တွၼ်းၼႃႇသေၶမ်းဢမ်ႇၵႃးလိူဝ်တွၼ်းၼႃႇသေၶမ်းလွတ်ႈငၢၼ်ႇ ၼမ်ၼႃႇၼၼ်ႉလႄႈ ပဵၼ်ဢၼ်လီထုၵ်ႇၸႂ်ၵျိူၵ်ႈၸႂ်ၼႃႇလူင်လၢင်လႄႈ လိူဝ်တွၼ်းၼႃႇသေၼမ်ႉၽိုင်ႈဢမ်ႇၵႃး လိူဝ်တွၼ်းၼႃႇသေႁူဝ်ၼမ်ႉၽိုင်ႈၼၼ်ႉလႄႈ ပဵၼ်ဢၼ် ဝၢၼ်ၼႃႇလူင်လၢင်ဢေႃႈ။
၁၁ ၵွပ်ႈပိူဝ်ႈၸိူဝ်းၼၼ်ႉလႄႈၶႃႈၸဝ်ႈႁဝ်းပၢင်ႇၸႂ်လႅင်းၸႂ်လႄႈ ၵွပ်ႈပိူဝ်ႈဢၼ်ပႂ်ႉၸွမ်းၸိူဝ်းၼၼ်ႉလႄႈ ဢၵျူဝ်းယႂ်ႇၼႃႇလူင်လၢင်တီႈ ၶႃႈဢေႃႈ။
၁၂ ၽူႈ လႂ်တၵ်းႁူႉလွင်ႈတၢင်းဢၼ်တူဝ်ၸဝ်ႈၵဝ်ႇၽိတ်းပိူင်ႈၸိူဝ်းၼၼ်ႉလႆႈ။ၶႅၼ်းတေႃႈႁႂ်ႈၶႃႈၸဝ်ႈၵၢင်းလွတ်ႈတင်းဢပျႅတ်ႈတူႉၸရိူၵ်ႈ ဢၼ်ဢမ်ႇထၢင်ႇ သႃးၸိူဝ်းၼၼ်ႉသေၵမ်းတီႈၶႃႈ။
၁၃ ၶႅၼ်းတေႃႈႁႄႉၶႅၼ်ႁႂ်ႈၶႃႈၸဝ်ႈဢမ်ႇလႆႈႁဵတ်းတူႉၸရိူၵ်ႈဢပျႅတ်ႈ ဢၼ်ၸပ်းၸွႆးၸိူဝ်းၼၼ်ႉသေၵမ်းတီႈၶႃႈ။ယႃႇပေႁႂ်ႈၸိူဝ်းၼၼ်ႉလႆႈဢုပ်ႉပိူင်ႇၶႃႈၸဝ်ႈသေၵမ်းတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇၼၼ်လႄႈ ၶႃႈၸဝ်ႈတၵ်းမီးတၢင်းဢၼ်ၵၢင်းလွတ်ႈတင်းတၢင်းဢၼ်ၽိတ်းပိူင်ႈ ယႂ်ႇၼႃႇလူင်လၢင်ၼၼ်ႉတီႈၶႃႈဢေႃႈ။
၁၄ ဢူဝ်း၊ထႃႇဝရႃႉၽြႃး၊မၢၵ်ႇႁိၼ်မၢၵ်ႇၽႃၵဝ်ၶႃႈ၊ ၸဝ်ႈဢၼ်ထူတ်ႇၼုၵ်ႈဢဝ်ၵဝ် ၶႃႈတီႈၶႃႈ၊ ၶႅၼ်းတေႃႈႁႂ်ႈၵႂၢမ်းဢွၵ်ႇသူပ်းၶႃႈၸဝ်ႈဢိၵ်ႇတင်း တၢင်းၵျၢမ်ႇတၢင်းပွင်ႁူဝ်ၸႂ်ၶႃႈၸဝ်ႈၸိူဝ်းၼၼ်ႉ ပဵၼ်လွင်ႈဢၼ်လီထုၵ်ႇၸႂ်ၵျိူၵ်ႈၸႂ်ၵႃႈတီႈၽၢႆႇၼႃႈၸဝ်ႈႁဝ်း သေၵမ်းတီႈၶႃႈ။