၁၄၃
၁ ထႃႇဝရႃႉၽြႃးတီႈၶႃႈ ၶႅၼ်းတေႃႈထွမ်ႇဢဝ်ပထၼႃႇၶႃႈၸဝ်ႈလႄႈ ဝၢႆႇႁူႁေႈႁူၸူးၵႂၢမ်းဢၼ်ၶႃႈၸဝ်ႈလဝ်ႈယွၼ်းၼၼ်ႉသေၵမ်းတီႈၶႃႈ။ၶႅၼ်းတေႃႈၸွမ်းၵႃႈၼင်ႇဢၼ်သႅတ်ႈၸႃႇ ဢိၵ်ႇတင်းတၢင်းဢၼ်သိုဝ်ႈတေႃႇၸဝ်ႈႁဝ်းမီးၼၼ်ႉလႄႈ ၶိုၼ်းဢိူဝ်ႈၶႃႈၸဝ်ႈသေ ၵမ်းတီႈၶႃႈ။
၂ ၶႅၼ်းတေႃႈယႃႇပထေူပ်းတြႃးၵၼ်တင်းၶႃႈၸဝ်ႈႁဝ်းသေၵမ်းတီႈၶႃႈ။ၽူႈ လႂ်သေဢမ်ႇဝႃႈၵေႃႉဢၼ်ဢသၢၵ်ႈလိပ်းယူႇၼၼ်ႉဢမ်ႇႁွတ်ႈထိုင်လႆႈတၢင်းဢၼ်မူတ်းၸၢင်ႇၵၢင်းလွတ်ႈတင်းဢပျႅတ်ႈ ၼၼ်ႉတီႈၶႃႈ။
၃ ရၢၼ်ႇသူႇၼိၵ်ႈၸၢၵ်ႈငႅၼ်းသေးဝိၺိၺ်ႇၶႃႈၸဝ်ႈလႄႈ တဵၵ်းယဵပ်ႇဢသၢၵ်ႈၶႃႈၸဝ်ႈတေႃႇထိုင်ၼိူဝ်လိၼ်သေလႄႈ ႁႂ်ႈၶႃႈၸဝ်ႈယူႇၵႃႈၼႂ်းလပ်းသိင်ႇမိူၼ်ၸိူဝ်ႉၼင်ႇ ၶဝ်ၸိူဝ်းဢၼ်တၢႆယဝ်ႉႁိုင်ၼႃႇၼၼ်ႉ တီႈၶႃႈဢေႃႈ။
၄ ၶႃႈၸဝ်ႈၸႂ်လူႉလႄႈႁူဝ်ၸႂ်ၶႃႈၸဝ်ႈ တႅၵ်ႇလႅဝ်ၵႂႃႇတီႈၶႃႈဢေႃႈ။
၅ ၶႃႈၸဝ်ႈၶုၵ်းၸႂ်လႆႈၶႆႈၸႂ်ထူပ်းမိူဝ်ႉဝၼ်း ဢၼ်ပူၼ်ႉမႃးယဝ်ႉမိူဝ်ႈၵွၼ်ႇဢွၼ်ၼၼ်ႉလႄႈ ၶႆႈၸႂ်လူၺ်ႈလွင်ႈတၢင်းဢၼ်ၸဝ်ႈ ႁဝ်းၸီႇယၢင်ႇႁဵတ်းဝႆႉၵူႈၸိူဝ်ႉၵူႈပိူင်လႄႈ ဝူၼ်ႉၸႂ်လူၺ်ႈလွင်ႈတၢင်းဢၼ်ၸဝ်ႈႁဝ်း ဢဝ်မိုဝ်းၸဝ်ႁဝ်းႁဵတ်းဝႆႉၸိူဝ်း ၼၼ်ႉတီႈၶႃႈဢေႃႈ။
၆ ၶႃႈၸဝ်ႈယဵတ်ႇမိုဝ်းၶႃႈၸဝ်ႈၸူးတီႈၸဝ်ႈႁဝ်းတီႈၶႃႈဢေႃႈ။ဝိၺိၺ်ႇၶႃႈၸဝ်ႈတွင်ႉမႆႈၸဝ်ႈႁဝ်း ၸိူဝ်ႉၼင်ႇလိၼ်ဢၼ်ႁႅင်ႈႁွင်ၼၼ်ႉတီႈၶႃႈဢေႃႈ။ၸေႇလႃႇ။
၇ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၸဵဝ်းၶိုၼ်းဢိူဝ်ႈၶႃႈၸဝ်ႈသေၵမ်းတီႈၶႃႈ။ၶႃႈၸဝ်ႈၸႂ်လူႉတီႈၶႃႈယဝ်ႉ။ၶႅၼ်းတေႃႈ ယႃႇပဝေၢႆႇၼႃႈပႅတ်ႈၶႃႈၸဝ်ႈ ႁႂ်ႈၶႃႈၸဝ်ႈပဵၼ်ၸိူဝ်ႉၼင်ႇ ၶဝ်ၸိူဝ်းဢၼ်လူင်းၵႂႃႇၵႃႈၼႂ်း ၶုမ်ၼႂ်းႁူးၼၼ်ႉသေၵမ်းတီႈၶႃႈ။
၈ ၶႅၼ်းတေႃႈႁႂ်ႈၶႃႈၸဝ်ႈလႆႈငိၼ်းၵႂၢမ်းၵရူႉၼႃႇၸဝ်ႈႁဝ်း ၶိင်ႇၵၢင်ၼႂ်ၸဝ်ႉၸဝ်ႉသေၵမ်းတီႈၶႃႈ။ၶႃႈၸဝ်ႈဢိင်ပိုင်ႈၸဝ်ႈႁဝ်းယူႇတီႈၶႃႈဢေႃႈ။ၶႅၼ်းတေႃႈႁႂ်ႈၶႃႈၸဝ်ႈႁူႉ သဵၼ်ႈတၢင်းဢၼ်ၶႃႈၸဝ်ႈတၵ်းလႆႈၵႂႃႇၼၼ်ႉ သေၵမ်းတီႈၶႃႈ။ၶႃႈၸဝ်ႈယုၵ်ႉယွင်ႈႁူဝ် ၸႂ်ၶႃႈၸဝ်ႈၸူးတီႈၸဝ်ႈႁဝ်း ၶႃႈဢေႃႈ။
၉ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၵႄႇသႄႇၼုၵ်ႈဢဝ်ၶႃႈၸဝ်ႈသေၵႃႈၼႂ်းမိုဝ်းရၢၼ်ႇသူႇတင်းလၢႆသေၵမ်းတီႈၶႃႈ။ၶႃႈၸဝ်ႈဢဝ်တူဝ်ၶႃႈၸဝ်ႈ သိူင်ႇမႅပ်းဝႆႉယူႇၵႃႈတီႈၸဝ်ႈႁဝ်းတီႈၶႃႈဢေႃႈ။
၁၀ ၶႅၼ်းတေႃႈသွၼ်ပၼ်ၶႃႈၸဝ်ႈႁႂ်ႈၶႃႈၸဝ်ႈလႆႈၸွမ်းဢလူဝ်ႇၸဝ်ႈႁဝ်းသေၵမ်းတီႈၶႃႈ။ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈတီႈၶႃႈဢေႃႈ။ႁႂ်ႈဝိၺိၺ်ႇၸဝ်ႈႁဝ်းဢၼ်မျၢတ်ႈလီၼၼ်ႉ ဢဝ်ၶႃႈၸဝ်ႈသူင်ႇၵႃႈတီႈဢၼ် ပၢင်ႇလီပဵင်းလီၼၼ်ႉသေၵမ်းလူၺ်ႈ။
၁၁ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁႂ်ႈၶႃႈၸဝ်ႈဢသၢၵ်ႈလိပ်းယူႇၵွပ်ႈပိူဝ်ႈၼႃႇမႃႉၸိုဝ်ႈသဵင်ၸဝ်ႈႁဝ်းသေၵမ်းတီႈၶႃႈ။ၶႅၼ်းတေႃႈၸွမ်း ၵႃႈၼင်ႇတၢင်းသိုဝ်ႈတေႃႇၸဝ်ႈႁဝ်းမီးၼၼ်ႉသေလႄႈ ၼုၵ်ႈဢဝ်ဝိၺိၺ်ႇၶႃႈၸဝ်ႈဢွၵ်ႇသေၵႃႈၼႂ်းတုၵ်ႉၶႃႉတၢင်းၽၢၼ်သေၵမ်းတီႈၶႃႈ။
၁၂ ၶႅၼ်းတေႃႈ ၸွမ်းၵႃႈၼင်ႇဢၼ်ၵရူႉၼႃႇၸဝ်ႈႁဝ်းမီးၼၼ်ႉသေလႄႈ ပႄႇၽဵဝ်ႈရၢၼ်ႇသူႇၶႃႈၸဝ်ႈတင်းလၢႆပႅတ်ႈမူတ်းမူတ်းသဵင်ႈသဵင်ႈလႄႈ ယႃႉပႅတ်ႈၶဝ်ၸိူဝ်းဢၼ်ၼိၵ်ႈၸၢၵ်ႈငႅၼ်းသေးၶႃႈၸဝ်ႈၼၼ်ႉ တင်းသဵင်ႈတင်းလူင်သေၵမ်းတီႈၶႃႈ။ၶႃႈၸဝ်ႈပဵၼ်ၶႃႈၸဝ်ႈႁဝ်းတီႈၶႃႈဢေႃႈ။