၂၆
၁ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈၸီႇယၢင်ႇတြႃးၽၢႆႇၶႃႈၸဝ်ႈ ၵွပ်ႈပိူဝ်ႈဢၼ်ၶႃႈၸဝ်ႈၸွမ်းၼႂ်းတၢင်းဢၼ်ၵၢင်းလွတ်ႈတင်းဢပျႅတ်ႈၼၼ်ႉသေၵမ်းတီႈၶႃႈ။ၶႃႈၸဝ်ႈဢိင်ပိုင်ႈထႃႇဝရႃႉၽြႃးယူႇလႄႈတၵ်းၵၢင်းလွတ်ႈတင်း တၢင်းဢၼ်ပၢတ်ႈလူမ်ႉတီႈၶႃႈ ဢေႃႈ။
၂ ထႃႇဝရႃႉၽြႃးတီႈၶႃႈ၊ၶႅၼ်းတေႃႈၸႅတ်ႈထၢမ်လႄႈ ၸၢမ်းတူၺ်းၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈႁႂ်ႈႁူဝ်ၸႂ် ဢိၵ်ႇတင်း မၢၵ်ႇလၼ်းၶႃႈၸဝ်ႈသႂ် ၸၢင်ႇသေၵမ်းတီႈၶႃႈ။
၃ ၵျေးၸူးမႅတ်ႈတႃႇၸဝ်ႈႁဝ်းမီးသိုဝ်ႈၼႃႈတႂ်ႈတႃၶႃႈၸဝ်ႈလႄႈၶႃႈၸဝ်ႈၸွမ်းသဵၼ်ႈတၢင်းသႅတ်ႈၸႃႇတြႃးၸဝ်ႈႁဝ်း တီႈၶႃႈဢေႃႈ။
၄ ၶႃႈၸဝ်ႈ ဢမ်ႇၼင်ႈယူႇလူၺ်ႈၵၼ်တင်း ၶဝ်ၸိူဝ်းဢၼ်ၸၢင်ႊသုင်းၸၢင်ႊလၢတ်ႈမူႉသႃႇၼၼ်ႉလႄႈၶႃႈၸဝ်ႈဢမ်ႇၶဝ်ႈပႃး ၵႃႈၼႂ်းမုၵ်ႉၼႂ်းၸိူဝ်းၶဝ်ၸိူဝ်း ဢၼ်ၸၢင်ႊထိမ်ႇၸၢင်ႊမႅပ်းၼၼ်ႉတီႈၶႃႈ။
၅ ၶႃႈၸဝ်ႈၸင်း ၶဝ်ၸိူဝ်းဢၼ်ၸူႉဢၼ်တုမ် ဢၼ်ဢမ်ႇတြႃးၸိူဝ်းၼၼ်ႉလႄႈ ၶႃႈၸဝ်ႈဢမ်ႇၼင်ႈယူႇလူၺ်ႈၵၼ် တင်းၶဝ်ၸိူဝ်းဢၼ်ႁုၵ်းဢၼ်ႁၢႆႉၼၼ်ႉတီႈၶႃႈ။
၆ ၶႃႈၸဝ်ႈ ဢဝ်တၢင်းဢၼ် ၵၢင်းလွတ်ႈတင်းဢပျႅတ်ႈၼၼ်ႉသုၵ်ႈမိုဝ်းလႄႈ လွမ်ႉႁွပ်ႈယိၸ်ႉပလၢင်ႇၸဝ်ႈႁဝ်း ယူႇႁႂ်ႈလႆႈႁဵတ်းတင်း သဵင်ဢၼ်ယွင်ႈယေႃးၵျေးၸူးၸဝ်ႈႁဝ်းမွၵ်ႇလၢတ်ႈလႄႈ
၇ ဢဝ်လွင်ႈတၢင်းဢၼ်လီဢၢမ်းၸဝ်ႈႁဝ်းတင်းလၢႆ ပၼ်ငိၼ်းၵႂႃႇတီႈၶႃႈဢေႃႈ။
၈ ထႃႇဝရႃႉၽြႃးတီႈၶႃႈ။ထႃႇဝရႃႉၽြႃးတီႈၶႃႈ၊ ၶႃႈၸဝ်ႈမူၼ်ႈၸႂ်ပျေႃႇၸႂ်ယူႇ ၼႂ်းတီႈဢၼ်ႁိူၼ်းၸဝ်ႈႁဝ်းတႄႇယူႇၼၼ်ႉ ဢိၵ်ႇတင်းၵႃႈၼႂ်းထႃႇၼႃႉတီႈဢၼ်မုၼ်ၽုင်းၸဝ်ႈႁဝ်းထၢင်ႇသႃးၼၼ်ႉတီႈၶႃႈ ဢေႃႈ။
၉ ၶႅၼ်းတေႃႈယႃႇပေၶျူၵ်ႈဝိၺိၺ်ႇၶႃႈၸဝ်ႈဝႆႉႁူမ်ႈလူၺ်ႈၵၼ်တင်း ၶဝ်ၸိူဝ်းဢၼ်ၽိတ်းပိူင်ႈၼၼ်ႉသေၵမ်းတီႈၶႃႈ။ၶႅၼ်းတေႃႈယႃႇပေၶျူၵ်ႈဢသၢၵ်ႈၶႃႈၸဝ်ႈဝႆႉႁူမ်ႈလူၺ်ႈၵၼ်တင်း ၶဝ်ၸိူဝ်းဢၼ်ထွၵ်ႇလိူတ်ႈ ပိူၼ်ႈပႅတ်ႈၼၼ်ႉသေၵမ်းတီႈၶႃႈ။
၁၀ ၵႃႈၼႂ်းမိုဝ်းၶဝ်ၼၼ်ႉမီးတၢင်းၵျၢမ်ႇတၢင်းပွင်ဢၼ်ဢမ်ႇလီလႄႈ မိုဝ်းၶွၼ်ၶႂႃၶဝ်ၵေႃႈ မီးတဵမ်ဝႆႉတင်းလၢၵ်ႈသွင်ႇတၼ်းသူဝ်းတီႈ ၶႃႈဢေႃႈ။
၁၁ ၶႃႈၸဝ်ႈၸမ်း တၵ်းၸွမ်းၵႃႈၼႂ်းတၢင်းဢၼ်ၶႃႈၸဝ်ႈၵၢင်းလွတ်ႈတင်းဢပျႅတ်ႈၼၼ်ႉ တီႈၶႃႈဢေႃႈ။ၶႅၼ်းတေႃႈထူတ်ႇၼုၵ်ႈဢဝ်ၶႃႈၸဝ်ႈလႄႈႁဵတ်းၵျေးၸူးတီႈၶႃႈၸဝ်ႈသေၵမ်းတီႈၶႃႈ။
၁၂ တိၼ်ၶႃႈၸဝ်ႈတူၵ်းတီႈတူၵ်းလႅၼ်ၵႃႈတီႈဢၼ်လိူမ်ႈလီပဵင်းလီလႄႈ တၵ်းယွင်ႈယေႃးပၼ်တၢင်းလီတီႈထႃႇဝရႃႉၽြႃး ၵႃႈၼႂ်းၵၢင်ပရိၵ်ႈသၢတ်ႈတင်းလၢႆဢေႃႈ။