၃၄
၁ ၵဝ်တၵ်းယွင်ႈယေႃး ပၼ်တၢင်းလီတီႈထႃႇဝရႃႉၽြႃးၵူႈၶိင်ႇၵူႈၶႃႇလႄႈ တၢင်းဢၼ်မွၵ်ႇလၢတ်ႈလွင်ႈမုၼ်ၵျေးၸူးမၼ်းၸဝ်ႈၼၼ်ႉ တၵ်းမီးယူႇတီႈသူပ်းၵဝ်တႃႇ သေႇဢမ်ႇထၢတ်ႇဢေႃႈ။
၂ ဝိၺိၺ်ႇၵဝ်တၵ်းဢိင်ပိုင်ႈထႃႇဝရႃႉၽြႃးသေလႄႈ ႁဵတ်းတၢင်းဢၼ်ဢုပ်ႇဝၢဝ်းလႄႈ ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉတၵ်းႁူႉငိၼ်းလႄႈၸူမ်းသိူဝ်းဢေႃႈ။
၃ ဢွၼ်ၵၼ်ယွင်ႈယေႃးထႃႇဝရႃႉၽြႃး လူၺ်ႈၵၼ်တင်းၵဝ်တႃႉ။ၽွမ်ႉၵၼ်ယုၵ်ႉယွင်ႈၼႃႇမႃႉၸိုဝ်ႈသဵင်မၼ်းၸဝ်ႈ တႃႉႁဝ်း။
၄ ၵဝ်ႁႃထႃႇဝရႃႉၽြႃးလႄႈမၼ်းၸဝ်ႈဢိူဝ်ႈၵဝ်ဢေႃႈ။မၼ်းၸဝ်ႈၵႄႇသႄႇၼုၵ်ႈဢဝ်ၵဝ်ဢွၵ်ႇသေၵႃႈၼႂ်းလွင်ႈတၢင်းဢၼ်ၵဝ်လီၵူဝ်လီႁႄ ၵႃႈမီးတင်း သဵင်ႈတင်းလူင်ၼၼ်ႉဢေႃႈ။
၅ ၶဝ်မုင်ထႃႈမွင်းထႃႈမၼ်းၸဝ်ႈယူႇလႄႈလႆႈဢၼ်လႅင်းဢေႃႈ။ၼႃႈၶဝ်ၵၢင်းလွတ်ႈတင်းတၢင်းဢၼ်ဢူၵ်းဢၼ်ဢၢႆဢေႃႈ။
၆ ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ ႁွင်ႉသႅၼ်ႇလႄႈထႃႇဝရႃႉၽြႃး ထွမ်ႇဢဝ်မၼ်းသေယဝ်ႉ၊ ၵႄႇသႄႇၶျွတ်ႈဢဝ်မၼ်းသေ ၵႃႈၼႂ်းတုၵ်ႉၶႃႉတၢင်းၽၢၼ်မၼ်း ၵူႈၸိူဝ်ႉၵူႈပိူင်ၼၼ်ႉဢေႃႈ။
၇ တမၢၼ်ႇၵၢင်ႁၢဝ်ထႃႇဝရႃႉၽြႃးၸၢင်ႊၶျႃးတပ်ႉ လဵပ်ႈႁွပ်ႈႁိမ်းႁွမ်းၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်းၸဝ်ႈၼၼ်ႉလႄႈ ၵႄႇသႄႇပွႆႇ ၶဝ်လွတ်ႈဢေႃႈ။
၈ ဢွၼ်ၵၼ်ၸိမ်းတူၺ်းလႄႈႁူႉလွင်ႈဢၼ်ထႃႇဝရႃႉၽြႃးမျၢတ်ႈလီၼႃႇၼၼ်ႉတႃႉ။ၵေႃႉဢၼ်သွၼ်ႈပိုင်ႈမၼ်းၸဝ်ႈၼၼ်ႉ မီးမင်ႇၵလႃႇဢေႃႈ။
၉ ၵူၼ်းဢၼ်မူတ်းၸၢင်ႇထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်ရူဝ်ႇသေႇၵူဝ်ယမ်ထႃႇဝရႃႉၽြႃးတႃႉ။တီႈၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်းၸဝ်ႈၼၼ်ႉ ဢမ်ႇမီးတၢင်း ဢၼ်လူဝ်ႇထႅင်ႈသေၸိူဝ်ႉသေပိူင်။
၁၀ သၢင်ႇသီႈၼုမ်ႇတင်းလၢႆၽၢၼ်ၵႅၼ်းၸုတ်ႈလုတ်ႈလႄႈ လႆႈၶၢမ်ႇတၢင်းဢၼ်ဢိုပ်းယၢၵ်ႈယူႇသေၵေႃႈ တီႈၶဝ်ၸိူဝ်းဢၼ်ႁႃထႃႇဝရႃႉၽြႃးၼၼ်ႉ ဢမ်ႇလူဝ်ႇထႅင်ႈ လွင်ႈတၢင်း ဢၼ် လီဢၼ်ငၢမ်းသေၸိူဝ်ႉသေပိူင်။
၁၁ လုၵ်ႈဢွၼ်ႇၶဝ်ဢိူၺ်း၊ ဢွၼ်ၵၼ်မႃးလႄႈထွမ်ႇဢဝ်ၵႂၢမ်းၵဝ်တႃႉ။ၵဝ်တၵ်းသင်ႇသွၼ်ပၼ်တြႃးဢၼ်ရူဝ်ႇသေႇ ၵူဝ်ယမ်ထႃႇဝရႃႉၽြႃးၼၼ်ႉ တီႈသူဢေႃႈ။
၁၂ ၽူႈ လႂ်ပဵၼ်ၵေႃႉဢၼ်မုင်မွင်းၶႂ်ႈလႆႈတၢင်းဢၼ်ဢသၢၵ်ႈလိပ်းလႄႈ ထုၵ်ႇၸႂ်ၵျိူၵ်ႈၸႂ် မိူဝ်ႉဝၼ်းၼမ်ၼႃႇႁႂ်ႈလႆႈထူပ်းႁၼ် လွင်ႈတၢင်းဢၼ်လီဢၼ်ငၢမ်းၼၼ်ႉၸမ်းႁႂ်ႈလိၼ်ႉၸဝ်ႈၵဝ်ႇ ၵၢင်းလွတ်ႈတင်းလွင်ႈတၢင်းဢၼ် ဢမ်ႇလီၼၼ်ႉတႃႉ။
၁၃ သူပ်းၸဝ်ႈၵဝ်ႇၵေႃႈယႃႇႁႂ်ႈလၢတ်ႈၵႂၢမ်းမူႉသႃႇ။ဝေႈပႅတ်ႈတူႉၸရိူၵ်ႈသေလႄႈႁဵတ်းသူႉၸ ရိူၵ်ႈတႃႉ။
၁၄ ႁႃတၢင်းဢၼ်ယူႇထုၵ်ႇထုၵ်ႇၵၼ်တင်းပိူၼ်ႈ တၢင်ႇၵေႃႉၼၼ်ႉသေလႄႈၸွမ်းႁႂ်ႈၶိုတ်းတႃႉ။
၁၅ မၢၵ်ႇတႃထႃႇဝရႃႉၽြႃး လူႈတူၺ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉယူႇဢေႃႈ။သဵင်ဢၼ်ၶဝ်ႁွင်ႉသႅၼ်ႇၼၼ်ႉၵေႃႈ ႁူမၼ်းၸဝ်ႈထွမ်ႇဢဝ်ယူႇဢေႃႈ။
၁၆ တီႈၶဝ်ၸိူဝ်းဢၼ်ႁဵတ်းတူႉၸရိူၵ်ႈၼၼ်ႉၸမ်း ထႃႇဝရႃႉၽြႃးဝၢႆႇၼႃႈဝၢႆႇတႃၸဝ်ႈပႅတ်ႈ ႁႂ်ႈလႆႈပႄႇပႅတ်ႈတီႈမၢတ်ႈတီႈတွင်းဢၼ်ၶုၵ်းၸႂ်လႆႈ ၶႆႈၸႂ်ထူပ်းၶဝ်ၼၼ်ႉသေ ၵႃႈၼိူဝ် လိၼ်မိူင်းၼႆႉဢေႃႈ။
၁၇ ၶဝ်ၸိူဝ်းဢၼ်သိုဝ်ႈတေႃႇၼၼ်ႉႁွင်ႉသႅၼ်ႇလႄႈ ထႃႇဝရႃႉၽြႃးထွမ်ႇဢဝ်သေယဝ်ႉ ၵႄႇသႄႇၼုၵ်ႈဢဝ်ၶဝ်ဢွၵ်ႇသေၵႃႈၼႂ်းတုၵ်ႉၶႃႉတၢင်း ၽၢၼ်ၶဝ်ၵူႈၸိူဝ်ႉၵူႈပိူင်ၼၼ်ႉဢေႃႈ။
၁၈ ထႃႇဝရႃႉၽြႃးယူႇၸမ်ၶဝ်ၸိူဝ်းဢၼ်ႁူဝ်ၸႂ်တႅၵ်ႇလႅဝ်ၼၼ်ႉလႄႈ မၼ်းၸဝ်ႈ ၵႄႇသႄႇၶျွတ်ႈဢဝ်ၶဝ်ၸိူဝ်းဢၼ် ႁူဝ်ၸႂ်ၶျႃး တႅမ်ႇမႆႈၸႂ်ၼၼ်ႉဢေႃႈ။
၁၉ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ လႆႈၶၢမ်ႇတုၵ်ႉၶႃႉတၢင်းၽၢၼ်ၼမ်ၼႃႇသေၵေႃႈထႃႇဝရႃႉၽြႃး ၵႄႇသႄႇၼုၵ်ႈဢဝ်ၶဝ်ဢွၵ်ႇသေၵႃႈၼႂ်းလွင်ႈတၢင်းၸိူဝ်းၼၼ်ႉ ၵူႈၸိူဝ်ႉၵူႈပိူင်ဢေႃႈ။
၂၀ မၼ်းၸဝ်ႈ ပႂ်ႉလူႈပႂ်ႉတူၺ်းလုပ်ႇမၼ်းၵႃႈမီးတင်းသဵင်ႈတင်းလူင်ယူႇလႄႈဢမ်ႇလႆႈႁၵ်းလႆႈလူႉသေလႅမ်ႈ သေဢၼ်။
၂၁ ၽေးရၢၼ်ႇတၵ်းဢဝ်ၵေႃႉဢၼ်ဢမ်ႇတြႃးၼၼ်ႉတၢႆလႄႈ ၶဝ်ၸိူဝ်းဢၼ်ၸင်းၵေႃႉဢၼ်သိုဝ်ႈတေႃႇၼၼ်ႉ တၵ်းလႆႈၶၢမ်ႇတၢင်းဢၼ်ၸီႇယၢင်ႇဢ ပျႅတ်ႈဢေႃႈ။
၂၂ ထႃႇဝရႃႉၽြႃးထူတ်ႇၼုၵ်ႈဢဝ်ဝိၺိၺ်ႇၶႃႈမၼ်းၸဝ်ႈတင်းလၢႆလႄႈ ၶဝ်ၸိူဝ်းဢၼ်သွၼ်ႈပိုင်ႈမၼ်းၸဝ်ႈယူႇၼၼ်ႉ ဢမ်ႇလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈသေၵေႃႉသေၵူၼ်း။