၈၃
၁ ၽြႃးပဵၼ်ၸဝ်ႈတီႈၶႃႈ၊ယႃႇပေယူႇတဵတ်ႇတဵတ်ႇယဵၼ်ယဵၼ်သေၵမ်းတီႈၶႃႈ။
၂ ဢမိင်ႉၸဝ်ႈယင်းဢမ်ႇမီးလႄႈ ယႃႇပေႁဵတ်း တၢင်းဢၼ်ဢမ်ႇတၵ်းသဵင်လႄႈယူႇသေၵမ်းတီႈၶႃႈ။တူၺ်းတီႈၶႃႈလူႊ၊ရၢၼ်ႇသူႇၸဝ်ႈႁဝ်းၸိူဝ်းၼၼ်ႉ ဢွၼ်ၵၼ် ယုၵ်ႉငွၵ်ႈႁူဝ်ၶဝ် ယူႇတီႈၶႃႈဢေႃႈ။
၃ ၶဝ်ဢွၼ်ၵၼ်ၵျၢမ်ႇပွင်ယူႇၽၢႆႇၼိုင်ႈတင်းၶဝ်ၸိူဝ်းဢၼ်ၸဝ်ႈႁဝ်းႁႄႉၵင်ႈႁႄႉလပ်ႉ ဝႆႉၼၼ်ႉတီႈၶႃႈဢေႃႈ။
၄ ၶဝ်လၢတ်ႈၵၼ်လႄႈဝႃႈ၊-မႃးမႃးဢိူၺ်း၊ ဢွၼ်ၵၼ်ပႄႇတႅပ်းမဵဝ်းၶဝ်ပႅတ်ႈသေၵႃႈၼႂ်းမဵဝ်းၵူၼ်းတင်းလၢႆထၼ်ႈပေႃး ၵမ်းလိုၼ်းႁႂ်ႈၼႃႇမႃႉၸိုဝ်ႈသဵင်ဢိသရေႇလ၊ ဢမ်ႇမီးတီႈဢၼ်ၶုၵ်းၸႂ်လႆႈၶႆႈၸႂ်ထူပ်းၼၼ်ႉတႃႉႁဝ်း၊ဝႃႈၼင်ႇၼႆဢေႃႈ။
၅ ၶဝ်ၸိူဝ်းဢၼ်သၽေႃးမိူၼ်ၵၼ်သေလႄႈ တိူင်ႇပၢင်ႇလၢတ်ႈၸႃၵၼ်၊ ႁဵတ်းပတိၺိၺ်ႇလူၺ်ႈၵၼ်ယူႇၽၢႆႇၼိုင်ႈတင်းၸဝ်ႈႁဝ်းၼၼ်ႉ ပဵၼ်ၶဝ်ၸိူဝ်းဢၼ်ယူႇၵႃႈ ၼႂ်းသုမ်ႉထဵင်မူဝ်းၵႃႇၵႃႈတီႈမိူင်းဢေႇတုင်ႇ လႂ်၊
၆ ၵူၼ်းဢိသမေႇလ လႂ်၊ ၵူၼ်းမေႃႇၽ လႂ်၊ ၵူၼ်းမိူင်းႁႃႇၵရ လႂ်၊ ၵူၼ်းမိူင်းၵေႇပလ လႂ်၊
၇ ၵူၼ်းမိူင်းဢမ်ႇမုၼ်ႇ လႂ်၊ၵူၼ်းမိူင်းဢႃႇမလိၵ်ႉ လႂ်၊ ၵူၼ်းမဵဝ်းၽိလိတ်ႉတိ လႂ်၊ ဢိၵ်ႇတင်း ၵူၼ်းဝဵင်းတုရုလႂ်ၸိူဝ်းၼၼ်ႉတီႈၶႃႈဢေႃႈ။
၈ ၵူၼ်းမဵဝ်းဢႃႇသုရိတင်းလၢႆၵေႃႈ ႁူမ်ႈလူၺ်ႈၵၼ်တင်းၶဝ်လႄႈပဵၼ်ၶႅၼ်ပဵၼ်မိုဝ်းတီႈၵူၼ်းမဵဝ်းလေႃႇတ ၸိူဝ်းၼၼ်ႉတီႈၶႃႈဢေႃႈ။ၸေႇလႃႇ။
၉ ၶႅၼ်းတေႃႈႁဵတ်းတီႈၶဝ် မိူၼ်ၸိူဝ်ႉၼင်ႇဢၼ်ၸဝ်ႈႁဝ်းႁဵတ်းတီႈမဵဝ်းမိတျၢၼ်ႇ၊ ဢိၵ်ႇတင်း ၶုၼ်သိသရ၊တင်းၶုၼ်ယႃႇၽိၼ်ႇ၊ ၵႃႈတီႈၼမ်ႉႁွင်ႊၶိသုၼ်ႇ ၼၼ်ႉ သေၵမ်းတီႈၶႃႈ။
၁၀ ၶဝ်ၸိူဝ်းၼၼ်ႉႁွတ်ႈထိုင်တၢင်းဢၼ်သုမ်းဢၼ်ၸွမ်းၵႃႈတီႈဢႅၼ်ႇတေႃႇရ လႄႈပဵၼ်ၸိူဝ်ႉၼင်ႇၽုၼ်ႇၶီႈဝူဝ်း ၵႃႈၼိူဝ်လိၼ်ၼၼ်ႉတီႈၶႃႈဢေႃႈ။
၁၁ ႁႂ်ႈမူးမၢတ်ႈၽွင်းမိူင်းၶဝ်တင်းလၢႆ ပဵၼ်ၸိူဝ်ႉၼင်ႇၶုၼ်ဢုဝ်ႇရၢပ်ႇ၊ဢိၵ်ႇတင်းၶုၼ်ၸေႇၽ ၼၼ်ႉလႄႈႁႂ်ႈၶုၼ်ဝၢၼ်ႈၶုၼ်မိူင်းၶဝ်တင်းသဵင်ႈတင်းလူင် ပဵၼ်ၸိူဝ်ႉၼင်ႇၶုၼ်ၸေႇၽႁ၊ ဢိၵ်ႇတင်းၶုၼ်ၸႃႇလမုၼ်ႇၼ ဢၼ် လၢတ်ႈလႄႈဝႃႈ၊-
၁၂ ဢွၼ်ၵၼ်သိမ်းဢဝ်ႁိူၼ်းၽြႃးပဵၼ်ၸဝ်ႈတင်းလၢႆ ပုၼ်ႈႁဝ်းတႃႉႁဝ်း ဝႃႈၼင်ႇၼႆၸိူဝ်း ၼၼ်ႉသေၵမ်းတီႈၶႃႈ။
၁၃ ၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ႁႂ်ႈၶဝ်ပဵၼ်ၸိူဝ်ႉၼင်ႇမုၼ်ႈ ဢၼ်ပႃးၵႂႃႇတီႈလူမ်းၽိဝ်ႁူင်၊ဢိၵ်ႇတင်း ၸိူဝ်ႉၼင်ႇၵႅပ်ႇဢၼ်လူမ်းထူဝ်းလႄႈ ပိဝ်သဵၼ်ၵႂႃႇၼၼ်ႉသေၵမ်းတီႈၶႃႈ။
၁၄ မိူၼ်ၸိူဝ်ႉၼင်ႇၽႆးဢၼ်တုတ်ႇထိူၼ်ႇဢိၵ်ႇတင်း ၸိူဝ်ႉၼင်ႇပိဝ်ၽႆးဢၼ်မႆႈၵႃႈၼိူဝ်လွႆၼၼ်ႉလႄႈ
၁၅ ဢဝ်တင်းၽူၼ်လူင်လူမ်း လူင်ၸဝ်ႈႁဝ်း လိုပ်ႈၸွမ်းလမ်းၸွမ်းၶဝ်လႄႈ ဢဝ်တင်းလူမ်းၽိဝ်ႁူင်ၸဝ်ႈႁဝ်းလွၵ်ႇငိူတ်ႈၶဝ်ပႅတ်ႈ သေ ၵမ်းတီႈၶႃႈ။
၁၆ ထႃႇဝရႃႉၽြႃးတီႈၶႃႈ၊ႁႂ်ႈၼႃႈၶဝ်တဵမ်ဝႆႉတင်းတၢင်းဢၼ်သုၵ်ႉၸႂ်ၵႂင်ၸႂ်လႄႈ ႁႂ်ႈၶဝ်လႆႈႁႃၼႃႇ မႃႉၸိုဝ်ႈသဵင်ၸဝ်ႈႁဝ်းသေၵမ်းတီႈၶႃႈ။
၁၇ ႁႂ်ႈၶဝ်ႁွတ်ႈထိုင်တၢင်းဢၼ်လီဢူၵ်းလီဢၢႆလႄႈ မီးတၢင်းဢၼ်ၵူဝ်ဢၼ်ႁႄသေၵမ်းလူၺ်ႈ။ႁႂ်ႈၶဝ်မီးတၢင်းဢၼ်သုၵ်ႉၸႂ်ၵႂင်ၸႂ်လႄႈ ႁွတ်ႈထိုင်တၢင်းဢၼ်သုမ်းၸွမ်းလူႉ လႅဝ်သေၵမ်းလူၺ်ႈ။
၁၈ ႁႂ်ႈၶဝ်လႆႈႁူႉလွင်ႈဢၼ်ၸဝ်ႈႁဝ်းသူလဵဝ်ၵူၺ်းမီးၼႃႇမႃႉၸိုဝ်သဵင်ဢၼ်ဝႃႈ ထႃႇဝရႃႉၽြႃးပဵၼ်ၽြႃးဢၼ်သုင်ၼႃႇသေပိူၼ်ႈ ၵႃႈၼိူဝ်လိၼ်မိူင်းတင်းသဵင်ႈတင်းမူတ်းၼၼ်ႉသေၵမ်းလူၺ်ႈ။