၁၂၃
၁ ၸဝ်ႈဢၼ်ၵိင်းဝၢပ်ႈယူႇၵႃႈၼိူဝ် ၽုင်ႇၵၢင်ႁၢဝ်ပုၼ်ႉၼၼ်ႉတီႈၶႃႈ၊ ၶႃႈၸဝ်ႈႁႅၼ်တူၺ်းၸဝ်ႈႁဝ်းယူႇတီႈ ၶႃႈဢေႃႈ။
၂ မိူၼ်ၸိူဝ်ႉၼင်ႇဢၼ်ၶႃႈတင်းလၢႆႁႅၼ်တူၺ်းတီႈမိုဝ်းၸဝ်ႈၶဝ်ၼၼ်ႉ ဢိၵ်ႇတင်းမိူၼ်ၸိူဝ်ႉၼင်ႇၶႃႈမေႈယိင်းတင်းလၢႆ ႁႅၼ်တူၺ်းၸဝ်ႈၼၢင်းၶဝ်ယူႇၼၼ်ႉ ၶႃႈၸဝ်ႈႁဝ်းၶဝ်ႁႅၼ်တူၺ်းတီႈ ထႃႇဝရႃႉၽြႃးၽြႃးပဵၼ်ၸဝ်ႈႁဝ်းယူႇ တေႃႇထိုင်ႁွတ်ႈ မၼ်းၸဝ်ႈႁဵတ်းၵျေးၸူး တၢင်းဢၼ်ဢိတ်းလူတီႈၶႃႈၸဝ်ႈႁဝ်း ၶဝ်ၼၼ်ႉတီႈၶႃႈဢေႃႈ။
၃ ၶႅၼ်းတေႃႈႁဵတ်းၵျေးၸူးတၢင်းဢၼ်ဢိတ်းလူ တီႈၶႃႈၸဝ်ႈႁဝ်းၶဝ်သေၵမ်းတီႈၶႃႈ။ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁဵတ်းၵျေးၸူးဢၼ်ဢိတ်းလူတီႈၶႃႈၸဝ်ႈႁဝ်းၶဝ် ၵွပ်ႈပိူဝ်ႈဢၼ်ၶႃႈၸဝ်ႈႁဝ်းၶဝ်လႆႈၶၢမ်ႇ တၢင်းဢၼ်ဢူၵ်းဢၼ်ဢၢႆ ၼႃႇလူင်လၢင်ၼၼ်ႉသေၵမ်းတီႈၶႃႈ။
၄ ဝိၺိၺ်ႇၶႃႈၸဝ်ႈႁဝ်းၶဝ်လႆႈၶၢမ်ႇတၢင်းဢၼ် ၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉသေႉသွမ်း၊ ဢိၵ်ႇတင်းတၢင်းဢၼ်ၶဝ်ၸိူဝ်းဢၼ်မႃႇၼႃႉယႂ်ႇၼၼ်ႉ ႁဵတ်းႁႂ်ႈဢူၵ်းႁႂ်ႈဢၢႆၼႃႇလူင်လၢင်တီႈၶႃႈဢေႃႈ။