၁၀၄
၁ ဝိၺိၺ်ႇၵဝ်ဢိူၺ်း၊ ပၼ်တၢင်းလီတီႈထႃႇဝရႃႉၽြႃးတႃႉ။ထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ၸဝ်ႈႁဝ်း ပဵၼ်ဢၼ်ယႂ်ႇမျၢတ်ႈၼႃႇလူင်လၢင်တီႈၶႃႈဢေႃႈ။ၸဝ်ႈႁဝ်းဢဝ်တင်းတၼ်းၶူဝ်းဢႃႇၼူႉၽေႃႇ ႁၢင်ႈၶိူင်ႈယူႇတီႈၶႃႈဢေႃႈ။
၂ ၸဝ်ႈႁဝ်းဢၼ်ဢဝ်ဢၼ်လႅင်း ႁူမ်ႇသုမ်ႇတူဝ်ၸဝ်ႈၵဝ်ႇယူႇမိူၼ်ၸိူဝ်ႉၼင်ႇဢဝ်ၶူဝ်းလဵင်းႁူမ်ႇသုမ်ႇ ဢဝ်ၽႃႉၵၢင်ႁၢဝ်ၶဵင်ႈမုင်းမိူၼ်ၸိူဝ်ႉ ၼင်ႇၽႃႈၵင်ႈ
၃ ဢဝ်ငဝ်ႈႁၢၵ်ႈလုၵ်းႁၢၼ်ႉၼိူဝ်တီႈဢၼ်ၸဝ်ႈႁဝ်းယူႇၼၼ်ႉ တႄႇဝႆႉၵႃႈၼႂ်းၼမ်ႉဢၼ်ၶီႇရထႃးၽႃႉၽူၼ်သေလႄႈ ၵႂႃႇမႃးယူႇၵႃႈၼိူဝ်ပိၵ်ႇလူမ်းတင်း လၢႆ
၄ ဢၼ်ႁႂ်ႈတမၢၼ်ႇတူဝ်ၸဝ်ႈၵဝ်ႇတင်းလၢႆ ပဵၼ်ၸိူဝ်ႉၼင်ႇလူမ်းလႄႈႁႂ်ႈၵူၼ်းၸႂ်ႉၵူၼ်းသွႆတူဝ်ၸဝ်ႈၵဝ်ႇတင်းလၢႆပဵၼ်ၸိူဝ်ႉၼင်ႇပိဝ်ၽႆးၼၼ်ႉတီႈၶႃႈ၊
၅ ၸဝ်ႈႁဝ်း ဢဝ်လိၼ်မိူင်းၶျႃးဝႆႉၵႃႈၼိူဝ်ငဝ်ႈႁၢၵ်ႈမၼ်း ႁႂ်ႈမၼ်းဢမ်ႇၶၢႆႉတီႈၼိုင်ၶွၼ်းလႄႈ ယူႇသေႇသေႇတီႈၶႃႈဢေႃႈ။
၆ ၸဝ်ႈႁဝ်း ဢဝ်ၼမ်ႉဢၼ်လိုၵ်ႉဢၼ်လမ်ႇႁူမ်ႇမၼ်းဝႆႉမိူၼ်ၸိူဝ်ႉၼင်ႇ ဢဝ်ၶူဝ်းၼုင်ႈၶူဝ်းမႆႊႁူမ်ႇဝႆႉၼၼ်ႉလႄႈၼမ်ႉၸိူဝ်းၼၼ်ႉ ဢွၼ်ၵၼ်ၸုၵ်းယိုင်ႈယူႇၵႃႈၼိူဝ်လွႆ တင်းလၢႆတီႈၶႃႈဢေႃႈ။
၇ ၸဝ်ႈႁဝ်းသင်ႇသွၼ်သုင်းမႃႉလႄႈၶဝ်ဢွၼ်ၵၼ်ဢွၵ်ႇပၢႆတီႈၶႃႈဢေႃႈ။ၶဝ်ငိၼ်းသဵင်တၢင်းဢၼ်ၸဝ်ႈႁဝ်းၽႃႉလင်ႊၼၼ်ႉလႄႈ ဢွၼ် ၵၼ်ႁိပ်ႈၼႅတ်ႈၶၼ်ၶၼ်ၽႂ်းၽႂ်းတီႈၶႃႈဢေႃႈ။
၈ ၶဝ်ၶိုၼ်ႈၵႃႈၼိူဝ်လွႆတင်းလၢႆယူႇ လူင်းၵႃႈၼႂ်းႁူၺ်ႈတင်းလၢႆယူႇသေလႄႈ ႁွတ်ႈထိုင်တီႈဢၼ်ၸဝ်ႈႁဝ်းတႄႇ ႁဵတ်းဝႆႉပုၼ်ႈၶဝ်ၼၼ်ႉတီႈၶႃႈဢေႃႈ။
၉ ၸဝ်ႈႁဝ်းမၵ်းၶၢၼ်း လႅၼ်လိၼ်ဢၼ်ၶဝ်ဢမ်ႇၶၢမ်ႈၵႂႃႇလႆႈၼၼ်ႉဝႆႉႁႂ်ႈၶဝ်ဢမ်ႇၶိုၼ်းမႃးလႄႈ ထုမ်ႈႁူမ်ႇလိၼ်မိူင်းလႆႈတီႈ ၶႃႈဢေႃႈ။
၁၀ မၼ်းၸဝ်ႈ ပွႆႇၼမ်ႉဢွၵ်ႇႁူးတင်းလၢႆၵႃႈၼႂ်းႁူၺ်ႈၼႂ်းႁွင်ႊဢေႃႈ။ၼမ်ႉၼၼ်ႉ လႆယူႇၵႃႈၼႂ်းၵၢင်လွႆတင်းလၢႆလႄႈ ပၼ်ဢၶႂၢင်ႉဢၼ်လႆႈၵိၼ်ၼၼ်ႉတီႈတရိၵ်ႈသၢၼ်ႇၼိူဝ်လိၼ်တင်းသဵင်ႈတင်းလူင် ဢေႃႈ။
၁၁ မႃႉလီႈဢၼ်ရိူင်းၵျၢမ်းၼႃႇၸိူဝ်းၼၼ်ႉၵေႃႈႁႂ်ႈတၢင်းဢၼ် ၶဝ်ဢိုပ်းယၢၵ်ႈၼၼ်ႉလႆႈထၢတ်ႇလႆႈ ယဵၼ်ဢေႃႈ။
၁၂ ၼူၵ်ႉၵၢင်ႁၢဝ်တင်းလၢႆတူၵ်းတီႈယူႇၵႃႈႁိမ်းၼမ်ႉၼၼ်ႉလႄႈ ဢွၼ်ၵၼ်ႁွင်ႉယူႇၵႃႈၼႂ်းၵိင်ႇမႆႉၶူဝ်ႈ မႆႉဢေႃႈ။
၁၃ မၼ်းၸဝ်ႈယူႇၵႃႈၼႂ်းလုၵ်းႁၢၼ်ႉၼိူဝ်မၼ်းၸဝ်ႈၸိူဝ်းၼၼ်ႉသေလႄႈ ပၼ်ၼမ်ႉတီႈလွႆတင်းလၢႆလႄႈလိၼ်မိူင်းမီးတၢင်းဢၼ်ဢိမ်ႇၸႂ်ၼိမ်ၸႂ်ယူႇ ၵွပ်ႈပိူဝ်ႈဢၵျူဝ်းတၢင်းဢၼ် မၼ်းၸဝ်ႈၸီႇယၢင်ႇႁဵတ်းဝႆႉ ၼၼ်ႉဢေႃႈ။
၁၄ မၼ်းၸဝ်ႈႁဵတ်းႁႂ်ႈတူၼ်ႈယိူဝ်ႈတူၼ်ႈယႃႈဢွၵ်ႇမႃး ပုၼ်ႈတရိၵ်ႈသၢၼ်ႇတူၼ်ႈၶဝ်ႈဢွၵ်ႇမႃး ပုၼ်ႈၵူၼ်းတၵ်းသုင်းတၵ်းသွင်ႇ ႁႂ်ႈလႆႈဢဝ်ၶဝ်ႈမုၼ်း ဢွၵ်ႇပဵၼ်မႃးၵႃႈၼႂ်းလိၼ်မိူင်း
၁၅ ဢိၵ်ႇတင်းၼမ်ႉၸပိတ်ႉဢၼ်ႁႂ်ႈႁူဝ်ၸႂ်ၵူၼ်းၸူမ်းသိူဝ်း ၼမ်ႉမၼ်းဢၼ်ႁႂ်ႈၼႃႈၵဵင်ႈလီၶျေႃးလီ ၶဝ်ႈမုၼ်းဢၼ်ၵမ်ႉဢၼ်ထွၵ်ႈႁူဝ်ၸႂ် ၵူၼ်းဢေႃႈ။
၁၆ တူၼ်ႈမႆႉထႃႇဝရႃႉၽြႃးတူၼ်ႈဢႃႇရိတ်ႉၵႃႈတီႈလေႇပၼုၼ်ႇ ဢၼ်မၼ်းၸဝ်ႈၽုၵ်ႇဝႆႉၸိူဝ်းၼၼ်ႉၵေႃႈ မီးတၢင်းဢၼ်ဢိမ်ႇၸႂ်ၼိမ်ၸႂ်ယူႇဢေႃႈ။
၁၇ ၼူၵ်ႉတင်းလၢႆ ၸၢင်ႊဢွၼ်ၵၼ်ႁဵတ်းႁင်းယူႇၵႃႈတီႈၼၼ်ႉလႄႈ ၼူၵ်ႉတင်းလၢႆၸၢင်ႊဢွၼ်ၵၼ်တူၵ်းတီႈယူႇတီႈသဝ် ၵႃႈၼိူဝ်တူၼ်ႈပႅၵ်ႇဢေႃႈ။
၁၈ လွႆဢၼ်သုင်ၸိူဝ်းၼၼ်ႉပဵၼ်ပုၼ်ႈတီႈဢၼ်ယိူင်းတင်းလၢႆတၵ်းယူႇလႄႈ ပၢၼ်းတၢပ်ႈလွႆၸိူဝ်းၼၼ်ႉပဵၼ်တီႈဢၼ် ပၢင်တၢႆး သႃႇၽၢၼ်း တင်းလၢႆသွၼ်ႈ ပိုင်ႈဢေႃႈ။
၁၉ မၼ်းၸဝ်ႈႁဵတ်းပဵၼ်လိူၼ်ပုၼ်ႈၶိင်ႇဢၼ်မၵ်းၶၢၼ်းဝႆႉၸိူဝ်းၼၼ်ႉလႄႈ ၵၢင်ဝၼ်းၵေႃႈႁူႉၶိင်ႇဢၼ် မၼ်းတၵ်းလႆႈတူၵ်းၼၼ်ႉယူႇဢေႃႈ။
၂၀ ၸဝ်ႈႁဝ်းၸီႇယၢင်ႇႁဵတ်းလပ်းသိင်ႇလႄႈ ပဵၼ်ၶိင်ႇၵၢင်ၶိုၼ်းဢၼ်တရိၵ်ႈသၢၼ်ႇထိူၼ်ႇတင်းသဵင်ႈတင်းလူင် ဢွၼ်ၵၼ် ဢွၵ်ႇလႄႇဢွၵ်ႇၵႂႃႇၼၼ်ႉတီႈၶႃႈဢေႃႈ။
၂၁ သၢင်ႇသီႈၼုမ်ႇတင်းလၢႆဢွၼ်ၵၼ်ႁွင်ႉ ပုၼ်ႈလွင်ႈၼင်ႇႁိုဝ်တၵ်းလႆႈႁိမ်လႆႈႁူင်ႇလႄႈ ႁႃတၢင်းၵိၼ်တီႈၽြႃးပဵၼ်ၸဝ်ႈ ၼၼ်ႉတီႈၶႃႈဢေႃႈ။
၂၂ ၵၢင်ဝၼ်းသမ်ႉၶိုၼ်းဢွၵ်ႇမႃးလႄႈၶဝ်ၼၼ်ႉ ဢွၼ်ၵၼ်သုတ်ႉၶိုၼ်းသေလႄႈ ၼွၼ်းယူႇၵႃႈၼႂ်းၶုမ်ၼႂ်းႁူးဢၼ်ၶဝ်ယူႇၼၼ်ႉ တီႈၶႃႈဢေႃႈ။
၂၃ ၵူၼ်းၵေႃႈဢွၼ်ၵၼ်ဢွၵ်ႇႁႂ်ႈလႆႈႁဵတ်းၵၢၼ်ႁဵတ်းငၢၼ်းတေႃႇထိုင်ႁွတ်ႈၶိင်ႇႁူဝ်ၶမ်ႈ တီႈၶႃႈဢေႃႈ။
၂၄ ထႃႇဝရႃႉၽြႃးတီႈၶႃႈ၊ လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉၸိူဝ်းၼၼ်ႉ ၼမ်ၼႃႇလူင်လၢင်တီႈၶႃႈဢေႃႈ။ၸွမ်းပိင်ႇၺႃႇၸဝ်ႈႁဝ်းလႄႈၸဝ်ႈႁဝ်းၸီႇယၢင်ႇႁဵတ်းဝႆႉ ၵႃႈမီးတင်းသဵင်ႈတင်းလူင်ၸိူဝ်းၼၼ်ႉတီႈၶႃႈဢေႃႈ။လိၼ်မိူင်းတဵမ်ထူၼ်ႈတဵမ်ဝႆႉတင်းၽၼ်ႇ တႃႇၸဝ်ႈႁဝ်းတီႈၶႃႈဢေႃႈ။
၂၅ ၵႃႈတီႈပုၼ်ႉၼၼ်ႉယင်းမီးၼမ်ႉသမ်ႇမုၵ်ႉတြႃႇ ဢၼ်ယႂ်ႇၼႃႇၵႂၢင်ႈၼႃႇဢၼ်ပဵၼ်တီႈယူႇတရိၵ်ႈသၢၼ်ႇ ဢၼ်ၸၢင်ႊၵႂႃႇၸၢင်ႊၵၢၼ်းၼမ်ၼႃႇထၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈ ဢိၵ်ႇတင်းတရိၵ်ႈသၢၼ်ႇလဵၵ်ႉလဵၵ်ႉယႂ်ႇယႂ်ႇ ၸိူဝ်းၼၼ်ႉလူး ၵွၼ်ႇတီႈၶႃႈဢေႃႈ။
၂၆ ၵႃႈတီႈၼၼ်ႉႁိူဝ်းသၢင်းၽေႃးတင်းလၢႆၵႂႃႇၵႂႃႇမႃးမႃးယူႇလႄႈ ၵႃႈတီႈၼၼ်ႉပႃလူင်လဝိသၢၼ်ႇ ဢၼ်ၸဝ်ႈႁဝ်းႁဵတ်းပဵၼ် ပုၼ်ႈဢၼ်တၵ်းၶုၼ်ႇၵရၢင်ႈၽၢင်ႈၽိင်ႈယူႇၼၼ်ႉၵေႃႈ မီးတီႈ ၶႃႈဢေႃႈ။
၂၇ တူဝ်ၸိူဝ်ႉၼင်ႇၼၼ်တင်းသဵင်ႈတင်းလူင်ၼၼ်ႉ ဢွၼ်ၵၼ်မုင်မွင်းတီႈၸဝ်ႈႁဝ်း ႁႂ်ႈၸဝ်ႈႁဝ်းဢွႆႇပၼ်တၢင်းၵိၼ်တၢင်းၶူပ်း မိူဝ်ႈဢၼ်ၶိင်ႇမၼ်းထုၵ်ႇ ၼၼ်ႉတီႈၶႃႈဢေႃႈ။
၂၈ ၸွမ်းၵႃႈၼင်ႇဢၼ်ၸဝ်ႈႁဝ်းပၼ်ၼၼ်ႉၶဝ်သိမ်းဢဝ်တီႈၶႃႈဢေႃႈ။ၸဝ်ႈႁဝ်းၵီႈမိုဝ်းၸဝ်ႈႁဝ်းလႄႈ ၶဝ်ဢိမ်ႇၸႂ်ၼိမ်ၸႂ် ၼႂ်းလွင်ႈတၢင်း ဢၼ်လီဢၼ်ငၢမ်းၼၼ်ႉတီႈၶႃႈဢေႃႈ။
၂၉ ၸဝ်ႈႁဝ်းဝၢႆႇၼႃႈပႅတ်ႈၶဝ်လႄႈ ၶဝ်ယၢပ်ႇၸႂ်ယုင်ႈၸႂ်တီႈၶႃႈဢေႃႈ။ၸဝ်ႈႁဝ်း သိမ်းဢဝ်ဢသၢၵ်ႈၶဝ်လႄႈ ၶဝ်တၢႆလႄႈ ၶိုၼ်းၸူးၵႃႈတီႈမုၼ်ႈလိၼ်တီႈၶႃႈဢေႃႈ။
၃၀ ၸဝ်ႈႁဝ်းသမ်ႉပွႆႇဝိၺိၺ်ႇၸဝ်ႈႁဝ်းသေလႄႈ ၽၢၼ်ႇသၢင်းႁဵတ်းပဵၼ်ၶဝ်လႄႈ ၸဝ်ႈႁဝ်းသမ်ႉၶိုၼ်းမႄးၵုမ်းမႄးႁဵတ်း ၼႃႈလိၼ်ဢၼ်မႂ်ႇတီႈၶႃႈဢေႃႈ။
၃၁ ႁႂ်ႈမုၼ်ၽုင်းထႃႇဝရႃႉၽြႃးတႄႇယူႇၼိၵ်ႉၸႃႉထႃႇဝရႃႉ တႃႇသေႇမၼ်ႈၶိူင်ႇယူႇသေၵမ်းလူၺ်ႈ။ႁႂ်ႈထႃႇဝရႃႉၽြႃးၸူမ်းသိူဝ်းၼႂ်းလွင်ႈတၢင်းဢၼ်မၼ်းၸဝ်ႈၸီႇယၢင်ႇႁဵတ်းဝႆႉ ၸိူဝ်းၼၼ်ႉသေၵမ်းလူၺ်ႈ။
၃၂ မၼ်းၸဝ်ႈတူၺ်းလိၼ်မိူင်းလႄႈလိၼ်မိူင်းသၼ်ႇဝႆဢေႃႈ။မၼ်းၸဝ်ႈတိူဝ်ႉသႂ်ႇ လွႆတင်းလၢႆလႄႈၶဝ်ဢွၵ်ႇဢၢႆဢွၵ်ႇၵႂၼ်းဢေႃႈ။
၃၃ ၵဝ်တၵ်းႁဵတ်းၵႂၢမ်းတီႈထႃႇဝရႃႉၽြႃး ၼႂ်းမိူဝ်ႈဢၼ်ဢသၢၵ်ႈၵဝ်ယင်းလိပ်းယူႇၼႆႉဢေႃႈ။ၵဝ်တၵ်းႁဵတ်းၵႂၢမ်းထေႃးပၼႃႇတီႈ ၽြႃးပဵၼ်ၸဝ်ႈၵဝ် ၸူဝ်ႈဢၼ်ၵဝ် ယင်းပဵၼ်ယူႇၼႆႉဢေႃႈ။
၃၄ ႁႂ်ႈလွင်ႈတၢင်းဢၼ်ၵဝ်ၶႆႈၸႂ်ဝူၼ်ႉၸႂ်ၼၼ်ႉ ထုၵ်ႇၸႂ်ၵျိူၵ်ႈၸႂ်မၼ်းၸဝ်ႈ သေၵမ်းလူၺ်ႈ။ၵဝ်ၵေႃႈတၵ်းၸူမ်းသိူဝ်းယူႇၵႃႈတီႈထႃႇဝရႃႉ ၽြႃးဢေႃႈ။
၃၅ ႁႂ်ႈၶဝ်ၸိူဝ်းဢၼ်ၽိတ်းပိူင်ႈၼၼ်ႉလႆႈၶၢမ်ႇတၢင်းဢၼ်ပႄႇၽဵဝ်ႈပႅတ်ႈသေ ၵႃႈတီႈလိၼ်မိူင်းလႄႈႁႂ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉ ၵမ်းလိုၼ်းဢမ်ႇလႆႈတႄႇလႆႈပဵၼ်သေၵမ်းလူၺ်ႈ။ဝိၺိၺ်ႇၵဝ်ဢိူၺ်း၊ ပၼ်တၢင်းလီတီႈ ထႃႇဝရႃႉၽြႃးတႃႉ။ႁႃႇလေႇလုယႃႇ။