Chapter
၄
၁ ၽြႃးဢၼ်သိုဝ်ႈလီတေႃႇလီၶႃႈၸဝ်ႈ တီႈၶႃႈဢိူၺ်း၊ၶႅၼ်းတေႃႈၶိုၼ်းဢိူဝ်ႈ မိူဝ်ႈဢၼ်ၶႃႈၸဝ်ႈႁွင်ႉၼၼ်ႉသေၵမ်းတီႈၶႃႈ။ၼႂ်းမိူဝ်ႈဢၼ်ၶႃႈၸဝ်ႈယင်းတိုၵ်ႉမီးတုၵ်ႉၶႃႉတၢင်းၽၢၼ်ယူႇၼၼ်ႉၸိုင် ၸဝ်ႈႁဝ်းပၼ်ၵတ်းယဵၼ်ၶျၢမ်းသႃႇတီႈၶႃႈဢေႃႈ။ၶႅၼ်းတေႃႈဢိတ်းလူၶႃႈၸဝ်ႈလႄႈ ထွမ်ႇဢဝ်ၵႂၢမ်းပထၼႃႇၶႃႈၸဝ်ႈ သေၵမ်းတီႈၶႃႈ။
၂ ၵူၼ်းတင်းလၢႆၶဝ်ဢိူၺ်း၊ တၵ်းၶျႃးမုၼ်ၽုင်းၵဝ်တူၵ်းတီႈတႅမ်ႇယူႇၶိင်ႇၵႃႇလႃႉႁိုင်ၵႃႈႁိုဝ်။တၵ်းထုၵ်ႇၸႂ်ၵျိူၵ်ႈၸႂ်လူၺ်ႈဢၼတ်ႉတႃႉလႄႈ ၸွမ်းလူၺ်ႈမူႉသႃႇယူႇၶိင်ႇၵႃႇလႃႉႁိုင်ၵႃႈႁိုဝ်။ၸေႇလႃႇ။
၃ ႁူႉၸႅင်ႈမၢတ်ႈတွင်းလွင်ႈဢၼ်ဝႃႈ ထႃႇဝရႃႉၽြႃးလိူၵ်ႈၵဵပ်းဢဝ်ၵေႃႉဢၼ်မူတ်းသႂ်ၼၼ်ႉ ဝႆႉပုၼ်ႈမၼ်းၸဝ်ႈၼၼ်ႉတႃႉ။ထႃႇဝရႃႉၽြႃးတၵ်းထွမ်ႇဢဝ်မိူဝ်ႈဢၼ်ၵဝ် ႁွင်ႉႁႃမၼ်းၸဝ်ႈၼၼ်ႉဢေႃႈ။
၄ ၼႂ်းလွင်ႈဢၼ်တၢင်းၸႂ်မႆႈသူဢွၵ်ႇၼၼ်ႉယႃႇပေႁႂ်ႈလႆႈႁဵတ်းဢပျႅတ်ႈ။တိူင်ႇပၢင်ႇတွင်ႈထၢမ်ၶႆႈၸႂ်ဝူၼ်ႉၸႂ် လူၺ်ႈၵၼ်တင်းႁူဝ်ၸႂ်သူၵႃႈၼိူဝ်တီႈၼွၼ်းသူလႄႈ မီးတၢင်းဢၼ်တဵတ်ႇ လီယဵၼ်လီယူႇတႃႉ။
၅ ပုၵ်ႉၸေႃႇယိၸ်ႉဢၼ်ၸၢပ်ႈသႅင်ႇၵၼ်တင်းတၢင်းဢၼ်သိုဝ်ႈတေႃႇၼၼ်ႉသေလႄႈ ဢိင် ပိုင်ႈထႃႇဝရႃႉၽြႃးယူႇတႃႉ။
၆ ၶဝ်ၸိူဝ်းဢၼ်ၸၢင်ႊထၢမ်လႄႈဝႃႈ၊-ၽူႈ လႂ်တၵ်းၼႄပျႃး လွင်ႈတၢင်းဢၼ်လီဢၼ်ငၢမ်းတီႈႁဝ်း၊ ဝႃႈၼႆၼၼ်ႉ မီးၼမ်ၼႃႇတီႈၶႃႈဢေႃႈ။ထႃႇဝရႃႉၽြႃးတီႈၶႃႈ၊ၶႅၼ်းတေႃႈႁႂ်ႈဢၼ်ႁိူဝ်ႈဢၼ်လႅင်းၼႃႈၸဝ်ႈႁဝ်းၼၼ်ႉပိူင်းထွင်ႇသႂ်ႇ ၵႃႈၼိူဝ်ၶႃႈၸဝ်ႈႁဝ်းၶဝ် သေၵမ်းတီႈၶႃႈ။
၇ ၸဝ်ႈႁဝ်းႁႂ်ႈႁူဝ်ၸႂ်ၶႃႈၸဝ်ႈ မီးတၢင်းဢၼ်ၸူမ်းသိူဝ်းၼႃႇသေတၢင်းဢၼ်ၶဝ်ၸူမ်းသိူဝ်း ၼႂ်းမိူဝ်ႈဢၼ်ၶဝ်ႈသၢၼ်ၶဝ်ႈပိူၵ်ႇၼမ်ႉၸပိတ်ႉၶဝ် လိူင်ႇၼမ်မႃးၼၼ်ႉတီႈၶႃႈဢေႃႈ။
၈ ၶႃႈၸဝ်ႈတၵ်းၼွၼ်းလႄႈ လပ်းၼိမ်ၼိမ်လီလီ တီႈၶႃႈဢေႃႈ။လွင်ႈမၼ်းၸမ်း ၸဝ်ႈႁဝ်းထႃႇဝရႃႉၽြႃးၵူၺ်း ပၼ်ဢၶႂၢင်ႉႁႂ်ႈၶႃႈၸဝ်ႈလႆႈယူႇလွတ်ႈၽေးလွတ်ႈရၢၼ်ႇတီႈၶႃႈဢေႃႈ။