၉၇
၁ ထႃႇဝရႃႉၽြႃး ၼင်ႈႁၢင်ႈၼင်ႈႁေႃယူႇဢေႃႈ။ႁႂ်ႈလိၼ်မိူင်းသႂၢင်ႇသိူဝ်းလႄႈႁႂ်ႈၵူၼ်းၼမ်ၼႃႇမူၼ်ႈ ပျေႃႇသေၵမ်းလူၺ်ႈ။
၂ ၽႃႉၽူၼ်ဢိၵ်ႇတင်းတၢင်းဢၼ်လပ်းသိင်ႇမီးႁွပ်ႈႁိမ်းမၼ်းၸဝ်ႈယူႇလႄႈ တၢင်းဢၼ်ၸီႇယၢင်ႇၸွမ်းၼင်ႇတြႃး ဢိၵ်ႇတင်း တၢင်းဢၼ်တႅပ်းတတ်း သိုဝ်ႈသိုဝ်ႈတေႃႇတေႃႇၼၼ်ႉ ပဵၼ်ငဝ်ႈ ႁၢၵ်ႈပလၢင်ႇမၼ်းၸဝ်ႈဢေႃႈ။
၃ ၽႆးၵႂႃႇၽၢႆႇၼႃႈမၼ်းၸဝ်ႈလႄႈ မႆႈႁွပ်ႈရၢၼ်ႇသူႇမၼ်းၸဝ်ႈတင်းလၢႆဢေႃႈ။
၄ ၽႃႉမႅပ်ႈမၼ်းၸဝ်ႈၼၼ်ႉ ႁႂ်ႈလေႃးၵထၢတ်ႈလႅင်း ဢေႃႈ။
၅ လိၼ်မိူင်းႁၼ်လႄႈသၼ်ႇဝႆဢေႃႈ။လွႆတင်းလၢႆၸိုမ်းပဵၼ်ၼမ်ႉၵႂႃႇ မိူၼ်ၸိူဝ်ႉၼင်ႇၶီႈၽိုင်ႈၼၼ်ႉၵႃႈတီႈၽၢႆႇၼႃႈထႃႇဝရႃႉၽြႃးၵႃႈတီႈၽၢႆႇၼႃႈၸဝ်ႈဢၼ်လႆႈဢုပ်ႉပိူင်ႇ လိၼ်မိူင်း တင်းသဵင်ႈတင်း မူတ်းၼၼ်ႉဢေႃႈ။
၆ ၽႃႉၵၢင်ႁၢဝ်ၽုၺ်ႇဢွၵ်ႇၼႄပျႃးတၢင်းဢၼ်သိုဝ်ႈတေႃႇမၼ်းၸဝ်ႈလႄႈမဵဝ်းၵူၼ်းတင်းသဵင်ႈတင်းလူင်၊ လႆႈႁၼ်မုၼ်ၽုင်းမၼ်းၸဝ်ႈ ဢေႃႈ။
၇ ႁႂ်ႈၶဝ်ၸိူဝ်းဢၼ်ႁဵတ်းဝၢတ်ႈရူၵ်ႈထူႉဢၼ်တွင်ႈႁဵတ်းၶႅၵ်းႁဵတ်းၼၼ်ႉလႄႈ ဢုပ်ႇဝၢဝ်းၼႂ်းလွင်ႈတၢင်းလၢႆလၢႆ ဢမ်ႇပွင်ႇလွင်ႈၵႃႈသင်တင်းသဵင်ႈတင်းလူင်ၼၼ်ႉႁွတ်ႈထိုင်တၢင်းဢၼ်ဢူၵ်းဢၼ်ဢၢႆ သေၵမ်းလူၺ်ႈ။ၽြႃးတင်းသဵင်ႈတင်းလူင်ၶဝ်ဢိူၺ်း ဢွၼ်ၵၼ် ၵူဝ်းၵႂၢႆႇမၼ်းၸဝ်ႈတႃႉ။
၈ ဝဵင်းၸိဢုၼ်ႇငိၼ်းလႄႈၸူမ်းသိူဝ်းဢေႃႈ။လုၵ်ႈယိင်း ယုတ တင်းလၢႆသႂၢင်ႇသိူဝ်းၵွပ်ႈပိူဝ်ႈလွင်ႈတၢင်းဢၼ်ၸဝ်ႈႁဝ်း ၸီႇယၢင်ႇတြႃး ၸိူဝ်းၼၼ်ႉတီႈၶႃႈဢေႃႈ။
၉ ထႃႇဝရႃႉၽြႃးတီႈၶႃႈ၊ လွင်ႈမၼ်းၸမ်း ၸဝ်ႈႁဝ်းပဵၼ်ဢၼ်ယႂ်ႇသုင်ၼႃႇသေၵူၼ်းလိၼ်မိူင်းတင်းသဵင်ႈတင်းလူင်တီႈၶႃႈဢေႃႈ။ၸဝ်ႈႁဝ်း မီးတၢင်းဢၼ်ယုၵ်ႉယွင်ႈၼႃႇလူင်လၢင်၊ လိူဝ်တွၼ်းၼႃႇသေၽြႃး တင်းသဵင်ႈတင်းလူင် တီႈၶႃႈဢေႃႈ။
၁၀ ၵူၼ်းဢၼ်ႁၵ်ႉထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်လီႁင်ႈဢဵတ်ႇသဵတ်ႇ လွင်ႈတၢင်းဢၼ်ဢမ်ႇလီဢမ်ႇငၢမ်းၼၼ်ႉတႃႉ။မၼ်းၸဝ်ႈပႂ်ႉၸွႆႈပႂ်ႉထႅမ်ဢသၢၵ်ႈဝိၺိၺ်ႇၶဝ်ၸိူဝ်းဢၼ် မၼ်းၸဝ်ႈႁၵ်ႉၼၼ်ႉလႄႈ ၵႄႇသႄႇၼုၵ်ႈဢဝ်ၶဝ် ဢွၵ်ႇသေၵႃႈၼႂ်းမိုဝ်းၶဝ်ၸိူဝ်းဢၼ်ဢမ်ႇ တြႃးၼၼ်ႉဢေႃႈ။
၁၁ ဢၼ်လႅင်းမီးတၢင်းဢၼ်ဝၢၼ်ႇပိုၼ်ဝႆႉ ပုၼ်ႈၶဝ်ၸိူဝ်းဢၼ်ၸွမ်းတြႃးၼၼ်ႉလႄႈတၢင်းဢၼ်ၸူမ်းသိူဝ်း မီးတၢင်းဢၼ်ဝၢၼ်ႇပိုၼ်ဝႆႉ၊ပုၼ်ႈၶဝ်ၸိူဝ်းဢၼ်သိုဝ်ႈလီယူဝ်းလီၼၼ်ႉဢေႃႈ။
၁၂ ၵူၼ်းဢၼ်သိုဝ်ႈတေႃႇၶဝ်ဢိူၺ်း၊ ဢွၼ်ၵၼ်ၸူမ်းသိူဝ်းယူႇၵႃႈၼႂ်းထႃႇဝရႃႉၽြႃးလႄႈ ဢွၼ်ၵၼ်ယွင်ႈယေႃးၼႃႇမႃႉၸိုဝ်ႈသဵင်မၼ်းၸဝ်ႈ ဢၼ်မူတ်းၸၢင်ႇၼၼ်ႉတႃႉ။