၆
၁ ထႃႇဝရႃႉၽြႃးတီႈၶႃႈ၊ တၢင်းၸႂ်မႆႈၶႂ်ႈၸႃႉၸဝ်ႈႁဝ်းဢွၵ်ႇလႄႈ ၶႅၼ်းတေႃႈယႃႇပေတၢင်ႇဢပျႅတ်ႈၵႃႈၼိူဝ်ၶႃႈၸဝ်ႈသေၵမ်းတီႈၶႃႈ။တၢင်းၸႂ်မႆႈၶႂ်ႈၸႃႉၸဝ်ႈဢၼ်ႁႅင်းယႂ်ႇၼႃႇလူင်လၢင်ဢွၵ်ႇလႄႈ ၶႅၼ်းတေႃႈယႃႇပေသင်ႇသွၼ်သုင်းမႃႉၶႃႈၸဝ်ႈ သေၵမ်းတီႈၶႃႈ။
၂ ထႃႇဝရႃႉၽြႃးတီႈၶႃႈၶႅၼ်းတေႃႈ ဢိတ်းလူၸွႆႈထႅမ်ၶႃႈၸဝ်ႈ ၵွပ်ႈပိူဝ်ႈဢၼ်ၶႃႈၸဝ်ႈႁႅင်းလဵၵ်ႉႁႅင်းၵေႇၼႃႇလူင်လၢင်ၼၼ်ႉသေၵမ်းတီႈၶႃႈ။ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁႂ်ႈၶႃႈၸဝ်ႈၸိုၼ်ႈမႃးၶႅၼ်းမႃးၵွပ်ႈပိူဝ်ႈဢၼ်လုပ်ႇၶႃႈၸဝ်ႈၸိူဝ်းၼႆႉ ၵူဝ်ႁႄသၼ်ႇဝႆယူႇ ၼၼ်ႉသေၵမ်းတီႈၶႃႈ။
၃ ၸႂ်ဝိၺိၺ်ႇၶႃႈၸဝ်ႈၼႆႉၵူဝ်ႁႄသၼ်ႇဝႆၼႃႇလူင်လၢင်ယူႇတီႈၶႃႈဢေႃႈ။ထႃႇဝရႃႉၽြႃးတီႈၶႃႈ ၸဝ်ႈႁဝ်းတၵ်းယူႇၶိင်ႇၵႃႇလႃႉႁိုင်ၵႃႈႁိုဝ် တီႈၶႃႈ။ထႃႇဝရႃႉၽြႃးတီႈၶႃႈ၊
၄ ၶႅၼ်းတေႃႈသမ်ႉၶိုၼ်းမႃးလႄႈၵႄႇသႄႇၼုၵ်ႈဢဝ်ၸႂ်ဝိၺိၺ်ႇၶႃႈၸဝ်ႈ သေၵမ်းတီႈၶႃႈ။ၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၵွပ်ႈ ပိူဝ်ႈၵရူႉၼႃႇၸဝ်ႈႁဝ်းၼၼ်ႉသေၵမ်းတီႈၶႃႈ။
၅ လွင်ႈမၼ်းၸမ်း ၵႃႈၼႂ်းမိူဝ်ႈဢၼ်တၢႆၼၼ်ႉ ဢမ်ႇမီးတၢင်းဢၼ်ၶုၵ်းၸႂ်လႆႈၶႆႈၸႂ်ထူပ်းၸဝ်ႈႁဝ်းတီႈၶႃႈ။ၵႃႈၼႂ်းမိူင်းမႃႇရၼႃႉၼၼ်ႉ ၽူႈ လႂ်တၵ်းယွင်ႈယေႃးၵျေးၸူး ၸဝ်ႈႁဝ်းတီႈၶႃႈ။
၆ ၶႃႈၸဝ်ႈၼႆႉလႆႈပွင်ႉၶင်းပွင်ႉမိုၼ်ယူႇလႄႈ ႁိူဝ်ႉၸႂ်ဢူၼ်ႈၸႂ်ၼႃႇလူင်လၢင်တီႈၶႃႈဢေႃႈ။ၶႃႈၸဝ်ႈႁႂ်ႈၵူႇတီႈၼွၼ်းၶႃႈၸဝ်ႈလႆႈလွင်ႈၵႂႃႇလႆၵႂႃႇၵူႈၶိုၼ်းလႄႈႁႂ်ႈတီႈၼွၼ်းၶႃႈၸဝ်ႈ ၸိူမ်ႈလႅဝ်ၵႂႃႇလူၺ်ႈၼမ်ႉတႃၶႃႈၸဝ်ႈတီႈၶႃႈဢေႃႈ။
၇ မၢၵ်ႇတႃၶႃႈၸဝ်ႈလူႉလႅဝ်ၵႂႃႇ ၵွပ်ႈပိူဝ်ႈတၢင်းဢၼ်ၸႂ်လဵၵ်ႉၼၼ်ႉလႄႈ မီးတၢင်း ဢၼ်မူၼ်ႇၵႂႃႇမူဝ်းၵႂႃႇ ၵွပ်ႈပိူဝ်ႈရၢၼ်ႇသူႇၶႃႈၸဝ်ႈတင်းသဵင်ႈတင်းလူင်ၼၼ်ႉ တီႈၶႃႈဢေႃႈ။
၈ ၶဝ်ၸိူဝ်းဢၼ်ႁဵတ်း လွင်ႈတၢင်းဢၼ်ဢမ်ႇတြႃးတင်းသဵင်ႈတင်းလူင်ၶဝ်ဢိူၺ်း၊ ဝေႈသေၵႃႈတီႈၵဝ်လႄႈၵႂႃႇ တႃႉ။
၉ လွင်ႈမၼ်းၸမ်း ထႃႇဝရႃႉၽြႃးလႆႈငိၼ်းသဵင်တၢင်းဢၼ်ၵဝ်ႁႆႈႁွင်ႉၼၼ်ႉယဝ်ႉ။ထႃႇဝရႃႉၽြႃးလႆႈငိၼ်းတၢင်းဢၼ်ၵဝ်တွင်းပၢၼ်ႇၼၼ်ႉယဝ်ႉ။ထႃႇဝရႃႉၽြႃး တၵ်းထွမ်ႇဢဝ်ၵႂၢမ်းဢၼ်ၵဝ်ႁဵတ်းပထၼႃႇ ၼၼ်ႉဢေႃႈ။
၁၀ ရၢၼ်ႇသူႇၵဝ်တင်းသဵင်ႈတင်းလူင် တၵ်းမီးတၢင်းဢၼ်ဢူၵ်းဢၼ်ဢၢႆလႄႈၵူဝ်ႁႄသၼ်ႇဝႆၼႃႇလူင်လၢင်ယူႇဢေႃႈ။ၶဝ်တၵ်းပၢႆႊၶိုၼ်းၵႂႃႇသေလႄႈ ၶီႉၶႃႉႁွတ်ႈထိုင်တၢင်းဢၼ်ဢူၵ်းဢၼ်ဢၢႆၼၼ်ႉဢေႃႈ။