၁၀
၁ ထႃႇဝရႃႉၽြႃးတီႈၶႃႈ၊ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၸုၵ်းယူႇတီႈဢၼ်ၵႆၼၼ်ႉတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸဝ်ႈႁဝ်းတဵတ်ႇမႅပ်းယူႇၼႂ်းမိူဝ်ႈဢၼ်ၽေးဢၢၼ်ႇတရႄႇ ႁွတ်ႈထိုင်ၼၼ်ႉတီႈၶႃႈ။
၂ ၵေႃႉဢၼ်ဢမ်ႇတြႃးၼၼ်ႉႁဵတ်းမႃႇၼႃႉ ၸႂ်သုင်လႄႈႁႂ်ႈၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ မႆႈၸႂ်ႁွၼ်ႉၸႂ်တီႈၶႃႈဢေႃႈ။ၶဝ်လႆႈၶၢမ်ႇတၢင်း ဢၼ်တီႉဢၼ်ၵမ်ၼႂ်းလွင်ႈတၢင်းဢၼ် ၶဝ်ဢဝ်တင်းပရိယႄႇၵျၢမ်ႇပွင် ၼၼ်ႉတီႈၶႃႈဢေႃႈ။
၃ ၵေႃႉဢၼ်ဢမ်ႇတြႃးၼၼ်ႉဢုပ်ႇဢၢတ်ႇလူၺ်ႈလွင်ႈဢလူဝ်ႇႁူဝ်ၸႂ်မၼ်း တီႈၶႃႈဢေႃႈ။ယွင်ႈယေႃးၵေႃႉဢၼ်ႁိမ်ႁူင်ႇလႆႈၼၼ်ႉလႄႈႁဵတ်းဢမ်ႇပေႃးၼင်ႇႁိုဝ် ၵႃႈတီႈထႃႇဝရႃႉၽြႃးတီႈၶႃႈ ဢေႃႈ။
၄ ၵေႃႉဢၼ်ဢမ်ႇတြႃးၼၼ်ႉၸွမ်းလူၺ်ႈမႃႇၼႃႉပူၵ်းပႅၼ်မၼ်းၼၼ်ႉလႄႈလၢတ်ႈဝႃႈ၊-မၼ်းၸဝ်ႈတၵ်းဢမ်ႇၶိုၼ်းယွၼ်းဢဝ်ၵူၺ်း ဝႃႈၼင်ႇၼႆတီႈၶႃႈဢေႃႈ။တၢင်းဢၼ်မၼ်းၵျၢမ်ႇမၼ်းပွင်ယူႇတင်းသဵင်ႈတင်းလူင်ၼၼ်ႉလၢတ်ႈလႄႈဝႃႈ၊- ၽြႃးပဵၼ်ၸဝ်ႈ ဢမ်ႇမီးၵူၺ်း၊ဝႃႈၼင်ႇၼႆတီႈၶႃႈဢေႃႈ။
၅ သဵၼ်ႈတၢင်းဢၼ်မၼ်းၸွမ်းယူႇၼၼ်ႉ ပဵၼ်ဢၼ်မၼ်ႈၶိူင်ႇယူႇသေႇသေႇတီႈၶႃႈဢေႃႈ။လွင်ႈတၢင်းဢၼ်ၸဝ်ႈႁဝ်းၸီႇယၢင်ႇတြႃးၸိူဝ်းၼၼ်ႉပဵၼ်ဢၼ်သုင်ၵႆယၢၼ်ၵၼ်တင်းမၼ်းလႄႈ မၼ်းပဝ်ႇရၢၼ်ႇသူႇမၼ်းတင်း သဵင်ႈတင်းလူင်ပႅတ်ႈတီႈၶႃႈဢေႃႈ။
၆ မၼ်းလၢတ်ႈၵႃႈၼႂ်းႁူဝ်ၸႂ်မၼ်းလႄႈဝႃႈ၊-ၵဝ်ၼႆႉဢမ်ႇလႆႈၶၢႆႉလႆႈပုတ်ႈ။ဢမ်ႇလႆႈႁွတ်ႈထိုင်တီႈ တုၵ်ႉၶႃႉတၢင်းၽၢၼ်ယူႇသေႇ သေႇ၊ဝႃႈၼင်ႇၼႆတီႈၶႃႈဢေႃႈ။
၇ သူပ်းမၼ်းၼၼ်ႉတဵမ်ဝႆႉတင်းတၢင်းဢၼ်ၵိၼ်ႇလႃႇ၊ တၢင်းဢၼ်ပႅတ်ႉလႅၼ်၊တၢင်းဢၼ်ၶႃႉၸိုဝ်ႈၶၢႆသဵင်တီႈၶႃႈဢေႃႈ။ၵႃႈတႂ်ႈလိၼ်ႉမၼ်းၼၼ်ႉၵေႃႈ မီးတၢင်းဢၼ်ႁႂ်ႈပိူၼ်ႈယၢပ်ႇၸႂ်ဢိၵ်ႇတင်းတၢင်းဢၼ်ဢမ်ႇတြႃးၼၼ်ႉတီႈၶႃႈဢေႃႈ။
၈ မၼ်းၼင်ႈယူႇၵႃႈၼႂ်းတီႈဢၼ်လပ်ႉဢၼ်တဵတ်ႇ ႁိမ်းဝၢၼ်ႈႁိမ်းၼႃးသေလႄႈ ဢဝ်ၶဝ်ၸိူဝ်းဢၼ်ဢမ်ႇမီးဢပျႅတ်ႈၸိူဝ်းၼၼ်ႉ တၢႆၵႃႈၼႂ်းတီႈဢၼ်ၽိတ်ႇဢၼ်ငႅဝ်တီႈၶႃႈဢေႃႈ။မၢၵ်ႇတႃမၼ်းၼၼ်ႉပႂ်ႉလွမ်ပႂ်ႉတူၺ်းၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ တီႈၶႃႈဢေႃႈ။
၉
မၼ်းတဵတ်ႇမႅပ်းယူႇ ၵႃႈၼႂ်းတီႈဢၼ်ၽိတ်ႇဢၼ်ငႅဝ်ၼၼ်ႉ မိူၼ်ၸိူဝ်ႉၼင်ႇသၢင်ႇသီႈဢၼ်ယူႇၵႃႈၼႂ်းယုမ်းၼၼ်ႉတီႈၶႃႈဢေႃႈ။မၼ်းတဵတ်ႇမႅပ်းယူႇႁႂ်ႈလႆႈတီႉၺွပ်းဢဝ် ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉလႄႈဢဝ်ၶႄဝၢၼ်ႇတိုတ်ႉလႄႈ တီႉၺွပ်းဢဝ်ၵေႃႉဢၼ် ယၢၵ်ႈဢၼ်ၽၢၼ်ၼၼ်ႉတီႈၶႃႈဢေႃႈ။
၁၀ ၵေႃႉၼၼ်ႉလႆႈၶၢမ်ႇတၢင်းဢၼ်မူပ်ႇၵႂႃႇယေႃႈၵႂႃႇလႄႈ ဢူၼ်ႈတူၵ်းၵႂႃႇတီႈၶႃႈဢေႃႈ။ၶဝ်ၸိူဝ်းဢၼ်ဢမ်ႇမီးတီႈဢၼ်ၸႂ်လီလူၺ်ႈၼၼ်ႉၸၢင်ႊလူမ်ႉတူၵ်းၵႂႃႇ ၵွပ်ႈပိူဝ်ႈၶဝ်ၸိူဝ်း ဢၼ်မီးႁႅင်းတၼ်းၶူဝ်းၼၼ်ႉတီႈၶႃႈဢေႃႈ။
၁၁ မၼ်းၼၼ်ႉလၢတ်ႈၵႃႈၼႂ်းႁူဝ်ၸႂ်မၼ်းလႄႈဝႃႈ၊-ၽြႃးပဵၼ်ၸဝ်ႈလူင်ႈလိုမ်းယဝ်ႉ။မၼ်းၸဝ်ႈဝၢႆႇၼႃႈမၼ်းၸဝ်ႈပႅတ်ႈယဝ်ႉ။မၼ်းၸဝ်ႈတၵ်းဢမ်ႇႁၼ်လႃးလႃး၊ ဝႃႈ ၼင်ႇၼႆတီႈၶႃႈဢေႃႈ။
၁၂ ထႃႇဝရႃႉၽြႃးတီႈၶႃႈ၊လုၵ်ႉသေၵမ်းတီႈၶႃႈ။ၽြႃးပဵၼ်ၸဝ်ႈတီႈၶႃႈ၊ ယုၵ်ႉမိုဝ်းၸဝ်ႈႁဝ်းသေၵမ်းတီႈၶႃႈ။ယႃႇပေလူင်ႈလိုမ်းပႅတ်ႈၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ သေၵမ်းတီႈၶႃႈ။
၁၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵေႃႉဢၼ်ဢမ်ႇတြႃးၼၼ်ႉလႆႈႁဵတ်းဢမ်ႇပေႃးၼင်ႇႁိုဝ် တီႈၽြႃးပဵၼ်ၸဝ်ႈလႄႈလၢတ်ႈၵႃႈၼႂ်းႁူဝ်ၸႂ်မၼ်းလႄႈဝႃႈ၊- ၸဝ်ႈႁဝ်းတၵ်းဢမ်ႇၶိုၼ်းယွၼ်းဢဝ်ၵူၺ်း၊ ဝႃႈၸိူဝ်ႉၼင်ႇၼႆယူႇၼင်ႇ ႁိုဝ်တီႈၶႃႈ။
၁၄ ၵူၺ်းၵႃႈၸဝ်ႈႁဝ်းလႆႈႁၼ်ယဝ်ႉတီႈၶႃႈဢေႃႈ။လွင်ႈမၼ်းၸမ်း ၸဝ်ႈႁဝ်းလူႈတူၺ်းတၢင်းဢၼ်ပိူၼ်ႈယၢပ်ႇၸႂ်ဢိၵ်ႇတင်း တၢင်းဢၼ်ယႃႉဢၼ်ယူၵ်ႉၼၼ်ႉလႄႈႁႂ်ႈလႆႈမၢတ်ႈမၢႆဝႆႉၵႃႈၼႂ်းၽႃႇမိုဝ်းၸဝ်ႈႁဝ်းတီႈၶႃႈဢေႃႈ။ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ ၸၢင်ႊဢဝ်တူဝ်ၸဝ်ႈၵဝ်ႇဢၢပ်ႈပၼ်တီႈၸဝ်ႈႁဝ်းလႄႈ ၸဝ်ႈႁဝ်းပဵၼ်ၸဝ်ႈဢၼ်ၵမ်ႉထွၵ်ႈၸွႆႈထႅမ်ၵေႃႉဢၼ်ၽၢၼ်ပေႃႈၽၢၼ်မေႈၼၼ်ႉ တီႈၶႃႈဢေႃႈ။
၁၅ ၶႅၼ်းတေႃႈႁၵ်းပႅတ်ႈၶႅၼ်ၵေႃႉဢၼ် ဢမ်ႇတြႃးၼၼ်ႉသေၵမ်းတီႈၶႃႈ။ႁႃဢဝ်ဢမူႉဢၼ်ဢမ်ႇတြႃးၵေႃႉဢၼ်ႁၢႆႉမိူၵ်ႈၼၼ်ႉထၼ်ႈပေႃး ႁႂ်ႈဢမ်ႇလႆႈထူပ်းလႆႈ ႁၼ်ထႅင်ႈလႃးလႃးသေၵမ်းတီႈၶႃႈ။
၁၆ ထႃႇဝရႃႉၽြႃးပဵၼ်ၶုၼ်ႁေႃၶမ်းယူႇ ၵူႈၵမ်ႇၽႃႇ သိုပ်ႇသိုပ်ႇတၢမ်ႈတၢမ်ႈလႄႈ ၵူၼ်းမိူင်းတင်းလၢႆတၵ်းလႆႈလပ်ႉႁၢႆၵႂႃႇ ၵႃႈၼႂ်းမိုဝ်းၸဝ်ႈဢေႃႈ။
၁၇ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းလႆႈငိၼ်းသဵင်ၶဝ်ၸိူဝ်းဢၼ်ယၢၵ်ႈၽၢၼ် မီးဢ လူဝ်ႇၶႂ်ႈလႆႈၼၼ်ႉယူႇတီႈၶႃႈဢေႃႈ။
၁၈ ၸဝ်ႈႁဝ်းႁႂ်ႈႁူဝ်ၸႂ်ၶဝ်ၼၼ်ႉတႄႇၼိမ်လႄႈ ၸဝ်ႈႁဝ်းဢဝ်ႁူၸဝ်ႈႁဝ်းထွမ်ႇဢဝ်ငိၼ်းဢဝ် ႁႂ်ႈလႆႈပၼ်တြႃး တီႈၵေႃႉဢၼ်ၽၢၼ်ပေႃႈၽၢၼ်မေႈ ဢိၵ်ႇတင်းၵေႃႉဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉ တၵ်းဢမ်ႇႁႂ်ႈၵူၼ်းဢၼ်ဢွၵ်ႇပဵၼ်မႃးတီႈလိၼ်မိူင်းၼၼ်ႉ လႆႈလွၵ်ႇလႆႈငိူတ်ႈထႅင်ႈတီႈၶႃႈဢေႃႈ။