၄၂
၁ ၸိူဝ်ႉၼင်ႇၸၢတ်ႇၶၢႆး မုင်မွင်းၼမ်ႉၶေး ဢၼ်လႆယူႇၼၼ်ႉ ဝိၺိၺ်ႇၶႃႈၸဝ်ႈၵေႃႈမုင်မွင်းၸဝ်ႈႁဝ်းယူႇတီႈၶႃႈဢေႃႈ။ၽြႃးပဵၼ်ၸဝ်ႈတီႈၶႃႈ၊ ဝိၺိၺ်ႇၶႃႈၸဝ်ႈဢိုပ်းယၢၵ်ႈတွင်ႉမႆႈ ၽြႃးပဵၼ်ၸဝ်ႈဢၼ်ဝႃႈ ၽြႃးဢၼ်ဢသၢၵ်ႈလိပ်းယူႇၼၼ်ႉ ၼႃႇလူင်လၢင်ဢေႃႈ။
၂ ၵဝ်တၵ်းလႆႈႁွတ်ႈထိုင်ၵႃႈတီႈၽၢႆႇၼႃႈၽြႃးပဵၼ်ၸဝ်ႈလႄႈ ၼႄပျႃးၼႃႈၵဝ်မိူဝ်ႈ လႂ်။
၃ ၼမ်ႉတႃၵဝ်ၼႆႉ လႆႈပဵၼ်တၢင်ႈၵိၼ်ၵဝ်ယူႇ ၵူႈဝၼ်းၵူႈၶိုၼ်းတႃႇသေႇဢမ်ႇထၢတ်ႇ ၼႂ်းမိူဝ်ႈဢၼ်ပိူၼ်ႈထၢမ်တီႈၵဝ်ၸဝ်ႉၼႂ်ဝၼ်းၶမ်ႈလႄႈဝႃႈ၊- ၽြႃးပဵၼ်ၸဝ်ႈမႂ်းၼၼ်ႉမီးၵႃႈတီႈ လႂ်၊ဝႃႈၼင်ႇၼႆၼၼ်ႉၶႃႈ ဢေႃႈ။
၄ ၵဝ်ၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းၸိူဝ်းၼၼ်ႉလႄႈ ဢဝ်ႁူဝ်ၸႂ်ၵဝ်ထွၵ်ႇႁိုဝ်ႈပႅတ်ႈၵႃႈၼႂ်းၵဝ်ဢေႃႈ။လွင်ႈမၼ်းၸမ်း ၵဝ်ပႆၸွမ်းတၢင်းႁူမ်ႈလူၺ်ႈၵၼ်တင်းမုၵ်ႉၵူၼ်းၸိူဝ်းၵူၼ်းတင်းလၢႆလႄႈ ပႃးဢဝ်တင်းသဵင်ဢၼ်သႂၢင်ႇဢၼ်သိူဝ်း တင်းသဵင်ဢၼ်ႁဵတ်းထေႃးပၼႃႇၼၼ်ႉ ဢွၼ်ႁူဝ်မုၵ်ႉၵူၼ်းၸိူဝ်းၵူၼ်းဢၼ်ၶၢမ်ႇပွႆးထမ်ႇမႃႉၸိူဝ်းၼၼ်ႉ ၵႂႃႇၸူးၵႃႈတီႈႁိူၼ်းၽြႃးပဵၼ် ၸဝ်ႈယဝ်ႉ။
၅ ဝိၺိၺ်ႇၵဝ်ဢိူၺ်း၊ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းၸႂ်လဵၵ်ႉၸႂ်ဢူၼ်ႈယူႇၼင်ႇႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းဢမ်ႇတႄႇဢမ်ႇၼိမ်ယူႇၵႃႈၼႂ်းၵဝ်ၼႆႉၼင်ႇႁိုဝ်။မုင်ထႃႈမွင်းထႃႈၽြႃးပဵၼ်ၸဝ်ႈယူႇတႃႉ။ၵဝ်တၵ်းယွင်ႈယေႃးႁဵတ်းထေႃးပၼႃႇ တီႈမၼ်းၸဝ်ႈဢၼ်ပဵၼ် ၸဝ်ႈဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉ လူးၵွၼ်ႇဢေႃႈ။
၆ ၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ ၸႂ်ဝိၺိၺ်ႇၶႃႈၸဝ်ႈလဵၵ်ႉၵႂႃႇဢူၼ်ႈၵႂႃႇယူႇ ၵႃႈၼႂ်းၶႃႈၸဝ်ႈတီႈၶႃႈဢေႃႈ။လွင်ႈမၼ်းၸမ်းၶႃႈၸဝ်ႈၶုၵ်းၸႂ်လႆႈၶႆႈၸႂ်ထူပ်းၸဝ်ႈႁဝ်း ၵႃႈတီႈၽၢင်ႇၼမ်ႉႁွင်ႊယေႃးတၢၼ်ႇဢိၵ်ႇတင်းၵႃႈၼိူဝ်ၶိူဝ်းလွႆႁေႇလမုၼ်ႇတင်း ၵုင်းမိၸႃႇ ၼၼ်ႉတီႈၶႃႈဢေႃႈ။
၇ ဝႄးဢေႃးၶႃႉဢၼ်ၼိုင်ႈလႄႈဢၼ်ၼိုင်ႈပႃးတင်းသဵင်ယႂ်ႇသဵင်လူင် ႁွင်ႉသႅၼ်ႇၸူးၵၼ်တီႈၼမ်ႉၸဝ်ႈႁဝ်း ဢၼ်ပၼ်ႇၶိုၼ်ႈပဵၼ်ၽၢၼ်ႈၸိူဝ်းၼၼ်ႉသေလႄႈလႅင်းၼမ်ႉပိူပ်ႇၼမ်ႉဢၼ်လဵၵ်ႉဢၼ်ယႂ်ႇၸဝ်ႈႁဝ်းၸိူဝ်းၼၼ်ႉ ထုမ်ႈႁူမ်ႇၶႃႈၸဝ်ႈ တီႈၶႃႈယဝ်ႉ။
၈ ၵူၺ်းၵႃႈၶိင်ႇၵၢင်ဝၼ်းထႃႇဝရႃႉၽြႃးပၼ်ၵျေးၸူးတင်းဢိတ်းလူလႄႈ ၶိင်ႇၵၢင်ၶိုၼ်းတၢင်းႁဵတ်းၵႂၢမ်းမၼ်းၸဝ်ႈဢၼ်ဝႃႈ တၢင်းဢၼ်ႁဵတ်းပထၼႃႇၽြႃးၸဝ်ႈဢသၢၵ်ႈၵဝ်ၼၼ်ႉ မီးယူႇၵႃႈတီႈၵဝ် ဢေႃႈ။
၉ ၵဝ်တၵ်းလၢတ်ႈတီႈၽြႃးပဵၼ်ၸဝ်ႈဢၼ်ပဵၼ်မၢၵ်ႇႁိၼ်မၢၵ်ႇၽႃၵဝ်ၼၼ်ႉလႄႈဝႃႈ၊- ၵွပ်ႈပိူဝ်ႈလွင်ႈၼင်ႇႁိုဝ်လႄႈ ၸဝ်ႈႁဝ်းလူင်ႈလိုမ်းၶႃႈၸဝ်ႈယူႇတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶႃႈၸဝ်ႈလႆႈၶၢမ်ႇတၢင်းဢၼ်ရၢၼ်ႇသူႇ ၼိၵ်ႈၸၢၵ်ႈငႅၼ်းသေးသေလႄႈလႆႈၼုင်ႈၶူဝ်းဢၼ်ၵျၢမ်းၼႃႇၼၼ်ႉတီႈၶႃႈ၊ ဝႃႈၼင်ႇ ၼႆဢေႃႈ။
၁၀ ရၢၼ်ႇသူႇၵဝ်တင်းလၢႆဢွၼ်ၵၼ်သေႉသွမ်းၵဝ်မိူၼ်ၸိူဝ်ႉၼင်ႇ တၵ်းႁၵ်းလုပ်ႇၵဝ်တင်းလၢႆပႅတ်ႈၼႂ်းမိူဝ်ႈဢၼ်ၶဝ်ထၢမ်တီႈၵဝ်တင်းဝၼ်းလႄႈဝႃႈ၊- ၽြႃးပဵၼ်ၸဝ်ႈမႂ်းၼၼ်ႉမီးၵႃႈတီႈ လႂ် ဝႃႈၼင်ႇၼႆယူႇၼၼ်ႉ ဢေႃႈ။
၁၁ ဝိၺိၺ်ႇၵဝ်ဢိူၺ်း၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းၸႂ်လဵၵ်ႉၸႂ်ဢူၼ်ႈၸိူဝ်ႉၼႆ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းဢမ်ႇတႄႇဢမ်ႇၼိမ်ယူႇၵႃႈၼႂ်းၵဝ်ၼႆႉ။မုင်ထႃႈမွင်းထႃႈၽြႃးပဵၼ်ၸဝ်ႈယူႇတႃႉ။ၵဝ်တၵ်းယွင်ႈယေႃးႁဵတ်းထေႃးပၼႃႇတီႈမၼ်းၸဝ်ႈဢၼ်ပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉလူးၵွၼ်ႇဢေႃႈ။