၄၇
၁ ၵူၼ်းမဵဝ်းတင်းသဵင်ႈတင်းလူင်ၶဝ်ဢိူၺ်း၊ ဢွၼ်ၵၼ်တူပ်းမိုဝ်းတႃႉ။ဢွၼ်ၵၼ်ႁဵတ်းသဵင်ဢၼ်ပႄႉၼႅင်ႇသေ လႄႈႁွင်ႉသႅၼ်ႇတီႈၽြႃးပဵၼ်ၸဝ်ႈတႃႉ။
၂ လွင်ႈမၼ်းၸမ်း ထႃႇဝရႃႉၽြႃးဢၼ်ပဵၼ်ၸဝ်ႈဢၼ်သုင်ၼႃႇသေပိူၼ်ႈၼၼ်ႉ ပဵၼ်ဢၼ်လီရူဝ်ႇသေႇၵူဝ်ယမ်ပဵၼ်မႁႃႇၶုၼ်ႁေႃၶမ်း ဢၼ်လႆႈဢုပ်ႉပိူင်ႇလိၼ်မိူင်းၼႆႉတင်း သဵင်ႈတင်းမူတ်းဢေႃႈ။
၃ မၼ်းၸဝ်ႈၶျႃးမဵဝ်းၵူၼ်းတင်းလၢႆတူၵ်းဝႆႉၵႃႈတႂ်ႈႁဝ်း ၵူၼ်းၵူႈၸိူဝ်ႉၵူႈမဵဝ်းတူၵ်းဝႆႉၵႃႈ တႂ်ႈတိၼ်ႁဝ်းဢေႃႈ။
၄ မၼ်းၸဝ်ႈလိူၵ်ႈၵဵပ်းဢဝ်ဢမူၺ်ႇႁဝ်းဢၼ်ပဵၼ်မုၼ်ၽုင်းယႃႇၵုပ်ႉ ဢၼ်မၼ်းၸဝ်ႈႁၵ်ႉၼၼ်ႉပၼ်ပုၼ်ႈႁဝ်းဢေႃႈ။ၸေႇလႃႇ။
၅ ၽြႃးပဵၼ်ၸဝ်ႈပႃးဢဝ်တင်းသဵင်တၢင်းဢၼ်ႁွင်ႉၸူမ်းႁွင်ႉသိူဝ်းၼၼ်ႉသေလႄႈၶိုၼ်ႈၵႂႃႇလႄႈ ထႃႇဝရႃႉၽြႃး ပႃးဢဝ်တင်းသဵင်တၢင်းဢၼ်ပဝ်ႇၶရႃႇၼၼ်ႉ သေလႄႈၶိုၼ်ႈၵႂႃႇဢေႃႈ။
၆ ဢွၼ်ၵၼ်ယွင်ႈယေႃးၽြႃးပဵၼ်ၸဝ်ႈသေလႄႈႁဵတ်းၵႂၢမ်းတႃႉ။ႁဵတ်းၵႂၢမ်းတႃႉ။ဢွၼ်ၵၼ်ယွင်ႈယေႃးၶုၼ်ႁေႃၶမ်းႁဝ်းသေလႄႈ ႁဵတ်း ၵႂၢမ်းတႃႉ။ႁဵတ်းၵႂၢမ်းတႃႉ။
၇ ၽြႃးပဵၼ်ၸဝ်ႈပဵၼ်ၶုၼ်ႁေႃၶမ်းဢၼ်ဢုပ်ႉပိူင်ႇလိၼ်မိူင်းၼႆႉ တင်းသဵင်ႈတင်းမူတ်းဢေႃႈ။ဢွၼ်ၵၼ်ႁဵတ်းၵႂၢမ်းထေႃးပၼႃႇတၢင်းဢၼ် ယွင်ႈယေႃးတႃႉ။
၈ ၽြႃးပဵၼ်ၸဝ်ႈဢုပ်ႉပိူင်ႇမဵဝ်းၵူၼ်းတင်းလၢႆလႄႈ ၽြႃးပဵၼ်ၸဝ်ႈ ၼင်ႈယူႇၵႃႈၼိူဝ်ပလၢင်ႇ မၼ်းၸဝ်ႈဢၼ်မူတ်းၸၢင်ႇၼၼ်ႉဢေႃႈ။
၉ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းၵူၼ်းၵူႈၸိူဝ်ႉၵူႈမဵဝ်းၼၼ်ႉလႆႈၸူႉၵၼ်တုမ်ၵၼ်ယူႇ ၵႃႈတီႈမဵဝ်းၵူၼ်းၽြႃးပဵၼ်ၸဝ်ႈ ဢၼ်ဢႃႇပႁၢမ်ႇ ၵူဝ်းၵႂၢႆႇၼၼ်ႉဢေႃႈ။လွင်ႈမၼ်းၸမ်း ၶိူင်ႈဢၼ်ႁႄႉလၢၵ်ႈၼၢၵ်ႈတင်းလၢႆ ပဵၼ်ဢုၵ်ႉၸႃႇၽြႃးပဵၼ်ၸဝ်ႈလႄႈ မၼ်းၸဝ်ႈမီးဢရႃႇတၢင်းဢၼ်ယုၵ်ႉယွင်ႈၼႃႇလူင်လၢင်ဢေႃႈ။